1 SAMUELA 12:21 - PATHIAN LEKHABU IRTHIANG C.L. Bible (BSI)

²¹ Ite irfêna boi le nangni sansuak thei loi hrang chu zuiin pêtsan ual no roi, khahai kha ite hmang hmunboi a ni.

1 SAMUELA 12:21 ပူးပေါင်းရင်းမြစ်များ

HABAKUKA 2:18

Millim siam chop a siamtu’n a isin khan, imo inlâpna a inei hrang? Millim siam chop, milak irchutirtu ma mai a siamtu’n ama kut suak a iiam nôk hi, Millim chongtheiloi hong siam hi imo a’rfêna?

JEREMIA 16:19

Rengpa, nang chu ni sûnghualtu le hrâtna ni petu ni nia, buaina ki tong zoro khomin ni ni changpui ngaia. Namhai chu kôlkila irthokin ni kuang an honga, an iti chu, “Kin irchibulhaiin pathian dik ni loihai ti no chu a dang ite nei mahai, hmanghmunboi millim ti no chu ite nei mahai.

JEREMIA 10:15

Hlutna nei loi hmûsit zât an nia, anni ngaitua hrangin Rengpa a zuang nî chu insiatin om ving an ti.

JEREMIA 14:22

Nam danghai millimhai khan rua inthotir thei mahaia; Irvâna a bingin rua inthotir thei mah. O Rengpa, kin Pathian, kin sabeina chu ni chunga kin irnghat a ni, hi thil tinrêng tho ngaitu ni ni sikin.

DÂN INHNINA 11:16

Irdîn roi, mâni irhuang irhlômin pêtna lik chin ni, pathian danghai chubai mûkin an sin thôna nin ti.

1 KORINTH 8:4

Khaang khan, millim biakna thil fâk chungchânga chu: rammuala millim rêng rêng hi ite an ini loizia le Pathian inkhat vai a om tih chu ei inhriat.

JONA 2:8

Thil chanlamboi milak mai mai ngaisaktuhai khan anni iamomna kha an irheisan a ni.

JEREMIA 2:13

Ki mihaiin sual inhni an sin tâka; keima hringna tuihnâr hi an ni mâk raka, tuikuang an choia, tuikuang tui reng irting thei ngai loi chu.

ISAIA 46:7

An dârsuama an chuanga, an ir-iampuia, An omna hrang hmuna an va siahaia, an isia lam takin a omchian ngai. Irthîn thei ni maka, an chongpuihai khomin sâm thei mahaia, chardong irlahai khom sian sanhai thei mahaia.

ISAIA 45:20

Siatna ata zôkhai, nam tinrênghaio, Hong unglân, hong irbuk roi, tûte châng thei ngai loi thingtum millim, pathiana biakhai hin ite thil inhriatna nei mahai.

JEREMIA 10:8

An rêngin an invêtin an into a ni, thing millima irthokin imo an irchu thei hrang?

JEREMIA 2:5

Rengpa’n a ti, “Nin irchibulhaiin keimaa hin imo thil dikloi an ihmua an ni irhlapuiin, an irot? Chanlamboi millimhai chubai mûkin hmanghmunboi an ichang tâk a ni.

ISAIA 41:29

An rêngin ite hmang zât om mahai, Ite tho thei khom nei mahaia, an millim sorhai hi ite an ini loi a ni.

DÂN INHNINA 32:21

pathian ni loi an biak tika ki ningmur an kêlsuaa, an millimhai khan ki ning an inmurtira, Irchia tep kâi loihai hmangin ki ninginmurtir an ta, nam invêttak takhai khom hnarsa an ti.

TÎRTÔNHAI SINTHO 14:15

“Hi hi i hrang mo nin itho? keini khom nangni ang mihriam mai mai kin ni. Hi chanlamboi thilhai hi mâkin, Pathian hring, irvân, irnêng, tuikhanglian le a sûnga om murdi siamtu tianga nin hong kop theina hranga Thurchi Sa nangni hong hril kêng kin ini.

DÂN INHNINA 30:17

A thu nin zôm nuam noa, nin irngai nuam noa, pathian danghai nin biak likin chu,

2 RÊNGHAI 17:15

A thupêkhai kha zôm nuam loiin an oma, an pahai le thuthung chu an mâksana, an irchutirna inkhat khom zôm nuam loiin an oma. Chanlamboi thu, millimhai biakin an oma, Rengpa’n an omdân la no roi” a ti an kôla nam danghai omdân an lâka.

JONA 2:9

Kei rêkin chu lômthu insîrna irhâi leh ni kuang irbôlna inhlan ki ta; Thu ki inkung tak kha hlensua ki ti. Saninhringna kha Rengpa ta a ni,” tiin.