1 SAMUELA 14:3 - PATHIAN LEKHABU IRTHIANG C.L. Bible (BSI)

³ Khante, Silo khuaa Rengpa ochai Elia nâipa Finehasa nâi Ikaboda sangpa Ahituba nâipa Ahia kha ochai songkol innghâkin a oma. Jonathana a fe ti kha mipuihai khan inhre mahaia.

1 SAMUELA 14:3 ပူးပေါင်းရင်းမြစ်များ

1 SAMUELA 1:3

Elkana kha, Rama khua ata Silo khuaa, tinrêng thothei Rengpa chubai mûk hrang le irbôl hrangin a kum tin a fe ngaia. Kha khan Elia nâipasalhai ruai Hofnia le Finehasa hi Rengpa ochai hrangin an lei oma.

1 SAMUELA 14:36

Saula khan, a mihai kuang, “Zâna Filistia-hai zu rûnhai ei ta, zîng khovâr dênin inmokhai ei ti, thatpaihai ving ei ti,” a tia. Khanchu anni khan, “A sa ni ti lam takin tho ro,” an tia. Khannisianlân ochaiin, “Pathian chongpui bak hi rei,” a tia.

1 SAMUELA 2:18

Khannisianlân Samuela chu nâipangte ni khomsian, puan irphân ochai songkol innghâkin Rengpa sin a tho ngaia.

1 SAMUELA 2:28

Khante Israel nam murdihai laia ki maichâma fea, mirimhoi hâla, ki makunga ochai songkol innghâk hrangin, ki ochai chang hranga ama kha ki inkung mo ni ma? Ni’rchibulhai kha Israel mihai hâlirvôm thil mo ki inhlanhai ni ma?

1 SAMUELA 22:20

Khannisianlân Ahimeleka nâipa laia inkhat a’rhming Abiathara kha a zôka, Davida kuang an tân pata.

1 SAMUELA 4:21

“Roiinpuina khan Israel chu a mâksan ta,” tiin nâite irhming chu Ikaboda a ti tâka. Pathian Thuthung Bôm chu an lâkpai pea, a tarpu le a pasal an thi tah ti tetûkna a ni.

1 SAMUELA 4:4

Khanchu mipuihai khan Silo-a khan mi an tîra. Khatak ata kha Cherubim chunga toi, Itinrêng sin thei Rengpa Thuthung Bôm kha an va lâk tâka. Thuthung Bôm an zuang chôia khan Elia nâipasalhai Hofnia le Finehasa hai an ruaiin an zuang saa.