1 RÊNGHAI 8:57 - PATHIAN LEKHABU IRTHIANG C.L. Bible (BSI)

⁵⁷ kin puhai lai ata a iompuihai angin, Rengpa ei Pathian chu ei kuang om mai ri se.

1 RÊNGHAI 8:57 ပူးပေါင်းရင်းမြစ်များ

1 THURCHI SUINA 28:9

Solomona kuang khan, “Nang ki nâipa Solomona, ni pa Pathian hi pomin lân, irzuk tak le dik takin a sin tho’n lân, kin ingaitua le kin itumhai hi an hriat ving a ni. Ama hi ni zong photin chu hmu ngêt ni ti, nir ngaitua no’n chu nang pai zôi a ti.

INPÂKNA HLAHAI 46:11

Sipaihai Rengpa chu ei kuang a oma; Jakoba Pathian chu ei kulpui irsâng a ni.

INPÂKNA HLAHAI 46:7

Sipaihai Rengpa chu ei kuang a oma; Jakoba Pathian chu ei kulpui irsâng a ni.

ISAIA 41:10

Chi no ro, nang ompui mai ki ti, Ni charindong viat no ro, ni Pathian kêng ki ni, hrâtna nang pe ki tia, nang san ki ti. Ki kut chang tianga hrât tak leh hin nang chel ki ti.

ISAIA 8:10

Rot zoi tum unglân, hlochuk ual no ni. Nin nuam dôr ti khom unglân, ite ar fêna om no ni, kin Pathian kin kuanga a om sikin.

MATHAIA 1:23

‘Irngai ta, dôngmate irthiang khan nâi vong a ta, nâipasal nei a ta, A’rhming Imanuela,’ phua an ti. (kha kha “Ei kuanga Pathian a om,” tihna a ni.) tia a insîr kha a hong tung theina hrangin hihai murdi hi a hong iom a ni.

MATHAIA 28:20

Thu nangni ki ipêk murdi hi zôm hrangin irchutirhai roi. Khanchu, keima kumkhua’n, rammual mong dênin, nin kuang om mai ki ti,” a tia.

ROM KHUAA MIHAI KUANGA TÎRTÔN PAULA LEKHATHON 8:31

Kha thua khan imo ei insîr hrang tâk? Pathian chu eini tiang a changin chu tu’n mo ni doi thei hrang?

DÂN INHNINA 31:17

An chunga ki ninginmur a ta, rotsanhai ki ta, siat zit an ti. thil saloi tak tong an ta; kei an Pathianin ki ompui ta no sikin hi thil hi an ituang a nih ti inhria an ti.

DÂN INHNINA 31:6

Milung inngar unglân, pût si sit roi; ama, Rengpa nin Pathian ngei khan nangni fepui thiai a ta, nangni inthâpaiin nangni rotsan ual no ni,” a tia.

DÂN INHNINA 31:8

Ama ngei, Rengpa khan, nangni intha no nia, chi no unglân, kamang no roi,’ a tia.

HEBRAI toc2 HEBRAI 13:5

Sum irngaiinnat mi ni no unglân, nin thil nei lam anga khan milung inchuk roi. Pathianin, “Nang intha viat no ninga, mâk khom nang ma viat no ning,” a ti sikin.

JOSUA 1:5

Josua, ni dam sûngin tukhomin nang inhnê no nihai. Mosia kuanga ki iompui angin nang ompui mai ki ti, nang intha viat no ning.

JOSUA 1:9

Hâitakin irnak la roh ki iti kha inhriat mai ro, chi no’n lân, rot no ro; kei Rengpa hin ni fena tina nang ki ompui mai a ni,” a tia.

JOSUA 24:23

Josua’n, “Khaang khan a ni’n chu, nam dang pathian illim nin idônhai kha pai zit roi duah: Israelhai Pathian Rengpa vai hi pom roi,” a tia.

1 SAMUELA 12:22

A chonginkung dettak sika hin Rengpa’n a mihai chu masan no nia, a mi ni hrangin nangni a len sâp tâk sika hin.