1 SAMUELA 1:10 - PATHIAN LEKHABU IRTHIANG C.L. Bible (BSI)

¹⁰ Khanchu Rengpa kuang a chongchaia, beidong takin a chapa, kha laia khan deipu Elia chu Rengpa biak in kotbâi chopui bula a toina hmun khan a toi chiana.

1 SAMUELA 1:10 ပူးပေါင်းရင်းမြစ်များ

IRPHUTNA 30:1

Khan Rakili’n chu Jakoba leh nâi nei thei loiin an om ti an hriat suakin chu, a unu a hnarsa tâka; Jakoba kuang khan, “Nâi ni pe ro, khano’nchu, ki ithi hrang kêng,” a tia.

IRPHUTNA 50:10

Jordan râla Atad phâizôl an tunga, kha hmun khan Josefa’n sûn sari a pa châna hrangin zoro a hmanga,

2 SAMUELA 13:36

A hril zoiin chu rêng nâihai kha an hong tung zela, an chap tâka. Davida le a mi lianhai khom kha an rêngin an chapa.

2 SAMUELA 17:8

Ni pa le a mihai kha nin hriata, sipai hâitak inthang, milung ngar tak, rama savom a tê lâkpai thei ang dôra hâi a nia. Ni pa kha irdoi mi a nia, mipui laia a riak ti khom inhre mak mea.

2 RÊNGHAI 20:3

O Rengpa ni mithmua hin dik takin ki om ngaia, lungrîl irthiang irputin thil sa ki tho ngaia, irngaihoi takin inhre mai ro, a tia, a chap ngûi ngûia.

JOBA 10:1

Khan, ki’rtha hin a hnông ta, ki hringna hi ki irsîr chi chian a ni ta, lungrîl natak pumin ki ichong ma ni?

JOBA 7:11

Khasikin, ki hmûr insum viat no ninga, milung hoiloi takin hril ki ta, lungrîl natakin chiar ta ki ti.

JOBA 9:18

Thoi irman loi rakin ki oma, dengtheina’n ki sip zoi ta.

INPÂKNA HLAHAI 50:15

Khan, lungzîng nia chu ni koiin lân; Nang saninzôk ki ti, khanchu nangin ni ni ichôiindôm hrang a ni,” a tia.

INPÂKNA HLAHAI 91:15

Ama khan ni koi a ta, khanchu sâm ki ti; Kei chu a lunginzîng lai khan a kuang om ki ta: Ama ki saninzôkin chôiindôm ki ti.

THUVÂRHAI 14:10

Ni lômna chu ni ta a nia, ni ngaisiatna khom ni ta a ni. Tûte’n nang irkoppui thei no ni.

ISAIA 38:15

Imo ki itho ta hrang? ni ihril angin a hong tung ta, Ki tuangna sikin, ki dam sûng chu irlôi de det ki ti.

ISAIA 54:6

A thoibopa pasal neia, a pasal indit nôk ta loi, lungrîl na tuang ang hi ni ni; khannisian Rengpa’n nang koi nôk a ti.

JEREMIA 13:17

Nin mikuar nin sung nuam noa ni’n chu, nin irsongna sikin dâihrekin chap ki ti: chap ngûi ngûi ki ta, ki mitrithi luang zun zun a ti. Rengpa mihai chu intângna ina intâng hranga hruai an ni tâk sikin.

JEREMIA 22:10

Juda mihaio, rêng Josia kha châ no unglân, a thina hi chûlpui no roi. A nâipa Joahaza ta hrangin chap pe ual roi; Hong kîr thei ta loi hrangin an ihruaipai a ni ta, a’rzirna ram kha hmu thei ta loi hrangin.

CHAP HLA 3:15

Ki hnông tâk khomin thil khazât a nin intira, thil irkhêl tak a ni intuangtir a ni.

LUKA 22:44

A zâm a’rzal tak taka, a’rthân kha thisen zung lian tak angin a zunga.

HEBRAI toc2 HEBRAI 5:7

A taksa irput lai sûnhaia khan Jisua’n thina irthoka ama saninhring theitu Pathian kuang a sâna inringa khêkin le ngênna hai a neia, irngaiintôma ar pêkna sikin irngai pe’n a om.

ROIRÊLTUHAI 21:2

Khanchu, Israel mihai chu Bethel-a an fea, Pathian makunga khohloi dênin an toia, inringtak le beiindong takin an chapa,

RUTHI 1:20

Naomi’n an kuang, “Naomi ni ti ta no roi, Mara ni ti ta roi. Tinrêng thotheitu’n na takin a nin tuangtir tâk a ni hi te.

1 SAMUELA 1:11

Hani khan chong an kunga, “O itinrêng sin thei Rengpa ni suaknu irhnuai lam hi nin hriatin, ni ni lan hriat maia, ni’rnghil viat mak che. Ni suaknu hi nâipasal ni ni pêkin chu, kha nâi kha chu a dam sûng kârka chu ni ta hrangin ser indang bîk ki ta, a sam khom ep pe viat no ning,” a tia.

1 SAMUELA 1:9

Sûn khat chu Silo khuaa Rengpa ina bu a nêka, an nêk zoiin chu Hani kha a thoia, a bei a dong pe oka,