1 RÊNGHAI 2:3 - PATHIAN LEKHABU IRTHIANG C.L. Bible (BSI)

³ Rengpa ni Pathianin nang a inphût murdi tho’n lân, a lampui hro ro, a thu’nkung le a thupêkhai, om hrang dân a iti le a thu nan hriattir, Mosia dân bua a irziakhai chu zômin lân; khan ni sintho murdi, ni fena hmun tina, thangsua ni ti.

1 RÊNGHAI 2:3 ပူးပေါင်းရင်းမြစ်များ

2 SAMUELA 8:14

Edom ram hmun tina sipai a siahaia, khanchu Edom mi murdi kha Davida thuhnuaia an om tâka, khâzana an hong chôi ngaia. Rengpa’n Davida chu a fena kipa an hnêtir maia.

2 SAMUELA 8:6

Kha hnung chu Davida khan Suria rama Damaska khan sipai a siaa; khanchu Suria mihai kha Davida thuhnuaia an om tâka; khâzana an hong pêk ngaia. Rengpa’n Davida chu a fena tina inhnêna a pêka.

1 RÊNGHAI 3:3

Solomona chu Rengpa lung a thunga, a pa Davida irchutirnahai zômin; khannisian, hmun irsânga thil inhlanin mirimhoihai hâlin a oma.

2 RÊNGHAI 18:7

Khasikin, Rengpa’n a ompuia, a sin thôna murdi hmang a ichang pe a ni. Assuria hai a doihaia, an thu la nuam loiin a oma.

1 THURCHI SUINA 29:19

Ki nâipa Solomona hi, ni thupêk irzuk taka a zôm theina hrangin hrungin lân, ni tempila hmangrua ki ilâk pehai hi, a sin zoi theina hrangin changpui mai ro,” a tia.

INPÂKNA HLAHAI 119:111

Ni thupêkhai chu kumkhua’n ni dongtum a nia; A ni, ki lungrîl lômna tak a ni.

INPÂKNA HLAHAI 119:138

Ni dân pêkhai chu an dikin iam an iom a ni.

INPÂKNA HLAHAI 119:2

A thupêk zômhai chu an vân a sa, Lungrîl murdia ama zongtuhai chu.

INPÂKNA HLAHAI 19:7

Rengpa dân kha a sa’rkipa, hringna a siam insa ngai. Rengpa thu’nhriattir kha iam a oma, mi’nmôl an vârtir ngai;

THUHRILTU 12:13

Hihai murdi zoia hin chu, thil inkhat vai hi hril hrang a om tâka; Pathian chin lân a thupêkhai zôm ro, kha hrang piala mihriam hi siam ei ni sikin.

LEVI DÂN 8:35

Rengpa thupêk ang khan sûn sari le zân sari irtongna puan in lûtna kôla nin iom hrang a ni. Nin om nuam no’n chu thi nin ti, kha kha Rengpa thupêk a ni,” a tia.

MALAKIA 4:4

“Israelhai murdi ta hranga Horeb tânga ki ipêk, roirêlna le thu’nkunghai, ki siahlo Mosia dân kha inhre mai roi.

DÂN INHNINA 29:8

an ram khom kin neipai pehaia; Reubena irchi hai, Gada irchihai le Manasea irchi chimriphai kha an dongtuma kin pêkhaia.

DÂN INHNINA 29:9

Khasikin hi thuthung thuhai hi zôm unglân, nin thiltho kipa nin irhniang theina hrangin tho roi.

DÂN INHNINA 4:1

Atûn chu, Israelhaio, chonginkung le omdân hrang nangni ki irchutir kha uksak unglân, nin nâihai kuang Rengpa nin Pathianin nangni a ipêk ram kha dam taka nin lua theina hrangin zôm roi.

DÂN INHNINA 4:45

Hi chongbehai le thu’nkunghai le om hrang dânhai hi Aigupta ram ata Israelhai an hong suak lai khan Mosia’n a ihril a ni.

DÂN INHNINA 4:5

Irngai u ta, thu’nkunghai le om hrang dân ei Pathian Rengpa ni ihril ang dênin nangni ki’rchutira, nin ipan, nin ram dong hrang nin tung tika zôm ngêt roi.

DÂN INHNINA 4:8

A vuana dân nangni ki izam pe anga dân le thupêk sa khom hi nam roiinpui takhai khomin an inei ma ni?

DÂN INHNINA 5:1

Mosia khan Israel mi murdi kha a koi bukhaia, an kuang ‘Israelhaio, hi thu’nkung le omdân hrang nin beng inhriata, ki insîrhai hi irngaitua unglân, irchu nin ta, nin izôm hrang a ni.

JOSUA 22:5

Rengpa siahlo Mosia’n dân nangni a ipêk kha zôm ngêt unglân, nin Pathian Rengpa chu lungthungin a thupêkhai chu zôm unglân, a nuamlam tho ngai unglân, ama chu iamoma kop indet khakin nin lungrîl murdi le nin irtha murdi’n a sin tho roi,” a tia.

JOSUA 23:6

Khasikin, Mosia dân lekhabua irziak murdi irdîn takin zôm tum ngit unglân, inkhat lua irhmâi no roi.

1 SAMUELA 18:14

A sinthôna hmun tina hlo a chuk maia. Rengpa chu ama kuang a ompui maia.

1 SAMUELA 18:30

Khaang khan Filistia sipaihai kha hong irthok suakin, an hong doihai ngaia. Khannisianlân, an irdoi rikipa Davida chu Saula mi lian danghai murdi nêkin hlo a chuk ual ngaia. Khasika khan Davida irhming chu a hong inthang tâka.

1 SAMUELA 18:5

Saula’n a itîrna hmun tina Davida chu a fea, hlo a chuk maia; khanchu Saula khan a sipai hruaitu ni hrangin a siama, ama kha Saula mi lianhai le mi murdi irngai dâna khom a sa an iti ok a ni.