1 SAMUELA 13:7 - PATHIAN LEKHABU IRTHIANG C.L. Bible (BSI)

⁷ senkhathai chu Jordan râla Gad le Gilead ram tianghai lâizâm an thoa. Saula chu Gilgal-a a la om maia, a kuanga om mipuihai kha irlo’nthing natin an chia.

1 SAMUELA 13:7 ပူးပေါင်းရင်းမြစ်များ

LEVI DÂN 26:17

Nangni irheisan ki ta, nangni khôkmâktuhai chu nin chunga roirêltuhai ni an ta, irzûl loi khomin intâ tânin om nin ti.

DÂN INHNINA 20:8

Kha zoia sipai hruaituhai khan, ‘Indôp lungrîl chitinrîm nin om mo? Nin omin chu in sûng tiang kîr chian roi, a sipai chanpuihai lungrîl indôptirna a ti,’ ti an ti.

DÂN INHNINA 28:25

Rengpa khan nin râlhai kha inhnêtu ualin nangni inchangtir a ta, lam inkhata fe’n doi nin ta, kil tin panin rot nin ta, indarh nin ti. Rammuala mi murdi’n nin chunga thil tung kha a’rkhêl ti an ti.

DÂN INHNINA 3:12

Hi ram kin lâk hnung hin Reubena le Gada irchihai kuang Arnon dung irhôr chung tânga Aroer khua sim tiang ram kha Gilead tâng ram chimrip leh kin pêka.

JOSUA 13:11

Gilead ram huamin Gesur-hai le Maakat-hai omna leh, Hermon tâng le Basan rama Seleka a dêna.

JOSUA 13:8

Manasea irchi chimrip leh Reubena irchi le Gada irchihaiin Jordan nisua tianga an ram irchon hrang Rengpa siahlo Mosia pêk kha an neia.

ROIRÊLTUHAI 7:3

Mipui laia hril ro, “Tukhom, irdoina chia thâidôp chu Gilead tâng ata in tiang kîr nôk ri se, tiin inpuang ro,” a tia. Khanchu, mi sînghni le sânghni chu in tiang an kîra, sîngkhat chu an la om.

1 SAMUELA 13:8

Samuela’n he a ibehai ang takin sûn sari Samuela kha an nghâka, khannisianlân Samuela kha Gilgal-a khan la zuang maka. Mipuihaiin Saula kha an mâksan thiai tâka.

1 SAMUELA 17:11

Khan Saula le Israelhai murdi’n Filistia mi thu’nsîr kha an inhriatin chu irlo’nthingin an chi tâka.

1 SAMUELA 31:7

Israel mi Jezreel phâi varâl tianga omhai le Jordan râl nisua tianga omhaiin, Israel sipaihai lâizâm an thoa, Saula le a nâipasalhai an thi ti an inhriatin chu lâizâm an tho tâka. Khanchu Filistia-haiin an khua an va ilua tâk a ni.