1 RÊNGHAI 20:27 - PATHIAN LEKHABU IRTHIANG C.L. Bible (BSI)

²⁷ Israelhai khom an irkoibuka, fâk hrang an sin siama. An hong suak tâka, Suriahai vaiin hmun hnia omhmun an khuara. Suriahai enin chu Israelhai chu kêltehai tômtea irbukkhôm ang an ni. Suriahai chu ram pumpuia an sip vinga.

1 RÊNGHAI 20:27 ပူးပေါင်းရင်းမြစ်များ

ROIRÊLTUHAI 6:5

An sa pâlhai an hongpuihaia, puan inhai an hong chôia, khuai pung ang mai an ni, ram chu an hong insiat ngai a ni.

THUHRILTU 9:11

Khan, ki thîr nôka, misa hnuaia intânirsiatna chu chaninranghai hrang vai ni maka, irdoina khom chu a hrâthai ta hrang vai ni ual ma; bâi khom chu mi vârhai ta hrang vai ni maka, irchongna khom hi inhriatthiamna nei mihai ta hrang vai ni ma, inditna khom hi mi thiamhai ta hrang vai ni mah ti ki hmua, khannisian zoro’nchum chu an rênga kuanga a itung hi kêng a ini.

1 SAMUELA 14:2

Saula khan Gibea kho kôl Migron-a theipui kung hnuaia a oma; a kuang mi irzaruk vêl an oma.

ROIRÊLTUHAI 7:8

Khanchu fâk nêk pêltuhai le bekul irputtuhai le mi irzathum ti no chu mi dang chu an in tiang a tîr nôkhai zita. Midian mihai riakbuk chu an thang tiang phâia om a ni.

JOSUA 1:11

“Riakbuk hmuna fe zit unglân, mihai kuanga, ‘Sûn thum sûngin, Rengpa nin Pathianin nangni a ipêk ram lua hrangin Jordan dung ei irkân hrang a nia, fâk nêk hrang siam irfûk roi,’ ti roi duah,” a tia.

DÂN INHNINA 32:30

An lungpui khan rotsan no sian, An Pathian Rengpa khan inthikpai no sian, inkhatin a sâng têlin an irzûl hrang ma ni? Inhni vaiin a nuai têlin an ingam hrang mo?

ROIRÊLTUHAI 6:3

Khan, Israelhaiin chîmu thil an tho’n chu Midian mihai, Amalek mihai le Ramchâra om mihai chu an hong fea, an hong doihai ngai.

ROIRÊLTUHAI 7:12

Midian-hai, Amalek-hai le ramchâra omhai chu irhôra khan an irthek mura, khâi pung ang mai an ni, an saringseihai khom muanga chiaiphoi anga tep zoiloi an ni.

2 RÊNGHAI 3:6

Reng Jehorama chu Samari khua ata a suak lata, a sipaihai a buk khômhaia.