1 RÊNGHAI 9:8 - PATHIAN LEKHABU IRTHIANG C.L. Bible (BSI)

⁸ Hi tempil hi siat ving a ta, a hmupuhai dôrin a’rkhêl ti an ta, ‘Itho sikin mo Rengpa’n hi ram le tempil hi a isoisak’? ti an ti.

1 RÊNGHAI 9:8 ပူးပေါင်းရင်းမြစ်များ

2 THURCHI SUINA 7:21

“Atûn chu hi in hi mi tinin irngaiirsâng an ta, kha tena chu a kôla fe murdihaiin ar khêl tih an ta, Itina mo Rengpa hin hi ram le hi tempil hi hianga a isoisak hi! ti an ti.

JEREMIA 22:28

Khan keiin, “Reng Jehoiakina hi bêl koi, dêngzuanpaia om, mihai indit ta loi ang hi a ini tâk ma ni? Hi sik taka hin ram an la inhriat ngai loina hmuna ama le a nâihai chu salin an intâng a ni ta,” ki tia.

JEREMIA 19:8

Hi khopui chunga hin siatna irkhêl tak intungtir ki ta, a theng irlôihaiin ar khêl ti an ti.

DANIELA 9:12

A thu kin chunga a ihril le kin roirêltu, kin chunga roirêltuhaiin thil saloi tamtak a hong tung irkip ta. Jerusalem chunga tho ang khan vân hnuai pumpuia tho thei ni maka.

JEREMIA 50:13

Ki ningmurna sikin Babulon-a tûte om ta no nihaia; inramin masan ni a ta, a theng inlôihaiin inlâiin an irngai irkhêl a ti.

JEREMIA 49:17

Khan Rengpa’n, “Edom chunga siatchitna a zuang itung hrang irkhêl hrang dân chu mi a theng irlôihai chu inlâi rakin an ichi tatak hrang a ni.

ISAIA 64:11

Kin in irthiang le hoi, kin pi le puhai nang inpâkna hmunhai, meiin a kâng zoia, kin omhmun sahai khom a chim siat zoi ta.

DÂN INHNINA 28:37

Rengpa nangni indartirna rama khan a hmu ka kai khan nin chunga thil tung kha a’rkhêl ti an ta, nangni hnuaisia an ta, nuiza siamna’n nangni hmang an ti.

2 RÊNGHAI 25:9

Tempil chu a hâla, rêng inhai le Jerusalema mi lianhai in khom a hâl pehaia.

2 THURCHI SUINA 36:19

Tempil le kho sûnga inhai chu a hâla, khopui kul bang neihai a seta.

JEREMIA 5:19

Jeremia, i lo hranga hihai hi ki itho mo a inih tiin nang an irdonin chu, hnung an ni songsana, ram dang pathianhai an ram sûng ngêta an itho ang khan an ram ni loia khan ram dang mihai sin an itho hrang a ni,” tiin anni chu hrilhai roh.

JEREMIA 16:10

Hi thil murdi hi anni nin hrilhai zoi le, i lo hrang mo hiang dôra siatna irkhêl Rengpa’n kin chunga a intungtir hi? Thil dik loi imo kin itho, kin Pathian chunga kin itho insualna? an ti’n chu,

JEREMIA 18:16

Hi ram hi thil ichiomin an siama, irngaiinhlu loia om mai hrang angin. A theng irlôihaiin an thil hmu kha ar khêl ti an ti. Irngai irkhêlin an luhai khom notpol an ti.

JEREMIA 25:9

‘Hmâr tianga mi tinhaiin le a ni zui rêng Nebukadnezara, ki ikoi hrang a ni. Judai ram le a luatuhai le a kôlvêla nam danghai doi hrangin ki hong ihruai hrang a ni. Hi nam le a kôlvêla nam danghai chu insiat chit ki ta, mihai khan ar khêl ti an ta, ar khêl ti ok an ti, kumtuangin an insiat hrang a ni. Keima Rengpa’n ki iti a ni.

JEREMIA 44:8

I lo hranga millimhai chubai mûkin le pathian danghai kuanga irbôla om hrangin nin izuangna Aigupta hin ningmur nin ni irlâktir? Rammuala nam tinin nangni hmusita nin irhming khomâksâma om hranga nin binga siat chitna nin itho mai?

JEREMIA 52:13

Rengpa in le rêng in a hâla; Jerusalema in murdi le in poimohai a hâl insiat pe vinga;

DÂN INHNINA 29:23

nin loihai chu ram chôp, kât le chi tamna ram ni a ta, ite phun thei ni no ni, hloisûl ten khom mông thei no ni. Nin ram chu Sodom le Gomora hai, Adma le Zeboim, Rengpa ningmur irkhêl tak sika a insiat tâk khuahai ang kha ni a ti.

2 RÊNGHAI 22:17

An ni rotsana, pathian dang kuanga thil an inhlana, an sintho dânhai hi ki ning a inmur a ni. Jerusalem chunga hin ki milung ir-al a ta, doi thei ta no ni. Rengpa’n a ti.

2 THURCHI SUINA 29:8

Hi sika hin Rengpa chu Juda le Jerusalema mihai chunga a ning an mura, mi tinin ar khêl tia danginchek khum rakin an isoisak tâk a ni; khahai kha nangni khomin nin ihmu mai a ni.

CHAP HLA 2:15

O, Jerusalem ni kôla fehaiin chu, kut inbênin nang an êsêla; an luheiin, hi hi mo khua hoitak an iti, rammualin a isong kha! an tia.