1 RÊNGHAI 3:3 - PATHIAN LEKHABU IRTHIANG C.L. Bible (BSI)

³ Solomona chu Rengpa lung a thunga, a pa Davida irchutirnahai zômin; khannisian, hmun irsânga thil inhlanin mirimhoihai hâlin a oma.

1 RÊNGHAI 3:3 ပူးပေါင်းရင်းမြစ်များ

1 RÊNGHAI 11:34

khannisian Solomona chu ram pumpui chu sut ving no ninga, ki siahlo Davida ki inthang le ki dân thupêkhai zômtu sikin a dam sûng chu inlaltir ki ta.

1 RÊNGHAI 11:38

Ki siahlo Davida anga, ki thu zôma, ki dân ngîka, ki mithmua satakin ni omin chu ni kuang om mai ki ta, Israelhai rêngin nang phun ki ta; Davida kuanga ki inkung angin, nir chihaiin ni hnunga khom roirêl mai an ti.

1 RÊNGHAI 11:4

A hong tar hnungin chu, a dôngmahaiin an pathian biak hrangin an ihruai tâk a ni, a pa Davida ang khan Rengpa a Pathian mit tung thei ta maka.

1 RÊNGHAI 11:6

Solomona’n Rengpa mithmuin thil saloi a thoa, a pa Davida ang khan iamom loiin a oma.

1 RÊNGHAI 14:23

Millim pathian biakna hmun tamtak an siama, tâng sîphai le thing hnuai haia, lung saloi le pathiannu Aseri irlimhai an phuna.

1 RÊNGHAI 14:8

Davida-hai in mi ramhai nang ki lâk pea, ipêk ni nia, khannisian, Davida angin om mak chea, ama’n chu ki thupêkhai a zôma, a dik takin a ni zuia, ki mithmua thil dik a tho ngaia.

1 RÊNGHAI 15:11

Ama khom a pu Davida angin Rengpa nuam lam a zong ngaia.

1 RÊNGHAI 15:14

A ram sûnga pathian dang an ibiakna ngai hmun murdi khom rêng Asa hin an siat pehai zoi no khomin, khannisianlân, a dam sûng chu Rengpa vai hin a’rnghata.

1 RÊNGHAI 15:3

A pa angin thil sual a thoa, a pu Davida inhlan angin a lungrîl chu Rengpa kuang irpe maka.

1 RÊNGHAI 15:5

Hit mi, Uria chunga thil saloi a tho ti no chu Davida’n a dam sûngin Rengpa mithmua thil sa a thoa, a thupêkhai khom a zôm ngaia.

1 RÊNGHAI 22:43

A pa angin Pathian mithmua sin sa a thoa. Millim biakna hmun irsâng chu insiat ual maka; khasikin mipuihai chu kha hmun irsânga khan an la irbôl mai ngaia, mirimhoihai an la ihâl ngai a ni.

1 RÊNGHAI 22:44

Jehosafata chu Israel rêng leh an irngeia.

1 RÊNGHAI 3:14

Ni pa Davida anga ki lampui ni hroa, ki thu’nkung le ki thupêkhai ni zômin chu zoro sôttak nan damtir ki ti,” a tia.

1 RÊNGHAI 3:6

Solomona’n, “Ni siahlo Davida, ka pa chu nangma hrangin iamom takin a oma, dik tak le lungrîl fel le irthiang takin a om sikin, ni’rngaiinnata, a chunga ni khonzâna irsâng tak pêkin atûn hin rêngtoihmuna toi hrangin a nâipa ni pêka.

1 RÊNGHAI 8:25

“O Rengpa Israelhai Pathian, ka pa Davida khan ni dânhai ang taka ar chihai khomin an ngîk maiin chu, ar chi laia inkhat a ni khoma, Israelhai rêngtoihmuna toi thei mai an tih ni iti khom hi a tak chang sianlân.

1 RÊNGHAI 8:61

Nangni a mihaio, Rengpa ei Pathian ta hrangin iamom zoi unglân, a dân le a thupêkhai chu atûna nin izôm ang hin zôm mai ngai roi,” a tia.

1 RÊNGHAI 9:4

Ni pa Davida angin iamom tak le dik takin ki sin ni thoa, ki dânhai le ki thupêkhai ni zômin chu,

2 RÊNGHAI 12:3

Khannisian nam danghai pathian biakna hmunhai chu masan thei loiin a oma, mihaiin thil an la inhlan thei mai a ni.

2 RÊNGHAI 12:4

Jehoiada’n ochaihai chu a koi bukhaia, tempila thilinhlan balamin thil pêk an hong chôi ngai a ni, senkhat chu thilinhlana khan pe ngêt hranga hril a ni sikin, lômna thilpêkhai chu sataka se hranga hril an ni.

2 RÊNGHAI 14:3

Rengpa mithmua sin a thoa, a pu rêng Davida ang dôr a ni no khomin, a pa Joasa ithohai anga tho theiin a oma.

2 RÊNGHAI 14:4

Nam dang pathian an ibiakna hmunhai chu insiat ual maka, mipuihaiin thilinhlanin rimhoi an la hâl mai ngai a ni.

2 RÊNGHAI 15:35

Nam dang pathian biakna hmun irsânghai chu masan loiin; mihaiin thil an la inhlan nôk maia, thil rimhoi an la ihâlna mai a ni. Tempil hmâr tianga inkhâr hi Jothama isiam a ni.

2 RÊNGHAI 15:4

Khasikin, rêng kha Rengpa’n a zuang tôna, a dam sûnga inphâr, a bingin an isia a ni ta.

2 RÊNGHAI 18:22

Nin Pathian Rengpa chu kin irnghat nin itihna mo a ini? Judahai le Jerusalem mihaiin Jerusalema vai Rengpa chu biak hrang a nih tiin hmun danga Rengpa maichâm le a biak in hmun insiattu chu Hezekia hi a ni.

2 RÊNGHAI 18:4

Nam dang pathian biakna hmun irsânghai an siata, an lungphunhai khom an khiakpaia, pathiannu Asera illim, thing an iphunhai khom an siatpaia, Mosia dâr mirûl illim siam Nehustan an iti khom kha an siatpaia, kha zoro dênin Israelhaiin dâr mirûl illim ta hranga hâlirvôm thilinhlan ngai a ni.

2 THURCHI SUINA 15:17

Ram sûnga hmun irsâng pathian dang an ibiakna murdi chu rêng Asa’n pai zoi no khomsian a dam sûng chu, Rengpa vai an tûka.

INPÂKNA HLAHAI 145:20

Rengpa khan ama lungthungtuhai murdi chu satakin a donsui ngaia; Mi siahai rêk chu irhmangtir zit a ti.

INPÂKNA HLAHAI 31:23

O, a mi irthiang murdihaio, Rengpa chu lungthung roi: Rengpa’n chu mi iamom chu a saninzôka, Lârirpâk taka thotu chu a saterengin ni thuan ngai.

LEVI DÂN 17:5

Ram irhonga thilinhlan that an ivarh ngai hi Rengpa kuang an hong inhlan tâkna hrangin ochai kuang irtongna puan in mikota an hong ichôi hrang a ni, Rengpa makunga irhîlhai thilinhlana an hong inhlan hrang a nih tihna a ni.

MATHAIA 22:37

Jisua’n a kuang, “ ‘Rengpa ni Pathian chu ni lungrîl murdi’n, nir tha murdi’n, ni lunginchongna murdi’n lungthung roh!’ ti hi,

JOHANA 14:15

“Nangni’n lung nin ni thungin chu, ki thupêkhai zôm nin ti.

JOHANA 14:21

Tukhom ki thupêkhai poma zômpu chu lung ni thungpu a ni, lung ni thungpu chu ka Pa’n lungthung a ta, kei khomin lungthung ki ti, a kuang inlâr sa ki ti,” a tia.

ROM KHUAA MIHAI KUANGA TÎRTÔN PAULA LEKHATHON 8:28

Pathian lungthungtu, ama inkung anga a ikoihai hrangin chu, an satna hrangin itinrêngin a tho pe ngai tih ei inhriat;

1 KORINTH 8:3

Khannisian, tukhomin Pathian lung a thungin chu kha mi kha Pathianin a inhriat a ni.

DÂN INHNINA 10:12

Atûn chu Israelhaio, Rengpa nin Pathian hin nangnia imo nangni a inphût? Rengpa nin Pathian kha chia, a nuamlam murdi tho’n, a saterenga lungrîl murdia ama vai lungthung le a sinthohai,

DÂN INHNINA 10:13

a vuana nangni ki ihril nin sana hranga a thupêk le a thu’nkung zômhai hi mo ni ma?

DÂN INHNINA 11:13

Khanchu, a vuana nangni ki ihril thupêkhai hi zôm roi, Rengpa nin Pathian hi lungthung unglân, a sate’n a sin tho roi.

DÂN INHNINA 30:16

Rengpa nin Pathian thupêk a vuana nangni ki ihril hi nin zôma, ama kha lung nin thunga, a thu nin irngaia, a dânhai nin zômin chu irhniang nin ta, nam roiinpui tak hong ni nin ti.

DÂN INHNINA 30:20

Rengpa nin Pathian kha lungthung unglân, a thu zôm unglân, ama kha chel khak roi; khanchu, nin irchibul Abrahama, Isaka, Jakoba hai kuanga pêk a inkung rama khan nin irchihai le dam insôt nin ti,’ a tia.

DÂN INHNINA 30:6

Rengpa nin Pathian khan nin irchihai leh thu zôm theina milung nangni pe a ta; khanchu, ama kha a sân lungthung nin ta, kha rama khan nin iom mai thei hrang a ni.

DÂN INHNINA 6:5

Rengpa nin Pathian chu nin milung murdi’n, nin thei dôrin lungthung roi.

JAKOBA toc2 JAKOBA 1:12

Fiana tonga, ngîr indet khak mi chu a vân a sa, fiaa a om hnungin Rengpa’n ama lungthungtuhai pêk a inkung, chôiindômna lukhum, hringna kha, a ichang hrang a ni.

JAKOBA toc2 JAKOBA 2:5

Ki urêng inditom takhaio, irngai u ta, rammual irngaia mi inrianghai hi iamnaa irchong hrang le ama lungthungtuhai kuang a ram inkung chang hrangin Pathianin a inthang loi ma ni?

1 SAMUELA 9:12

Anni khan, “O, a om nin matona a lei fe chak a ni. Irhnot unglân la va phâk nin ti. Kho sûng nin hong lût le hmu zel nin ti, a vuan hin kho sûng a zuang itung a ni. A vuan hin tâng chunga maichâma mihaiin irbôlna an inhlan a ni. Kha irbôlna kha bor pêktu hrang a lei ni sikin a tung mâka chu mipuihaiin khalâi an irhîl thei loi hrang a ni. Bor a pêk zoi tena kêng an ikoihai khan an la ifâk thei ngai a ni, khasikin nin fe lata niin chu tâng chunga bu nêk hrang a fe mân hong hmu zel nin ti,” an tia.