1 RÊNGHAI 8:43 - PATHIAN LEKHABU IRTHIANG C.L. Bible (BSI)

⁴³ An izong chu sâmhaiin lân, khanchu, rammuala mi murdi’n ni mi Israelhai ang dênin nang an inhriat theina hrangin. Hi tempil ki isin hi nangma chubai mûkna a nih ti an inhriat theina hrangin.

1 RÊNGHAI 8:43 ပူးပေါင်းရင်းမြစ်များ

1 RÊNGHAI 18:36

Khohloi irbôlna zoroa chu deipu Elija’n maichâm chu a hong nâia, a chongchaia, “O Rengpa Abrahama, Isaka le Jakoba Pathian, Israelhai Pathian ni ni le ni thupêkin hi thil ki ini le ni loi atûn hin târinlang roh.

1 RÊNGHAI 8:60

Khanchu, rammuala nam murdi’n Rengpa vai hi Pathian a nih ti inhrehai sian.

2 RÊNGHAI 19:19

O Rengpa, hi a kut ata hi ni sansuakin lân; khanchu, rammual hmun tina mihaiin nang vai hi Pathian Rengpa ni nih ti nan hrethei an ti,” a tia.

1 THURCHI SUINA 16:8

Rengpa chunga lômthu hril unglân, ar hming irlam ngai roi. A sintho hi nam tinrêng hrilhai roi.

2 THURCHI SUINA 6:33

an izong chu irngai pehaiin lân, ni omna irvân ata irngaiin lân, an izong chu tho pehai ro; rammuala mi murdihaiin ni mi Israelhai angin nan hria an ti. Hi ki tempil sina hin chubai nang an hong mûk ti inhria an ti.

INPÂKNA HLAHAI 102:15

Khanchu nam tinin Rengpa irhming kha chi sa an ti.

INPÂKNA HLAHAI 22:27

Kôlkunga mi murdi khomin inhre nôk an ti, Rengpa tiang irhei ta an ta: Nam tin chi tin ni makunga kûn an ti.

INPÂKNA HLAHAI 33:14

Irnênga om murdi hi a omna hmun ata a zuang thîr ngai.

INPÂKNA HLAHAI 67:2

Ni lampui chu irnêng chunga mihai inhriat a ni theia, Ni saninhringna chu nam tinrêng laia inhriat a ni theina hrangin.

INPÂKNA HLAHAI 86:9

O Rengpa, ni isiam nam tinrênghai chu hong an ta, ni makunga hong kûn an ta; Ni’rhming chu hong chôiindôm an ti.

ISAIA 11:9

Ki tâng irthiangna tinrênga chu, tûte a na tuang ta no nihaia, an siat khom insiat no nihai; tuikhanglian tui a ibit angin Rengpa an inhriatna hin ram hi bit ta a ti.

JEREMIA 25:29

Ki khopui sûng ngêta hin insiat theina sin chu ki iphut hrang a ni. Dûk tuanga loia zôk hrangin an irtûng ma ni? Zôk no nihai, dengthei ngêt an ti, irnêng chunga mi tin laia irdoina ki tîr hrang sika khan, keima Rengpa itinrêng thotheiin ki iti a ni.

DÂN INHNINA 26:15

Ni’rvân hmun irthiang ata zuang thîrin lân, ni mi Israelhai hi sat zuang vur ro. Kin irchibulhai kuang pêk ni inkung ram, khuaihlutui le dûttui luangna ram hi satvur ro,’ nin iti hrang a ni.

JOSUA 4:23

Rengpa’n Tuipui Sen kin irkân mâka tuipui a inchattir ang tak khan, Rengpa’n Jordan tuidung kin irkân zit mâka chu tui luang an chattira.

JOSUA 4:24

Hi thil sika hin mi tukhomin Rengpa sinthotheizia inhriat an ti, kumkhuain nin Pathian Rengpa hi chôiirsâng nin ti,” a tia.

THUPHUANG 11:15

Khan, vântîrtôn sarina khan a bekul a hong tuma, “Rammual roirêlna chu ei Rengpa le Krista ta a hong ni tâk, ama’n kumtuangin roirêl a ti,” tiin irvâna hnukirhai inringtak takhai a hong oma.

1 SAMUELA 17:46

A vuan hin Rengpa’n nangma hi ki kuta a ni ipêk hrang a ni; nang that ki ta, ni lu nang tan pe hrang ki ni. Filistia sipaihai ruak chu a vuan hin chung tianga vâhai le ramsahai ki infâktir hrang a ni. Kha zoiin chu irnêng chunga mi murdihai hin Israelhai laia hin Pathian a om iti inhre suak ta an ti.