1 SAMUELA 10:11 - PATHIAN LEKHABU IRTHIANG C.L. Bible (BSI)

¹¹ Khanchu hiang hi a hong nia, matona ama lei inhriatpuihai deipuhai thuhrilna hmuna khan a kop sa tâk, ti an inhriatin an hrila, “Kisa nâipa chunga thil zuang tung hi imo a ini tâk? Saula khom hi deipuhai laia a ikop sa tâk ma ni?” an tia.

1 SAMUELA 10:11 ပူးပေါင်းရင်းမြစ်များ

AMOSA 7:14

Khan, Amazia kuang Amosa khan, “Deipu ni ma unga, deipu nâipa khom ni ual ma ung; sâ pâl enkoltu le theipui thing enkoltu ki ni ual a ni.

AMOSA 7:15

Khannisian, Rengpa khan belra pâl enkolna ata kha a ni lâka, Rengpa khan ki kuang, ‘fe’n lân, ki mi Israelhai kuang thu hril ro,’ a ni tia.

JOHANA 7:15

Judahai khan, “Hi mi hi irchu loiin itin mo lekha a ithei?” an tia, a sân ar khêl an tia.

TÎRTÔNHAI SINTHO 3:10

Tempil mikot Enhoi kôla kutdo toi ngai kha a nih ti an inhriata, a chunga thil tung kha ar khêl an ti tak taka, a’rngaina lam chang inhre mahai.

TÎRTÔNHAI SINTHO 4:13

Petera le Johana hai an ihâi lam kha an hmua, lekha thiam no le mi’nmôl mai mai an nih ti an inhriattin, a sân a’rkhêl an tia; Jisua kuanga om ngai an nih ti an inhriat ta.

TÎRTÔNHAI SINTHO 9:21

A thu’nsîr inhriat murdi’n a sân ar khêl an tia. “Hi mi hi Jerusalema Jisua Irhming irlamtuhai dengintheitirtu kha ni ma mo? Ochai inlalhai kuang hruai hrangin hi Irhming irlamtuhai chel tumin hi hin khom a izuang mo ni ma?” an tia.

1 SAMUELA 19:24

Khanchu ama khomin a silkaihai a’rkheka, Samuela makunga khan a lâma, thu an sîr sa tâka. Kha nî sûn intuanin le kha zân intuanin korongin a zâl tâka. (Khasika khan, “Saula khom kha deipu a ini sa tâk ma ni?,” iti hi an isôn tâk a ni.)