1 RÊNGHAI 4:21 - PATHIAN LEKHABU IRTHIANG C.L. Bible (BSI)

²¹ Solomona chu Eufrates tuidung ata Aigupta ram dep Filistia ram dênin roi a rêla. Kha ram pumpuia khan Solomona kuang omna man chôiin an oma, Solomona dam sûng chu a khua le tuia tep sa an ni.

1 RÊNGHAI 4:21 ပူးပေါင်းရင်းမြစ်များ

IRPHUTNA 15:18

kha nî tena chu Rengpa’n, “Hi ram hi, Aigupta Tui ata Tuipuilian (Eufrates) tui dênin ni’rchihai ki pêk ta,

2 SAMUELA 8:2

Kha zoiin Moab mihai a doi inhne nôka, a hringa a ichelhai kha irnênga an zâltirhaia, inthum laia inhni a thathaia. Khanchu Moab mihai kha a thuhnuaia an om tâka, khâzana an hong ichôi ngai a ni ta.

2 SAMUELA 8:6

Kha hnung chu Davida khan Suria rama Damaska khan sipai a siaa; khanchu Suria mihai kha Davida thuhnuaia an om tâka; khâzana an hong pêk ngaia. Rengpa’n Davida chu a fena tina inhnêna a pêka.

1 RÊNGHAI 12:4

“Ni pa khan chu a sân a ni hmanga, kin phur a nin riktir pe ok ngaia, nangma’n chu ni ni hmang khomin kin phur nin zâng pe ualin lân, nin khua le tuia om kin ti,” an tia.

1 RÊNGHAI 3:13

Ni izong loi irchongna hai le irhming satna hai khom nang pe sa ki ti, ni dam sûngin rêng tukhomin nang a phâk om ngai no nihai.

1 RÊNGHAI 4:22

Solomona’n a sûn tina bai sa ual chi a innang ngai chu, her sângkhat le a saloi ual chi chu her sîngkhat a ni;

1 RÊNGHAI 4:24

Solomona’n Eufrates tuipui nitâk tiang Tifsa khua ata Gaza dênin roi a rêla. A kôlvêla ram danghai leh khom an irngei a ni.

2 RÊNGHAI 17:3

Assuria rêng Salmanesera’n a doia, Hosea khom a le’rpêk saa, kum tin khâzana a chôipuihaia,

2 THURCHI SUINA 17:5

Rengpa’n Jehosafata chu Judai rama an lal indettira, mihaiin khâzana an hong pêk ngaia, a irchong ok tâka, mihaiin an irngaiirsâng tâka.

2 THURCHI SUINA 32:23

Jerusalema Rengpa kuang thilinhlan hrang mi tamtak an honga, Hezekia kuang khom thilpêk an hong pêka, nam tinin Hezekia an irngaiirsâng a ni.

EZRA 4:20

Jerusalema khan rêng sin tho theihai, varâl tianga roirêltuhai tenin an lei om tâka; khanchu omna manhai, thil manhai an le’rfuang ngai a ni.

INPÂKNA HLAHAI 68:29

Jerusalema ni biak in sikin rênghaiin lômmanhai nang la hong chôi pe an ti.

INPÂKNA HLAHAI 76:11

Thu inkung unglân, Rengpa nin Pathian ata sua roi: A kôla mi murdi chu chi hrangpu kha lômmanhai hong chôi pe ri sehai.

FESUAKNA 23:31

Nin ram chu Tuipui Sena irthokin Mediteranean tuikhanglian kâr le ramchâr ata Eufrates vadung ten ni a ti. Kha rama omhai chunga thuneina nangni pe ki ta, hong nâi maiin nin irzûl suakhai hrang a ni.

THUHRILTU 2:25

Ama boiin tu’n mo fa theiin, raifânna hmu thei a ta?

CHAP HLA 1:1

E he! Jerusalem khua irhming satak ni ngai kha te, a lei siat rem rum ta ngaia! Nam tinhai irngaiirsâng lei ni ngai kha meithâi angin te a om tâka. Khua roiinpui tak lei ni kha, siatin te a om tâka.

EZEKIELA 16:13

Khanchu rângachak le sumrua irvôtir ni ni tâka, ni puan diarhai chu puan irnêm tak le puanirlung le puan insui satak a nia; ni bu nêk chu bai tiam indi le khuaihlutui le sahriak a ni, ni hmêl a hong satak taka, rêngnu ang khom ni hong chuk a ni ta.

DÂN INHNINA 11:24

Nin isirna kipa nin ram ni thiai a ti. ramchâr le Lebanon kâr, Eufrates dung le Mediteranean tuipui kâr ram kha nin ram ni zit a ti.

JOSUA 1:4

Sim tiang ramkâr ata hmâr tiang Lebanon tâng; sak tiang Eufrates vadung ata nitâk tiang Hit mihai ram, Mediteranean tuipui dênin nin ram ni a ti.

1 SAMUELA 10:27

Khannisianlân, Beliala nâi senkhathaiin chu “Hi pa hin itin mo a ni isansuak thei hrang?” an tia. Khanchu an hmusita, lômman ite pe nuam mahaia, khannisian ama chu ite ti loiin a dâihreka.