1 RÊNGHAI 21:2 - PATHIAN LEKHABU IRTHIANG C.L. Bible (BSI)

² Ahaba khan Nabota kuang, “Ni grep irhuan hi ansuangrua songna hrangin ni pe roh. Hi nêka sa grep irhuan nang pe ki ti, ni nuam paiin chu sum khom a’rphu lam tôkin nang pe sa ki ti,” a tia.

1 RÊNGHAI 21:2 ပူးပေါင်းရင်းမြစ်များ

1 SAMUELA 8:14

Ama’n nin loihai, nin grep irhuanhai, nin oliv bilhai, a sa u ualhai nangni lapai pe a ta, a mi lianhai pehai a ti.

1 TIMOTHEA toc2 1 TIMOTHEA 6:9

Irchongna nuam mihai chu inthêmnaa an lûta, huatirhamna invêt, châng ichiom taka an in-ôka, an siatpuia, an irhmang ngai a ni.

LUKA 12:15

Khan an kuang, “Irdîn unglân, irzukna tinrêng ata irdîn roi, mihriam hringna bi hi irchon lâmkhîl sika ni mah,” a ti pehaia.

JEREMIA 22:17

Khan dik loi taka inlâp tumin ni mit nin lêngtira, Thil poi tho loihai ni thata, nakhrât insua’n ni mihai ni sirbehaia. Rengpa’n a iti tâk a ni.

HLAHAI HLA 4:15

Nang chu irhuana tuirîlpût, rungtui hring, Lebanon ivatedung luang suak chu ni ni.

THUHRILTU 2:5

Irhuanhai le lêngna hmunhai ki siama, khataka khan theikung chi tinrêng ki phuna.

2 RÊNGHAI 9:27

Juda rêng Ahazia’n hi thilhai hi a hmu’n a tâli leh Beth Hagan tiang a fea, Jehua’n, a’rzûla, a rualhai kuang khan, “A tâlia chuangpu so that roi,” a tia. Ibleam kho kôla Gur pana a fe laiin an kâp inphopa, Megido tiang a fea; kha hmun khan a thipui tâka.

1 SAMUELA 29:6

Kha hnung chu Akisa khan Davida kha a koia, a kuang, “Israelhai Pathian hringna irhmingin ki iti a ni, mi diktak ni nia, sipaihai laia ki kuang ni fea, irdoina ni ni doipuia, ki inuam a ni. Ki kuang ni zuang nî ata, a vuan sûn ten hin ni chunga ite saloina la hmu viat ma ung. Khannisian rêng danghai hin nang an ipom loi a ni.

1 SAMUELA 8:6

Khannisianlân a kuang, “Roi ni rêl pe hrang rêng ni pe ro,” an iti thu khan Samuela chu lôm thei rak maka; khanchu Rengpa kuang a chongchaia,

DÂN INHNINA 11:10

Nin ram, nin ilua hrang hi, nin omna ngai Aigupta ram ang kha ni ma; khataka nin chîmu songhai kha tuia infâ’n nin indot a nang ngai.

DÂN INHNINA 5:21

Ni bômhai dôngma ni irzuk hrang ni ma, a in le loihai, a suakpa, a suaknuhai, a sehrâtchalhai, a sakuartunghai, a ta rêng rêng ni irzuk hrang ni ma.

FESUAKNA 20:17

“Ni tualbômhai neinun ni irzuk hrang ni ma, ni bômhai dôngma ni irzuk hrang ni ma, a suakpa mani, a suaknu mani, sehrâtchal mani, sakuartung mani ni bômhai ta rêng rêng chu ni irzuk hrang ni ma,” tiin.

IRPHUTNA 16:6

Abrama’n Saraii kuanga khan, “Irngai ro, ni suaknu chu ni kuta om kêng a ini, a sa ni iti lam takin lo ta ro,” a tia. Khanchu Saraii khan deng an theitira, a rotsan tâka.

IRPHUTNA 3:6

Khanchu nupangnu khan thing ra kha fâk thei zât a nih ti le mit lâktak a nih ti le, mihai invârtir theitu thing ra irzukom tak a nih ti an hriatin chu, a ra senkhat irhmalin a fâk tâka; khan, a pasal khom a pêka a fâk sa tâka.

1 RÊNGHAI 21:3

Nabota’n Ahaba kuang, “Kin puhai hun lai ata kin irchon a ni sikin, hianga nangma nang pêk hi chu Rengpa irngai khom hoi no ni,” a tia.

1 RÊNGHAI 21:6

Ama khan, “Jezreel mi Nabota’n a grep irhuan nir chotir ro ki tia, ni nuam paiin chu hi nêka sa grep irhuan dang nang pe ki ti,” ki tia. Ama’n, “Ki grep irhuan dang nang pe thei no ning tiin a ni sâm sika a ni hi te,” a tia.