1 SAMUELA 12:12 - PATHIAN LEKHABU IRTHIANG C.L. Bible (BSI)

¹² Khannisianlân, Amon mihai rêng Nahasa chu nangni doi hrangin a hong ti nin inhriat tena chu Rengpa chu nin rêng lei ni khom sian nin hnôla, keima kuang, ‘Roi ni rêl pe hrangin rêng kin innang,’ nin tia.

1 SAMUELA 12:12 ပူးပေါင်းရင်းမြစ်များ

IRPHUTNA 17:7

Khan kei le nangma le ni’rchi hong pung hranghai Pathian ni hrangin kumtuanga hek ta loi hranga thuthung ki indet a ni ta.

INPÂKNA HLAHAI 74:12

Khannisianlân, Pathian chu tianlai ata ki Reng a ni, Irnêng inlâina taka saninhringna siam ngaitu chu.

ISAIA 33:22

Rengpa chu roi ni rêl pe hrang ni a ta, Rengpa chu ei hruaitu a nia, Rengpa chu ei rêng a ni, Ama’n ni hrung mai a ti.

JEREMIA 40:11

Khaang khan, Israel mi tin Moab, Edom le ram danga omhai khan Babulon rama rêng mi tômte Judai rama a mâk thu le Ahikama nâipa Gedalia, Safana tupa chu khahai optu hrangin an inkung a nih ti a lei inhriata.

HOSEA 13:10

Ni khopui murdia saninzôk theitu hrang kha, ni rêng kha atûn hin khôn mo a iom? Reng le hruaituhai ni pe ro, ni iti hai, ni roirêltuhai kha khôn mo?

NAMBAR 23:21

Israel sûnmatona hin vânsiatna le buaina ite om no nia; Rengpa an Pathian chu an kuang a om sikin, ama chu an rêng a nih tiin an chôiindôma.

ROIRÊLTUHAI 8:23

Gideona’n, “Nin chunga roirêltua chang no ning; ki nâihai khom chang no nihai, nin chunga roirêltu hrang chu Rengpa a ni,” a tia.

ROIRÊLTUHAI 9:18

Atûn hin chu, ka pa insûng mihai chunga nin doia, a nâipasal sômsari chu lung inkhat chunga nin thathaia, a siahlonu nâipa, ni irzirpui nâi Abimeleka hi Sekem khuaa mihai rênga nin hong isiam tâk a ni hi.

1 SAMUELA 10:19

Khannisian a vuan nin milung inzîngnahai le nin dengtheinahai ata nangni inzôkpu nin Pathian kha indit mak chêia, a kuang rêng ni siam pe roh nin tia,’ tiin. Khasikin, atûn ar chi le a panamin Rengpa makunga hong inlang roi,” a tia.

1 SAMUELA 8:3

Khannisianlân, anni khan an pa omdân zui loiin, sum le puan tiang an huatirhama, khasikin fâk inrûkhai an hmanga, dik loi takin roi an rêl ngaia.