1 SAMUELA 12:24 - PATHIAN LEKHABU IRTHIANG C.L. Bible (BSI)

²⁴ Rengpa chu chi phot unglân, nin milung murdi’n ama sintho unglân, nin laia a sintho roiinpuihai le nin milung sûnga vong mai roi.

1 SAMUELA 12:24 ပူးပေါင်းရင်းမြစ်များ

DÂN INHNINA 10:21

Nin mit ngeia nin ihmu, thil roiinpui tak tak le irkhêl tak tak tia nangni chôiindômtu hi nin Pathian chu a ni.

ISAIA 5:12

Zu hmuna serânda le perkhuang hmanga, têngrep le belemhai hmanga, zu inruia omhai chu, Rengpa sintho en nuam loiin. A kut sintho khom en nuam loiin.

THUVÂRHAI 1:7

Rengpa chi chu inhriatna bul a ni. Khannisianlân, invêthaiin chu vârna le irchûtirna an hmusit ngai.

HEBRAI toc2 HEBRAI 12:29

ei Pathian hi mi kâng irhmang ngai mei a ni sikin.

INPÂKNA HLAHAI 111:10

Rengpa chi chu vârna bul a nia; A thupêk zômhai ka kuang inhriat thiamna sa a pêk ngai. Ama’n pâkna chu kumkhua’n om mai a ti.

THUHRILTU 12:13

Hihai murdi zoia hin chu, thil inkhat vai hi hril hrang a om tâka; Pathian chin lân a thupêkhai zôm ro, kha hrang piala mihriam hi siam ei ni sikin.

FESUAKNA 12:13

Thisen chu nin ta hrangin nin omna ina irsinsiana ni a ta; khanchu thisen ki hmu’n chu nangni irkân ki ta, khanchu Aigupta mihai dûk ki thohai tena chu, nangni irhmangtir hrangin hripui ite lêng ta no ni.

ROM KHUAA MIHAI KUANGA TÎRTÔN PAULA LEKHATHON 12:1

Khasikin urênghaio, Pathian lungkhamna sika hin irbôlna hring le irthiang le Pathian lôm inruk ni hrangin nin takpum kha inhlan hrangin nangni ki ngên a ni; khaang kha nin sintho hrang lam tak a ni.

INPÂKNA HLAHAI 119:80

Ki mualinphoi loina hrangin ki lungrîl hi ki thupêka khan sat irkipin om ri se.

JOBA 28:28

Mihriamhai laia, “Irngai ro, Rengpa chi hi vârna a ni, thil saloi mâksan hi inhriat theina chu a ni,” a tia.

JOHANA 1:47

Jisua’n Nathanaela hong a hmu’n chu a thurchi a lei insîra, “En u ta, Israel mi dik tak, mi huang tumna rêng rêng nei loi so,” a tia.

JOSUA 24:14

“Khasikin, Rengpa chu inzâ unglân dik takin a sin tho ngit roi. Mesopotamia ram le Aigupta rama nin pi le puhai ibiak ngai pathian illimhai kha pai zit roi.

DÂN INHNINA 29:1

Rengpa khan Mosia kuang Israelhai le Moab rama hianga thuthung hrang hin a hrila; Horeb tânga a thuthung belsana a ni.

DÂN INHNINA 29:2

Mosia khan Israel mi murdi kha a koikhômhaia, an kuang, “Nin mit ngeiin Aigupta rêng Faroa le a milianhai le an ram sûnga Rengpa thiltho kha nin hmua.

2 RÊNGHAI 17:39

Kei nin Pathian, Rengpa thu hi nin izôm hrang a ni; khanchu nin râlhai ata nangni sansuak ki ti,” a tia.