1 SAMUELA 11:11 - PATHIAN LEKHABU IRTHIANG C.L. Bible (BSI)

¹¹ Khanchu zîng nôka chu a mihai kha pâl thumin a zêkhaia, thingchangvârro vêla hin an irdoipuihai riakbuka an va lût khumhaia, Amon mihai chu sûn misa lum dên rakin an thathaia; an ithat selhai chu an indarh chita, a bopa om rêng irhmu ta mahaia.

1 SAMUELA 11:11 ပူးပေါင်းရင်းမြစ်များ

IRPHUTNA 22:14

Khasikin Abrahama’n kha hmun irhming kha Jehova Jire a phua tâka; a vuan sûn tena, Rengpa tânga ngaitua ni a ti, an iti ngai ang hin.

2 SAMUELA 18:2

Khanchu Davida khan a mihai pâl thumin a tîrhaia, pâl khat kha Joaba’n a hruaihaia, pâl khat kha Joaba sangpa Abisaia’n a hruaihaia, pâl khat kha Git mi Itaia’n a hruaihaia. Rengin a mihai kuang khan, “Keima khom nin laia fe sa zêl ki ti,” a tia.

INPÂKNA HLAHAI 46:1

Pathian chu ei zôkna le ei hrâtna, lunginzîng laia changpui lattu nâitak a ni.

FESUAKNA 14:24

Zîng kôl a hong irsal tôn chu sûm le meichok indinga irthokin Rengpa’n Aigupta sipaihai kha a zu ena, an char an dongtir pehai tâka.

MATHAIA 7:2

Nin isêl lam ang takin Pathianin nangni sêl a ta, mi chunga dân nin ihmang tak kha nin chunga khom hmang an ti.

JAKOBA toc2 JAKOBA 2:13

Mi chunga za’rngaina nei loia thilthotu chu za’rngaina boiin a chunga roirêl pe ni a ti; khannisian, za’rngaina hin chu roirêlna an hnê ngai.

ROIRÊLTUHAI 1:7

Adoni-bezeka’n, “Rêng sômsari kutpui le kepui ki lei tan inbongpai pea omhai khan ki bu nêkna maichâm hnuaia bu’rmal an hrût ngaia, khaanga ki itho ang chie khan Pathianin ki chunga a hong tho tâk a ni hi te,” a tia. Khanchu, Jerusalema an hruaia, kha khan a thi tâka.

ROIRÊLTUHAI 4:16

Baraka’n a thîr tâlihai le a sipaihai leh ile an irzûla, Haroset-goim dênin an irzûla, Sisera sipaihai chu a sâtthat zita, inkhat lua intâna zôk om mahai.

ROIRÊLTUHAI 7:16

Mi irzathum chu buk thumin a sena; bêl rong le a sûnga meiser om, bekul leh ile a pêkhai chita;

ROIRÊLTUHAI 7:20

Pâl danghai khomin an bekul chu an tuma, bêl chu an zêm khoia, meiser chu an vei kutin an intûka, bekul chu an chang kuta intûkin an tuma, “Khandai chu, Rengpa le Gideona ta hrangin!,” tiin an khêk tâka.

ROIRÊLTUHAI 9:43

a mihai chu a hruaihaia, pâl thumin a sena, pên tiang a lei inruanga. Mihai chu an hong suaka, a thoia, a doi tâka.

1 SAMUELA 11:2

Nahasa khan hiang hin a sâma, “Hiang hin nin kuang thu inkung ki ti: Nin chang tianga mitru murdi kêlsua ki ta, kha kha Israelhai irhming siatna ni a ti,” a tia.

1 SAMUELA 14:47

Saula kha Israelhai chunga rêng a chang hnunga hin, hmun tina a râlhai, Moab-hai, Amon-hai, Edom mihai, Zoba rênghai, Filistia mihai kha a doia. A ithôna tiang ang khan an hnêhai thiaia.