1 SAMUELA 1:26 - PATHIAN LEKHABU IRTHIANG C.L. Bible (BSI)

²⁶ Hani khan a kuang “O ka pu, ni’rhming inzakpumin hi hi ki hril, keima hi chu ka pu, hi hmuna hin ni kôla ngîra Rengpa kuanga chongchaitu kha ki ni;

1 SAMUELA 1:26 ပူးပေါင်းရင်းမြစ်များ

IRPHUTNA 42:15

khasikin hiang hin fiain om nin ti; nin mitumtakpa kha nin hong hruai mâka chu hi hmuna hin Faroa kôla ikhumin nin iom hrang a ni.

2 SAMUELA 11:11

Uria khan Davida kuang, “Israelhai le Judahai kha irsual buala an oma, Thuthung Bôm kha an kuang a oma, ka pu Joaba le a mi lianhai kha rama riakbuka an oma. Itin mo keima hi ki ina fein, ki fâkin ki in hrang, ki dôngma kôla ki izâl ngam hrang? Khaanga thiltho irhoiloi chu tho viat no ning,” a tia.

2 SAMUELA 14:19

Reng khan, “Hi thu rêng rênga hin Joaba hin kopna mo a nei?,” a tia. Nupangnu khan, “Rengpa, ka pu nir hmingin ki iti a ni, ni chong irdon kha tûte’n vei tiang mani, chang tiang mani, pial thei no ni. Ni sipai hruaitu Joaba khan a ni tîra, ki tho hrang le ki iti hrang murdi he a ni ibe ving a ni.

2 RÊNGHAI 2:2

“Hi hin lei om ro, Rengpa’n Bethel nei hrangin a ni tîr,” Elija’n a tia. Elisa’n, “Pathian hring le ni hringna sâlin nang ki ti, lei om no ning,” a tia. Bethel hmuna an fe suam ta.

2 RÊNGHAI 2:4

Elija’n Elisa kuang, “Hi hin lei om ro, Rengpa’n Jeriko-a fe hrangin a ni ti,” a tia. Elisa rêkin chu, “Pathian hring le a hringna sâlin nang ki ti, nang om pe ual no ning,” a tia. Khanchu, Jeriko-a khan an fe suam nôk tâka.

2 RÊNGHAI 2:6

Elija’n Elisa kuang, “Hi hin lei om ro, Rengpa’n Jordan dunga fe hrangin a ni ti,” a tia. Elisa’n hiang hin a sâma, “Pathian hring le ni hringna hin, nang om pe no ning,” a tia.

2 RÊNGHAI 4:30

Nâipangte nu khan, “Rengpa mithi le mihring irhming sâmin ki hril, ni hong no’n chu kei khom fe viat no ning,” a tia. Khanchu, a thoia nupangnu chu a zuia.

1 THURCHI SUINA 4:10

Israel hai Pathian kuang Jabeza chu a chongchaia, “O Pathian, sat ni vurin lân, ram irzat tak ni pe’n lân, nâ ki tuang loina hrangin thil saloihai ata ni hrungin lân, ni ompui mai ro,” a tia. Khanchu Pathianin a izong angin a ompui a ni.

1 SAMUELA 17:55

Saula khan Goliatha doi hranga Davida fe kha a hmu’n chu a sipai hruaitu Abnera kuang khan, “Abnera hi nâipangte hi tu nâi mo a ini?,” a tia. Abnera’n, “O rêngpa, ki inhriat viat loi kêng,” a tia.

1 SAMUELA 20:3

Khannisian Davida khan, “Ni pa khan lung ni ni inkham dân hi an hriat infel vinga, khasikin Jonathana khan hi thu hi chu inhre ual no ri se. khano’nchu, a lungrîl a na pe hrai itinin, a iti khom a ni thei. Khasikin Rengpa irhming chôiin ni kuang chong kin kung a ni, thina le kin kâr chu kalkhat vai a ni,” a tia.

1 SAMUELA 25:26

Khasikin atûn hin ka pu, Rengpa hringna le ni hring irhmingin ki iti a ni, Rengpa’n thisen insua loi hrang le ni kuta phuba la loi hrangin nang a siama, atûn hin ni râlhai le ni chunga thil saloi tho tum murdihai chu Nabala angin kuttum tuang ri sehai.