1 RÊNGHAI 8:36 - PATHIAN LEKHABU IRTHIANG C.L. Bible (BSI)

³⁶ Irvân ata le’rngaitua’n lân, rênghai sualna le Israelhai sualna ngaidamin lân, thil dik tho hrang irchutirhai roh. Khanchu, O Rengpa ni mihai omna hrang ram ni ipêka hin rua inthotirin lân.

1 RÊNGHAI 8:36 ပူးပေါင်းရင်းမြစ်များ

1 RÊNGHAI 18:1

Kum thum ten khua a châr zoiin chu, “Ahaba kuang fe ro, rua inthotir hrang ki ni a ti, va ti ro,” a tia.

1 RÊNGHAI 18:41

Elija’n Ahaba kuang, “Tho atûn chu fâkin in ta ro, rua zuang tho hrang a ni ta,” a tia.

1 RÊNGHAI 18:45

Sôtloite hnunga chu sûm dum irvân dâpin an langa, phâivua a hong thoa, ropuivânsâng a zuang thoa, Ahaba chu a tâli lâkin a chuanga, Jereel tiang intânin a fe ta.

INPÂKNA HLAHAI 119:133

Ni chonginkung ang takin ki kalbîhai indetin lân, Sualna rêng rêng ki chunga thu inneitir no roh.

INPÂKNA HLAHAI 119:33

O Rengpa, ni roizêk lampui chu nir chutirin lân, Khanchu a mong dênin zôm ki ti.

INPÂKNA HLAHAI 143:8

Zînga khan ni lungkham lianna thu nin hretirin lân, Nangmaa ki iamna ki’rnghata. Ki fena hrang chu nin hretirin lân; Ki hringna hi ni kuta kin kol khaka.

INPÂKNA HLAHAI 25:12

Rengpa chi mi chu tu mo a ini? Kha mi kha chu a lampui inthang hrang kha lan entir a ti.

INPÂKNA HLAHAI 25:8

Rengpa chu a sain a idik a ni. Khasikin mi sualhai kha lampui inentir a ti.

INPÂKNA HLAHAI 27:11

O Rengpa, ni lampui kha nin entirin lân; Ki râlhai sika hin, Lampui inzôl taka ni hruai roh.

INPÂKNA HLAHAI 32:8

“Ni fena hrang lampui chu nang irhmutirin, nang irchutir ki ti, Ki mitin nang en maiin nang changpui ki ti.

INPÂKNA HLAHAI 5:8

O Rengpa, ki râlhai sika hin ni felna sika khan ni hruaiin lân; Ni lampui chu ki matona hin intûn thal roh.

INPÂKNA HLAHAI 68:10

Ni mihaiin kha khan om hmun an khuara. O Pathian, nang chu ni satna’n inrianghai hrang ni sinsiama.

INPÂKNA HLAHAI 68:9

O Pathian, nangin rua tamtak nin thotira, Ni dongtum kha a’rzal lai khan nin dettira;

INPÂKNA HLAHAI 86:11

O Rengpa, ni lampui chu nin entir ro; ni thutaka om ki ti: Ni’rhming chi hrangin milung pumkhat ni’rputtir roh.

INPÂKNA HLAHAI 94:12

Rengpa ni sepna ni dân ni irchutirhai chu an vânnei e!

ISAIA 30:21

Chang tiang mo, vei tiang mo nin fe hrangin chu, “Ama hi lampui dik chu a ni, hi hin fe roi,” nin hnunga hong thiai thiai a ti.

ISAIA 35:8

Khatak khan lamlian om rum a ta, “Lampui irthiang,” ti an ti. Mi porinchehai fe no nihaia, hi hi a nih anni fena hrang lampui chu, a fe murdi, mi’ntohai khom hruai irhmang no nihai.

JEREMIA 14:22

Nam danghai millimhai khan rua inthotir thei mahaia; Irvâna a bingin rua inthotir thei mah. O Rengpa, kin Pathian, kin sabeina chu ni chunga kin irnghat a ni, hi thil tinrêng tho ngaitu ni ni sikin.

JEREMIA 42:3

Kho tiang mo kin ipan hrang le imo kin itho hrang Rengpa ni Pathianin a ni hril theina hrangin chongchai ro,” an ni tia.

JEREMIA 6:16

Rengpa’n a mihai kuang, “Lamsuamhaia ngîr unglân, hei thîr hi roi, tianlaia lampui dik omna irdonhai roi. Kha khan fe unglân, irtharngam takin lêng roi,” a tia.

JOELA 2:23

Nangni, Zion nâihaio, lôm roi, Rengpa nin Pathiana khan raiinfân roi: rotui masa kha a ruk bakin nangni a pêka, nin ta hrangin rua an thotira, tha khatnaa rua masa le rua hnungkhôn kha.

MIKA 4:2

Khan, nam tamtakhai kha fe an ta, zuang kîr unglân, Rengpa tânga, Jakoba Pathian ina khin hong fe ei ti; khanchu ama’n a lampui thurchihai kha nir chûtir a ta, a fena lampuihaia khan fe kin tih ti an ta: Zion ata kha dân thu a zuang isuak hrang a nia, Rengpa thu kha Jerusalem ata a zuang isuak hrang a ni.

MATHAIA 22:16

Khan, an irchutir senkhathai le Heroda pâla mi senkhathai a kuang an tîra, kha mihai khan, “Irchutirtu, thutak nin sîr ngai ti kin inhriat tukhom uksak ual ngai mak chea, tukhom theibîk loiin mihriam ta hranga Pathian lungdo thutak kha nir chutir ngai.

1 SAMUELA 12:23

Kha vai kha ni loiin nin ta hranga chongchai hi mongin, Rengpa chunga hin insual ual no ning, hi nêka lampui sa dik nangni irhmu ual ki ti.