1 SAMUELA 11:7 - PATHIAN LEKHABU IRTHIANG C.L. Bible (BSI)

⁷ Khanchu sehrât bop khat a thata, a hme ar chan chita, Israel ram hmun tina a sem suak vinga; “Mi tukhom Saula le Samuela irdoina zui nuam loitu kai chu an sehrâtchal hiang hin iloh ni a ti,” tiin. Khanchu mipuihai chunga Rengpa ichiomzia a tunga, lungirrual takin an irthok suak thei tâka.

1 SAMUELA 11:7 ပူးပေါင်းရင်းမြစ်များ

IRPHUTNA 35:5

Khanchu an fea, an khua vêla mihaiin an lei chihaia, ite Jakoba nâihai chu irzûl ngam ta mahaia.

2 THURCHI SUINA 14:14

Gerar le a kôlvêla khopuihai khom an insiat thei ving a ni; khataka mi lei omhai khan Rengpa kha an chi tak taka, khuahai an inmoka, râllâk sum tamtak an lâka.

2 THURCHI SUINA 17:10

An omna ram sûnga chu Jehosafata doi ngam loi hrangin Rengpa’n an dôptirhaia.

2 THURCHI SUINA 19:7

Rengpa kha chi unglân, irdîn takin itinrêng tho roi, Rengpa ei Pathian chu mi huanghai, theibîk neihai, thamna neihai hi a inuam loi a ni,” a ti ngaia.

ISAIA 8:13

Itinrêng Rengpa hi a nih nin inza hrang chu. Ama vai hi a nih nin chia nin itho pe hrang chu.

ROIRÊLTUHAI 19:29

In a va tungin chu chemte a lâka, a lâksîr chu a ru pumin sômkhat inhni’n a’rchanchita, Israel ram sûng pumpuia a thon suaka.

ROIRÊLTUHAI 20:1

Israel mi murdi chu thukhat chelin Mizpa khuaa Rengpa makunga an irbuk khôma, Dan le Beerseba khua inkâra mi murdi le Gilead ram mihai leh ile an fe khôm a ni.