1 RÊNGHAI 8:23 - PATHIAN LEKHABU IRTHIANG C.L. Bible (BSI)

²³ a chongchaia, “O Rengpa Israelhai Pathian, chung vânhai le, hnuai rama khom, nangma anga Pathian dang rêng om mahai. Ni mihai le nin thuthung chu nin hriat maia; a dik takin ni thupêk an zôm photin chu, ni lungkhamna nin langtir ngaia.

1 RÊNGHAI 8:23 ပူးပေါင်းရင်းမြစ်များ

IRPHUTNA 17:1

Khan Abrama kha kum 99 mi a niin Rengpa chu a kuang an lâr pea, a iti chu, “Kei Pathian itinrêng thothei ki ni, ki kôla omin lân, satirkipin om mai roh.

IRPHUTNA 33:20

Kha hmuna khan maichâm a siama, a’rhming khom El-elohe (Israel Pathian) iti a ni ta.

2 SAMUELA 7:22

Khasika khan O Rengpa Pathian nang chu ni iroiinpui a ni; nangma anga hi tûte zel om mahai. Nangma tih no chu Pathian dang zel om mahai ti ki inhriat mai ngai a ni.

1 RÊNGHAI 2:4

Rengpa khan, nir chihai khom irdîn takin om an ta, lungrîl le thu takin ki thupêkhai an zômin chu Israel rêngtoihmun hi lua thei mai an ti, tia a lei inkung kha a tak chang a ti.

1 RÊNGHAI 3:6

Solomona’n, “Ni siahlo Davida, ka pa chu nangma hrangin iamom takin a oma, dik tak le lungrîl fel le irthiang takin a om sikin, ni’rngaiinnata, a chunga ni khonzâna irsâng tak pêkin atûn hin rêngtoihmuna toi hrangin a nâipa ni pêka.

1 RÊNGHAI 6:12

“Atûn tempil chu ni sin zoi tâka, ki dân le ki thu nan hriattir ni’rngaisânga, ki thupêkhai ni zômin chu ni pa Davida kuanga ki thu inkunghai chu nangma chunga intung ki ti.

1 RÊNGHAI 8:24

Ka pa Davida kuanga ni thu’nkung hlo nin chuk tâk a ni.

2 RÊNGHAI 20:3

O Rengpa ni mithmua hin dik takin ki om ngaia, lungrîl irthiang irputin thil sa ki tho ngaia, irngaihoi takin inhre mai ro, a tia, a chap ngûi ngûia.

EZRA 1:3

Nin laia ama mihai murdi chunga Pathian chu om ri se; khanchu Judai ram Jerusalema fehai sian, Rengpa Israelhai Pathian, ama chu Jerusalema om Pathian in chu hong sin ri sehai; ama chu Pathian a ni.

NEHEMIA 1:5

“O Rengpa, irvân Pathian, Pathian roiinpui le ichiom, nangma lungthunga ni thupêk pomtuhai chunga thuthung intunga lungkhamna inlangtu;

NEHEMIA 9:32

Khasikin, kin Pathian, roiinpui, itinrêngthothei le ichiom, thuthung dêna lungkhamna inlangtu khan kin rênghai kin mi lianhai, kin ochaihai, kin deipuhai, kin pi le puhai le ni mihai murdi chunga Assuria rênghai inlal lai ata atûn tena dengtheina hong omhai hi a mai maiin insâp no’n lân.

INPÂKNA HLAHAI 113:5

Rengpa ei Pathian Anchungtaka a toia;

INPÂKNA HLAHAI 35:10

Ki ru murdi hin, “Rengpa, mi’nriang, a doi inhnê loi ata saninzôktu, A ni, inriang le invâia, ama insiat ngaitu ata saninzôktu, nangma ang hi tu mo an om?” ti an ti.

INPÂKNA HLAHAI 86:8

O Rengpa, pathianhai laia nangma ang rêng rêng hi om mahai.

FESUAKNA 15:11

“O Rengpa nangma anga Pathianhai laia tu mo a om? Tu mo nangma anga irthiangna tianga roiinpui? Tu mo sinirkhêl le sin roiinpui ni isin anga sin thei?

FESUAKNA 3:15

Khanchu Pathianin Mosia kuang khan, “Nangin Israel irchihai kuanga khan, Rengpa nin irchibulhai Pathian Abrahama Pathian, Isaka Pathian le Jakoba Pathianin nin laia hin a ni zuang itîr a ni, hi hi kumtuanga ki’rhming hrang chu a ni, nin irchihai tenin nin nin hriat mai hrang a ni ti roh.

ISAIA 40:18

Pathian chu tu leh moh nin itetûk hrang? I hai leh mo nin hrilirkhi ta hrang?

ISAIA 40:25

Khanchu tuhai leh hin mo a ni itetûk hrang, tuhai ang dôr hi mo ei ini? Mi irthiang khan a ti.

JEREMIA 10:16

Jakoba Pathian chu anni ang kha ni ma; Ama chu itinrêng siamtu a nia, a mihai ni hrangin Israel chu a inthang a ni. A’rhming chu Rengpa Pathian a ni.

JEREMIA 10:6

Rengpa nangma ang hi tûte om mahai; Itinrêng ni tho theia, Ni’rhming khom a roiinpuia, sin a itho thei a ni.

DANIELA 9:4

Rengpa ki Pathian kuang khan ki chongchaia, ki’rphuanga, “O Rengpa Pathian roiinpui tak le ichiom tak, ama lungthunga; a thupêk zôm ngai kuanga khan, thuthung le za’rngaithei nei ngaitu.

LUKA 1:72

Ei irchibulhai lung an khamzia an langtira, A thuthung irthiang an hriat mai a ni.

DÂN INHNINA 7:12

Hi om hrang dânhai hi nin uksaka, hiang hin nin oma, nin zômin chu Rengpa nin Pathian khan nin pahai kuanga a inkung ang khan a thuthung kha nin ta hrangin hlen a ta, nin chunga khonzâna nei a ti.

DÂN INHNINA 7:9

Khasikin, inhre roi, Rengpa nin Pathian hi kêng Pathian a ini, Pathian iamom, a thu’nkung a vong ngita, ama lungthunga, a thupêk zômtuhai chunga irlo sâng dêna khonza ngai kha.

1 SAMUELA 2:2

Rengpa anga irthiang hi om mahai; Ama ang zel om mahai. Ei Pathian anga lungpui det zel tûte om mahai.