1 SAMUELA 13:9 - PATHIAN LEKHABU IRTHIANG C.L. Bible (BSI)

⁹ Khanchu Saula khan, “Hâlirvôm thilinhlan hrang le irngeina thilinhlan hranghai kha keima kuang hong chôi roi,” a tia. Khanchu hâlirvôm thil kha an inhlana.

1 SAMUELA 13:9 ပူးပေါင်းရင်းမြစ်များ

2 SAMUELA 24:25

Kha hnung chu Davida khan kha hmuna khan Rengpa ta hrangin maichâm a siama, hâlirvôm thilinhlan le irngeina thilinhlanhai a neia. Rengpa khan Davida’n a ram ta hranga chongchaina kha a sâma, Israel ram ata kha hripui kha ar kiangtir tâka.

1 RÊNGHAI 3:4

Reng chu thilinhlan hrangin Gibeona a fea, kha hmun kha thilinhlanna hmun roiinpui tak a ni. Solomona’n kha maichâma khan hâlirvôm thil inhlanna’n thil hring sângkhat a lei inhlan tâka.

INPÂKNA HLAHAI 37:7

Rengpaa khan irngamin lân, ama chu nghâk zâm zâm roh; Ni om lama vânneina dongtu sikin beiindong no roh. Ngaituana sualhai puiinhlingtu sika khan.

THUVÂRHAI 15:8

Mi pualoihai irbôlna chu, Rengpa ta hrangin intirom a nia, mi felhai chongchaina chu a ifel a ni.

THUVÂRHAI 20:22

“Sual chu lei thuan zôi zel rong” ti no ro. Rengpa nghâkin lân, ama’n indiktir ving a ti.

THUVÂRHAI 21:27

Rengpa’n mi siahai irbôlna thilpêk chu a hnôla, a bîkin lungrîl sual irputa an hong inhlana ni’n chu a hnôl ual ngai.

THUVÂRHAI 21:3

Irbôlna nêkin dikna le felna sin hi Rengpa lôm lam a ni.

ISAIA 66:3

Khannisian, hi mihai ta hrang hin chu sehrât thata inhlan mani, mihriam thata irbôl mani danglam ual mah. Belra inhlan mani, ui thata inhlan mani baidi irhlan mani, vok thisen inhlan mani, mirimhoi an hâl khoma, millim an biak khomin, anni hrangin danglam ual ma. An nuam lam takin sin an zonga thil intirom biak an nuam ngaia.

DÂN INHNINA 12:5

Israel nam murdi ramchâr lai ata Rengpa khan a’rhming omna hrang hmun inkhat inthang a ta, kha khan a makunga nin ihong irchun ngai hrang a ni.

DÂN INHNINA 12:6

Kha khan nin hâlirvôm thilinhlan hai le nin thilinhlan danghai nin hong inhlan hrang a ni; nin sôma inkhathai, nin thilpêk hai, nin inkung chumna thilinhlan hai, nin nuam thilinhlan hai, nin sâ a tê suak masa takhai, nin hong ichôi ngai hrang a ni.

1 SAMUELA 14:18

Saula khan ochai Abija kuang khan, “Ochai songkol kha hong chôi ro,” a tia. Hi nî hin Abija’n Israelhai makunga a hong ichôi a ni.