1 SAMUELA 10:20 - PATHIAN LEKHABU IRTHIANG C.L. Bible (BSI)

²⁰ Khanchu Samuela’n Israel irchi murdihai chu an langtira, khan Benjamina irchi chu inthangin an om tâka.

1 SAMUELA 10:20 ပူးပေါင်းရင်းမြစ်များ

2 SAMUELA 3:19

Abnera’n Benjamina namhai khom kha a chongpuia, kha hnung chu Abnera kha Israel mihai le Benjamina nam murdihaiin, a sa an iti murdi Hebrona Davida mikuar inhriata insîr hrangin a fe tâka.

JONA 1:7

Khan, “Tho, hi thil saloi ei chunga hong om hi tu sika mani, ti ei inhriat theina hrangin, tasân ei ti,” tiin an irti irhlôma. Khanchu, tâ an sâna, an tasân kha Jona chunga a chuma.

DÂN INHNINA 33:12

Benjamina irchihai chungchâng hiang hin an sîr: “Rengpa ditsak bîk le inren bîk a ni, a mithâ hnuaia lênga, sûn sôtin enkol a ta, a’rnâipui ngit ngai,” a tia.

1 SAMUELA 10:19

Khannisian a vuan nin milung inzîngnahai le nin dengtheinahai ata nangni inzôkpu nin Pathian kha indit mak chêia, a kuang rêng ni siam pe roh nin tia,’ tiin. Khasikin, atûn ar chi le a panamin Rengpa makunga hong inlang roi,” a tia.

1 SAMUELA 10:21

Khan Samuela’n Benjamina irchihai chu a in sûngkua tam dôrin an langtirhaia, Matria in sûng mihai kha inthangin an om tâka. Khanchu Kisa nâipa Saula kha inthang a ni tâka, ama an zonga, khannisian hmu mahai.

1 SAMUELA 14:38

Khanchu Saula khan, mipui hruaituhai laia, “Hin hong unglân, a vuan hin i thil mo ei itho insual zongsuak ei ti.

1 SAMUELA 14:41

Khanchu Saula khan Rengpa Israelhai Pathian kuang khan, “Rengpa a vuan hin itho mo ite ni ni isâm ta loi? Rengpa Israelhai Pathian hin ni sâm ro. Thil tho’nsualtu chu keima mo ki ini, Jonathana mo a ini Urim hmuna hin ni sâm ro,” a tia. Kha sâmna kha Jonathana le Saula chunga khan a chum tâka; mipuihai chu an irthianga.