1 SAMUELA 10:5 - PATHIAN LEKHABU IRTHIANG C.L. Bible (BSI)

⁵ Kha hnung chu Filistia sipaihai omna Pathian tâng va tung ni ta, hiang hin hong ni a ti, kha khua lûtnaa khan, deipuhai perkhuang, khuangte, theihle le serânda chôia bozôl ata zuanghai irtongpuihai ni ta, khêkpuma lâmin om an ti.

1 SAMUELA 10:5 ပူးပေါင်းရင်းမြစ်များ

1 RÊNGHAI 18:29

Misa kôlkai dênin irbôlna hmuna khêkin, tûte a sâmtu om loiin, ite irhâi inhriat hrang om loiin an oma.

2 RÊNGHAI 2:15

Jeriko-a om deipu sômringahaiin an hmua, “Elija irtha dong ang kha Elisa chunga a iom a ni ta hi te,” an tia.

2 RÊNGHAI 2:3

Kha laia deipu pâl omhai khan, Elisa kuang an va fea, “A vuan hin ni pu hi Rengpa’n a ilâk hrang a nih ti mo nin hriat?” an tia. Ama’n “Kin hriat dâihrek hi roi,” a tia.

2 RÊNGHAI 2:5

Khataka deipu rual omhai chu Elisa kuang an honga, “A vuan hin Rengpa’n ni pu hi a ilâk hrang a nih ti mo nin hriat?” an tia. Ama’n, “Kin hriat, dâihrek hi roi,” a tia.

2 RÊNGHAI 2:7

An fe nôk suama, deipu sômringa’n an zuia, hla vit ata an thîrhaia, Jordan dung kôla khan an ngîra.

2 RÊNGHAI 3:15

Elisa’n, “Irhâihoi tum thei hong hruai hi roi” a tia. Irhâihoi tum theiin a hong tum inringin chu, Rengpa kutin Elisa kut a zuan thema.

2 RÊNGHAI 4:38

Voikhat chu, ram pumpuia châm a tâk laiin Elisa chu Gilgal-a a fea, deipuhai ar chutirhaia; a siahlo kuang khan, “Bêl lian kha lan lân, deipu irchulaihai fâk hrang inchuan ro,” a tia.

2 RÊNGHAI 6:1

Deipu irchuhaiin Elisa kuang khan, “Kin omna in hi a chîn hrai sikin,

1 THURCHI SUINA 11:16

Kha hmuna an om laiin Davida om lai takin Filistia mihai chu Bethlehem khua an irhuala.

1 THURCHI SUINA 13:8

Khan Davida le Israel mihaiin hla sakin, theihle, belem, perkhuang, bekulhai inringin Pathian makunga an lâm sup supa.

1 THURCHI SUINA 16:42

Inpâkna hla an saka lei irfûktir hrang bekul, têngrep le irhâihoi danghai tum tianga hruaitu Hemana le Jeduthuna hai hi an ni. Jeduthuna irchipuihai chu inkhâr enkoltu an ni.

1 THURCHI SUINA 16:5

Asafa chu an hruaitu tak a nia; Zekaria hi a hnuai renga mi a ni; Jeiela, Semiramota, Jehiela, Matithia, Eliaba, Benaia, Obed-edoma, Jeiela hai chu perkhuang le belem tum hranga an ni, Asafa chu têngrep inring taka suk hrang a ni.

INPÂKNA HLAHAI 49:4

Chongirkhek thua ki mikuar sung ki ta: Ki thu’nthûk insîr chu perkhuangin hrilfia ki ti.

1 KORINTH 14:1

Khan, nin irzûl hrang tak chu lungthungna hi a ni. Irtha thilpêkhai irzuk roi, a bîkin, Pathian thu insîr theina thilpêk kha irzuk roi.

1 SAMUELA 10:10

Khanchu tâng kha an hong tung tena chu, deipuhai khan an irtongpuia, Rengpa irtha a zuang chum pea, an thuhrilna khan a kop sa tâka.

1 SAMUELA 10:4

Anni khan chubai nang mûk an ta, bai tiam hni nang pe an ta, kha bai kha la ro.

1 SAMUELA 13:2

Saula khan Israelhai laia mi sângthum an thanghaia; sânghnihai kha Mikmas-a le Bethel tânga ama kuang an oma, sângkhat kha Benjamina rama Gibe khuaa Jonathana kuang an oma. A danghai chu an in omna chita an fea.

1 SAMUELA 13:3

Jonathana khan Gibe khuaa Filistia sipaihai kha a doi inhnêa, Filistia mihaiin an len hriata. Kha hnung chu Saula khan Hebrai mi murdi irdoina koi hrangin mi a tîra, an ram pumpuia khan bekul an tuma.

1 SAMUELA 19:20

Khanchu Davida hruai hrangin Saula khan mi a tîrhaia. Anni khan deipu pâlhai lâm puma thu’nsîr sup sup lai le Samuela chu an chunga hruaitu a nih ti kha an va hmua. Khanchu Saula mi tîrhai chunga khan Pathian irtha a zuang tunga, anni khom khan lâm puma thu’nsîrin an om tâka.

1 SAMUELA 9:12

Anni khan, “O, a om nin matona a lei fe chak a ni. Irhnot unglân la va phâk nin ti. Kho sûng nin hong lût le hmu zel nin ti, a vuan hin kho sûng a zuang itung a ni. A vuan hin tâng chunga maichâma mihaiin irbôlna an inhlan a ni. Kha irbôlna kha bor pêktu hrang a lei ni sikin a tung mâka chu mipuihaiin khalâi an irhîl thei loi hrang a ni. Bor a pêk zoi tena kêng an ikoihai khan an la ifâk thei ngai a ni, khasikin nin fe lata niin chu tâng chunga bu nêk hrang a fe mân hong hmu zel nin ti,” an tia.