1 RÊNGHAI 9:9 - PATHIAN LEKHABU IRTHIANG C.L. Bible (BSI)

⁹ Mihaiin, an irchihai Aigupta rengata hruai suaktu Rengpa an Pathian an rotsan sika a ni hi te, pathian dang an zonga, a sin an tho sika Rengpa hin a isoisak a ni hi, tiin sâmhai an ti,” a tia.

1 RÊNGHAI 9:9 ပူးပေါင်းရင်းမြစ်များ

1 RÊNGHAI 18:18

Elija’n, “Israelhai inbuai ngai ma ung, nangma le ni pa kêng an buaihai ngai nin ni. Rengpa thupêk zôm loiin, Baal kêng nin ibiak.

2 RÊNGHAI 22:17

An ni rotsana, pathian dang kuanga thil an inhlana, an sintho dânhai hi ki ning a inmur a ni. Jerusalem chunga hin ki milung ir-al a ta, doi thei ta no ni. Rengpa’n a ti.

2 THURCHI SUINA 29:8

Hi sika hin Rengpa chu Juda le Jerusalema mihai chunga a ning an mura, mi tinin ar khêl tia danginchek khum rakin an isoisak tâk a ni; khahai kha nangni khomin nin ihmu mai a ni.

2 THURCHI SUINA 7:22

Mi senkhatin, an irchi suanpârhaiin Aigupta ram ata hruaisuaktu Rengpa an Pathian chu an mâksan sika a ni hi teh; pathian danghai an poma an sin an tho pehai sikin Rengpa hin a isoisak a ni, tiin sâmhai an ti,” a tia.

JEREMIA 2:19

Ni sualna khan dûk nang tho a ta, hnung ni ni isongna khan thiam no changin om ni ta, Rengpa ni Pathian ni mâk raka, ki ta hranga iamom ni ini loi hrang hi, sual a ini lam le a satloina lan hre suak ni ti. Keima, Rengpa Pathian Itinrêng thothei hin ki iti tâk a ni.

JEREMIA 22:8

“Kha hnung chu ram dang mi a fehai tamtakin, hi khopui roiinpui chunga hin keima Rengpa’n itho sika hianga ki itho moh tiin irdon irhlôm an ti.

JEREMIA 44:23

Atûn vânduaina irkhêl nin chunga a zuang itung nasan chu, pathian danghai kuang irbôlna nin inhlana, a thupêkhai zôm loia Rengpa chunga sualna nin sin sika a ni,” ki tia.

JEREMIA 5:19

Jeremia, i lo hranga hihai hi ki itho mo a inih tiin nang an irdonin chu, hnung an ni songsana, ram dang pathianhai an ram sûng ngêta an itho ang khan an ram ni loia khan ram dang mihai sin an itho hrang a ni,” tiin anni chu hrilhai roh.

JEREMIA 50:7

An rêngin anni chu an idoihai a ni. An râlhaiin, Rengpa chunga an tho’nchâia, ei thil tho hin ite a sualna om mah. An irchibulhaiin Rengpa chunga an irnghat ngita, anni khomin, ‘ama ta hrangin iamomin an iom hrang kêng a ini,’ an tia.

CHAP HLA 2:15

O, Jerusalem ni kôla fehaiin chu, kut inbênin nang an êsêla; an luheiin, hi hi mo khua hoitak an iti, rammualin a isong kha! an tia.

DÂN INHNINA 29:23

nin loihai chu ram chôp, kât le chi tamna ram ni a ta, ite phun thei ni no ni, hloisûl ten khom mông thei no ni. Nin ram chu Sodom le Gomora hai, Adma le Zeboim, Rengpa ningmur irkhêl tak sika a insiat tâk khuahai ang kha ni a ti.