1 RÊNGHAI 22:15 - PATHIAN LEKHABU IRTHIANG C.L. Bible (BSI)

¹⁵ Rêng Ahaba kuang a va tungin chu rêngin, “Mikaia, Gilead rama Ramot khua hi ki idoi hrang mo doi loi hrang?” a tia. Mikaia khan, “Hong doi ngân roi ba, inhnê ni ti, Rengpa’n nang ni inhnêtir ri se ba,” a tia.

1 RÊNGHAI 22:15 ပူးပေါင်းရင်းမြစ်များ

MATHAIA 26:45

Kha zoia chu a irchutirhai kuang a honga, an kuang, “Atûn ten inmusu’n nin la irngam chian mo? Irngai u ta, a zoro chu a hong tung ta. Mihriam Nâipa hi mi sualhai kuta an incheltir hrang a ni ta.

THUHRILTU 11:9

O vânglai, ni vânglai nikhuahai hin raifân takin hmang ro, ni vânglai nikhuahaia khan ni milung chu raifânin om sianlân, ni itho nuamhai chu tho’n lân, ni milung irzukhai chu tho ro, khannisian, ni sintho murdihai chunga Pathianin roi la rêl a ti, ti inhre mai roh.

2 THURCHI SUINA 18:14

Reng Ahaba makunga a va tungin chu, rêngin, “Mikaia, rêng Jehosafata leh Ramot khua kha doi hrang mo doi loi hrang mo?,” a tia.

2 RÊNGHAI 3:13

Elisa’n Israel rêng kuang khan, “Itin mo nangni ki isan hrang nin nu le pahaiin an lei irdonhai ngai deipuhai var donhai unglân sa no ni mo,” a lei ti pehaia. Jehorama’n, “Ama Rengpa kêng hi a ini eini rêng inthumhai Moab rêng kuta ni siatu chu,” a tia.

1 RÊNGHAI 18:27

Sûna chu Elija’n innuipumin, “khêk ual roi ba, Pathian a ini loi ma ni? a la insâp mani ramfe itin ma ni, aninole khual a inzin ma ni! a in irnghil mani, kaithoi roi ba,” a tia.

ROIRÊLTUHAI 10:14

Nin inuam tak pathian danghai kuanga khan fe ta roi; nangni sansuak hrangin ngên unglân, lunginzîng nin tuang lai khomin nangni sansuak ri se,” a tia.

1 RÊNGHAI 4:13

Gilead rama Ramot khua, Manasea irchi, Jair in mihai omna khua Gilead rama mihai, Basan ram, Argob biala kul le thîr mikot nei khua sômruk hai enkoltu chu Idoa nâipa Ahinadaba a ni.

1 RÊNGHAI 22:12

Deipu danghai khomin khaang khan an tia, “Fe’n lân Ramot khua chu hong doi ro, inhnê ngêt ni ti, Rengpa’n nan hnêtir ngêt a ti,” an tia.

1 RÊNGHAI 22:16

Khan Ahaba’n, “Rengpa irhmingin ki kuang thu ni hrilin thudik vai ni hril ro, voi iza mo nang ki iti hrang?” a tia.

JEREMIA 37:17

Inhnung tiang chu rêng Zedekia’n a ni koia, dâihrekin rêng ina khan, “Rengpaa irthokin chongbe mo a nei?” tiin a nir dona. “A om,” tiin ki sâma. Khan, nang hi “Babulon rama rêng kuang pêkin om ni ti,” ki ti pe saa.

EZEKIELA 13:6

Rengpa thusuak a ni titu khan ite ni loi le lei hrilna milak an changa, Rengpa itîr an ini loi rêng rêng a ni; an thu chu a ini ngêt hrang angin mihai an in-iamtirhaia.