1 SAMUELA 11:6 - PATHIAN LEKHABU IRTHIANG C.L. Bible (BSI)

⁶ Kha thurchihai kha an hriat infel tena chu, Saula chunga khan Pathian irtha a satêrengin a zuang chuma, a ning a sate’n an mur pe tâka.

1 SAMUELA 11:6 ပူးပေါင်းရင်းမြစ်များ

1 SAMUELA 10:10

Khanchu tâng kha an hong tung tena chu, deipuhai khan an irtongpuia, Rengpa irtha a zuang chum pea, an thuhrilna khan a kop sa tâka.

1 SAMUELA 16:13

Khanchu Samuela khan sahriak thunna sial irki kha a lâka, a urênghai mithmua khan Davida chu sahriak a’rthutira. Voikhat zelin Rengpa irtha kha Davida chunga a zuang chuma, kha nî rengata kha a ompui mai tâka. Khan Samuela chu Ramah khua tiang a kîr nôk tâka.

ROIRÊLTUHAI 6:34

Rengpa irtha chu Gideona chunga a oma, Abiezera mihai koi khômna’n bekul a tuma.

ROIRÊLTUHAI 14:6

Irningloiin Rengpa irtha chu a chunga a zuang chum thuta, ite khom chôi maka, kêlte ang takin an pot indi chita, khannisianlân, a sintho kha a nu le a pa chu inhrilhai viat mah.

ROIRÊLTUHAI 13:25

Rengpa irtha’n Zora le Estaol kâra Mahane-dan hmuna khan Samsona chu a hong pôl irphut tâka.

ROIRÊLTUHAI 3:10

Rengpa Irtha chu a chunga a oma, Israelhai hruaitu a hong ni tâk. Irdoi hrangin a fe suaka, Rengpa’n Mesopotamia rêng Kusan-risathaima chu an hnêtira, a kut ata Israelhai chu a sansuakhai tâka.

ROIRÊLTUHAI 11:29

Rengpa Irtha chu Jeftha chunga a hong tunga, Gilead le Manasea ram chu ar fanga, Gilead bial Mizpa khuaa khan a hong kîr nôka. Amon-hai rama khan a fe tâka.

EFESI 4:26

Ninginmur khom unglân, thil sual tho no roi, misa tâk de dênin ninginmur no roi.

MARKA 3:5

An milung ngarzia an hriatin poi a ti tak taka, ningmur takin a enhai hnungin kha pa kuang khan, “Ni kut inphar roh,” a tia. A hong phar suaka, a kut kha a hong dam pe tâka.

NAMBAR 12:3

Mosia chu irnêng chunga mihriam murdihai laia phûkdâi tak a nia.

FESUAKNA 32:19

Mosia khan sehrâtchal le mipui lâm sup sup hmu’nfel theina hranga riakbuk kha a zu nâiin chu, a ning an mur pe tak taka, tâng kôla khan lungphêk a ichôihai kha dêngzuanin an khoipai ta.

ROIRÊLTUHAI 15:14

Lehi hmun an hong tungin chu Filistia-haiin an lei dona, an khêk mur mura; Rengpa irtha’n a hong man thuta, an khitna hruihrual thar chu pat ang takin an potsat chit tâka.

1 SAMUELA 16:14

Rengpa irtha khan Saula kha a mâksana, Rengpa itîr ramilhli khan an buaitir ngaia.

1 SAMUELA 10:6

Khanchu Rengpa irtha ni chunga zuang chum a ta, nang khom an thuhrilna khan kop sa ni ta, nang khom mi dang chang ta ni ti.