1 RÊNGHAI 4:26 - PATHIAN LEKHABU IRTHIANG C.L. Bible (BSI)

²⁶ Solomona’n, tâli ikai hrangin sakor sîngminli le sakor chung chuang thei zât sîngkhat le sânghni a neia.

1 RÊNGHAI 4:26 ပူးပေါင်းရင်းမြစ်များ

2 THURCHI SUINA 1:14

Khan Solomona’n tâli le sakor chung chuang mihai a koibukhaia, tâli sângkhat le irzaminli le sakor chung chuang mi sîngkhat sânghni a neia, khahai kha tâli hrêna khuahai, Jerusalem khuaa rêng omnahai khan a hrêa.

2 THURCHI SUINA 9:25

Reng Solomona’n sakor vâina hmun sângminli a neia, khatak khan a sakor tâli le sakorhai a siahaia, irdoina sakor khom sîngkhat le sânghni a neia, senkhat chu Jerusalema an oma, a danghai chu kho dang danga a siahaia.

2 SAMUELA 8:4

Khanchu Davida khan a sakor chung chuang mi sângkhat irzasari le sipai sînghni a chel pea. Khan Davida khan, tâli irzakhat kai hrang sakor rukbak a lâka, a dang kai chu an irthahrui a tuk sat pehaia.

INPÂKNA HLAHAI 20:7

Senkhatin tâlihai an iama, senkhatin sakorhai an iam. Eini rêkin chu Rengpa ei Pathian irhming kha irlam ual ei ti.

DÂN INHNINA 17:16

Reng khan a sipaihai hrangin sakor a inei intam hrang ni ma, Aigupta rama sakor la’nsap hrangin mi a itîr hrang ni ma; Rengpa khan ‘Kha tiang khan nin ikîr nôk hrang ni ma,’ a tia.

1 RÊNGHAI 4:27

Ram optuhaiin mâni sintum chita rêng Solomona le a bu nêkna hmuna bunêk ngaihai ta hrangin an ngaitua delhai ngaia, ite irsamtirhai ngai mahai.

1 RÊNGHAI 9:19

Thil siakhômna khua, sakor le sakor tâli omna khua, Jerusalem, le Lebanon le a ram sûng hmun tina siam insat nanghai chu a siam zoi tâka.