1 RÊNGHAI 8:9 - PATHIAN LEKHABU IRTHIANG C.L. Bible (BSI)

⁹ Bôm chunga khan ite a dang om ma, Israel nâihai Aigupta ram ata an hong suak laia Horeb tânga Rengpa Thuthung irziakna lungphêk inhni Mosia isia kha a iom sa a ni.

1 RÊNGHAI 8:9 ပူးပေါင်းရင်းမြစ်များ

1 RÊNGHAI 8:21

Thuthung Bôm, ki’rchipuihai Aigupta ram ata an hong suaka Rengpa leh an thuthung irziakna lungphêk khom tempila siain a om tâk,” a tia.

2 THURCHI SUINA 5:10

Aigupta ram ata an suaka, Rengpa’n Israel irchihai kuang thu a intung laia Mosia’n Horeb tânga lungphêk inhni a isia tih no chu, kha bôm kôla khan ite a dang om mah.

2 THURCHI SUINA 5:9

Kha a zônfunghai chu a sei oka, a zônfung hmorhai chu biakna hmun kôla Hmun Irthiang ata ar hmu theia; khannisian pên tiang ata chu irlang thei ual ma; atûn ten hin a la iom mai a ni.

FESUAKNA 13:21

Rengpa khan sûn laia sûmin a hruaia, zâna chu anni invâr hrangin meichokin an mân a hruaia.

FESUAKNA 14:24

Zîng kôl a hong irsal tôn chu sûm le meichok indinga irthokin Rengpa’n Aigupta sipaihai kha a zu ena, an char an dongtir pehai tâka.

FESUAKNA 16:10

Arona’n Israel mipuihai laia thu an sîr lai takin ramchâr tiang an irnghata; Rengpa vâr irkhêl kha sûm laia a zuang inlanga.

FESUAKNA 16:33

Khaangin Mosia’n Arona kuanga, “Bêl va la’nlân, Omer inkhat Mana hi thun ro, nin irchihai dênin vong mai hrangin Rengpa makunga se ro,” a tia.

FESUAKNA 25:16

Lungphêk inhni, thupêkhai chuangna nangni ki ipêk hrang kha a sûnga se roi.

FESUAKNA 25:21

Bôm sûnga khan lungphêk inhni nang ki pêk hrang dân sia’n lân; a sîng leh irkhutir roh.

FESUAKNA 40:20

Khanchu lungphêk inhnihai kha a lâka, Thuthung Bôm sûnga a siah tâka, a zônfunghai chu Bôm irzônna irkual sûnghai khan a rola, a sîngna leh a sînga.

EZEKIELA 10:4

Khan, cherubhai rengata Rengpa roiinpuina chu a hong suaka; biak in mikot bula khan a ngîr tâka, in chu sûmin a sipa, tuallai chu Rengpa roiinpuina vâr khan a hong sip tâka.

LEVI DÂN 16:2

“Ni upa Arona kha hril roh: Thuthung bôm sîng chunga sûma ki zuang ngai sikin hmun irthiang tak tentan zâr sûnga a hong ilût papai hrang ni ma, kha kha a uksak no’n chu thi a ti.

NAMBAR 17:10

Khanchu Rengpa’n Mosia kuang, “Arona khianghrol kha thu inhriattirna maton tiang khan se nôk ro, kha kha Israel tehelzong nuamhai ta hranga irsinsiana chu ni a ta, an chiarnahai hi an mong noa ni’n chu, thi ving an ti,” a tia.

NAMBAR 9:15

Khanchu Biakbuk an indingtir nî khan, sûmzîngin a tuama, zâna chu sûm kha mei angin an langa.

DÂN INHNINA 31:26

‘Hi Dân bu hi la unglân, Rengpa nin Pathian Thuthung Bôm kôla se roi, nin omdân irkhinaa a ikop hrang a ni.

DÂN INHNINA 4:13

A thuthung kha vong ngit hrangin nangni a hrila, thupêk sôm, lungphêk inhnia a irziak kha zôm ngit hrangin nangni a tia.

HEBRAI toc2 HEBRAI 9:4

A sûnga khan mirimhoi hâlna hmun rângachak maichâm le rângachak inluan Thuthung Bôm a oma; kha Thuthung Bôm sûnga khan mana omna rângachak kola hai, Arona khianghrol hong incher hai le thupêk irziakna lungphêk inhnihai kha an oma.

THUPHUANG 15:8

Tempil kha Pathian roiinpuina le sinthotheina khu khan a sip zita, vântîrtôn sarihai ichôi hremna sari kha a hek mâka chu tûte tempila khan lût thei mahai.