1 RÊNGHAI 8:1 - PATHIAN LEKHABU IRTHIANG C.L. Bible (BSI)

¹ Reng Solomona’n Israel ulianhai, nam hruaitu hai chu Davida khopui Zion ata Jerusalem a omna hmuna Thuthung Bôm chu a lâka, tempila thon hrangin a koi bukhaia.

1 RÊNGHAI 8:1 ပူးပေါင်းရင်းမြစ်များ

2 SAMUELA 6:6

Nakona hruizôl kha an tungin chu sehrât kha a pêmlûta, Uza khan a hon bana, Thuthung Bôm kha a hong intûka.

1 RÊNGHAI 2:10

Davida chu a thia, Davida khopuia an phûma.

1 RÊNGHAI 3:15

Solomona chu a hong hara, a’rmang tiang Pathianin thu a ihril pe a nih ti an hriat tâka, Jerusalem tiang a honga, Rengpa Thuthung Bôm kôla a ngîra, hâlirvôm thilinhlan le irngeina thilinhlanin, a siahlo murdihai fâk hrangin hruai an thea.

1 THURCHI SUINA 11:7

Kha kula khan Davida a om tâk sikin Davida khopui ti a ni ta.

1 THURCHI SUINA 15:25

Reng Davida, Israel ulianhai le sipai sângkhat hruaitu chu Obed-doma ina Thuthung Bôm la hrangin raifân takin an fea.

1 THURCHI SUINA 15:29

Kho sûnga bôm an irzôn lût laiin Saula nâinu Mikali’n tukver ata a thîrhaia, rêng Davida lôm sika lâm le fuan kha a zu hmua, a lungrîla a hnuaisiaa.

1 THURCHI SUINA 15:3

Davida’n Israel mi murdihai chu Jerusalema Thuthung Bôm siana hranga a isinsiama khan a bukkhômhaia.

1 THURCHI SUINA 28:1

Davida’n Israel ulian hai, nam chi da danga hruaitu hai, rêng makunga sintho hranga a tha tina irthûlhai ngai, sâng chunga thuneitu hai, irza chunga hruaitu hai, rêng sum le pâi ram enkoltu hai, ama nâihai le sorkâr sinthotu hai murdi le pasal sahai chu Jerusalema a bukkhômhaia.

2 THURCHI SUINA 30:1

Mipuihaiin a zoro taka Ferkân kût hmang thei mahaia, ochai tamtak irthâr irthiang zoi irman mahaia, mipui khom Jerusalema irbuk an la tôma.

EZRA 3:1

Khan tha sarina a hong tung tena chu Israel mihai kho sûnga an om laiin, mihai kha irrualin Jerusalema an irbûma.

INPÂKNA HLAHAI 102:21

Rengpa sintho hranga mi tin le ram tin an inkhôm tika, Mihaiin Rengpa irhming chu Zion khuaa an hril theia, An pâkna thu chu Jerusalem khuaa an hril theina hrangin.

INPÂKNA HLAHAI 9:11

Rengpa, Zion-a om chu, inpâkin zâi unglân; Mi tinhai laia a sinthohai kha hril roi.

ISAIA 28:16

Khasikin, Rengpa Pathianin hiang hin a ti: “Irngai ro, Zion-a lung ki phûm ta, zôkna lung iamom tak chu, a kila lung poimo le hlutak chu ki phûm ta, a iam zoihai chu inhnîng no nihai.

ISAIA 46:13

ki felna sûn chu a hong nâi ta, hla ta mah sôtnote sûngin nangni saninhring ki ta. Zion chu saninhring ki ta, Israel chu roiinpuitir ta ki ti.

NAMBAR 1:4

Nang changpui hrangin panam tina pâfonghai chu inhrilhai ro,” a tia.

JOSUA 23:2

Khanchu, Israel mi murdi upahai, hruaituhai, roirêltuhai le ulianhai chu a koi bûmhaia, an kuang, “Atûn hin chu a sân ki tar tâka.

JOSUA 24:1

Josua’n Israel namhai chu Sekem khuaa a koibûmhaia. Israel upahai, nam hruaituhai, roirêltuhai le ulianhai chu Pathian makunga an hong irbûma.

1 PETERA toc2 1 PETERA 2:6

Pathian Lekha Thu’n, “En ta, lung hlu tak ki inthang a kila lungphûm chu Zion-a ki sia ta, Tukhom ama iam ka chu mualinphoi no nihai,” a tia.