1 RÊNGHAI 2:2 - PATHIAN LEKHABU IRTHIANG C.L. Bible (BSI)

² “Mihai ang dênin kei khom ki ithi hrang a ni sikin, puihling takin omin lân, chi viat no roh.

1 RÊNGHAI 2:2 ပူးပေါင်းရင်းမြစ်များ

2 SAMUELA 10:12

Hrâttak le hâitakin om unglân, ei mihai le ei khopuihai sanin pasal satakin doi ei ti duah; Rengpa khan a sa a iti lam takin tho ni ri se,” a tia.

2 SAMUELA 12:23

Khannisian atûn hin chu a thi tâka, itho mo bu ki la inghei mai hrang? Nâite kha ki la ikoikhîr thei hrang mo? Itik nî mani chu ama kuang keima hi ki la ife ngêt hrang a nia. Khannisianlân, ama chu keima kuang zuang kîr ta no ni,” a tia.

1 RÊNGHAI 3:7

Atûn hin, o Rengpa ki Pathian, ni siahlo hi ka pa Davida irthûlin nin laltira, kei lak nâipang ki nia, ki tho hrang tum khom inhre zoi loiin ki oma.

1 THURCHI SUINA 22:13

Israelhai hranga Rengpa thu’nkunghai le dân, Mosia ihrilhai kha, zômin lân, itinrêng lama hlochuk ni ti. Hâi takin irnak songin lân; chi viat loiin, ni beiindongtir no roh.

1 THURCHI SUINA 22:16

rângachak hai, sumru hai, thîr le dâr sin thei tak takhai khom an itam a ni. Phut pehai ta ro, Rengpa’n Sat nang vur ri se,” a tia.

1 THURCHI SUINA 28:10

A hmun irthianga in sin hrangin Rengpa’n nang an thang ti inhre ro, irnak songin lân, sin phut chian ta ro,” a tia.

1 THURCHI SUINA 28:20

Reng Davida’n, a nâipa Solomona kuang, “Ni tumna inthûktirin lân, irnaksongin lân, sin phut ta ro, tûte’n nan hnungtir no ri sehai, ki Pathian a sin ki itho pe ngaiin nang ompui a ti. Rengpa’n a tempil ni sin zoi mâka nan tha no ni.

JOBA 16:22

Kum sôtloite a hong hek tena, kîr ta loina lampui ki hro hrang sikin.

JOBA 30:23

Nangin ni that ni ta, mihringhai omna hranga ni indangna khan, Ni hruai ni tih, ti kin hriat.

INPÂKNA HLAHAI 89:48

I ang mi mo thi nî hmêl hmu loia hring, Seol kut ata a hringna saninzôk hrang chu?

THUHRILTU 12:13

Hihai murdi zoia hin chu, thil inkhat vai hi hril hrang a om tâka; Pathian chin lân a thupêkhai zôm ro, kha hrang piala mihriam hi siam ei ni sikin.

1 KORINTH 16:13

Irtûng chianin om unglân, iamnaa ngîrindet unglân, hâi unglân, hrât takin om roi.

EFESI 6:10

A mong taka chu Rengpa le a hrâtna ata kha sinthotheina la mai ngai roi.

DÂN INHNINA 31:23

Rengpa khan Nuna nâipa Josua kuang, ‘Milung inngarin lân, a sân irnak song ro, Israel mihai hi pêk ki inkungna rama khan hruaihai ro, nang ompui mai ki ti,’ a tia.

1 TIMOTHEA toc2 1 TIMOTHEA 4:12

Ni nâiinpang sikin tûte’n nang manêp no ri sehai, thu’nsîrna lama, omlam dâna, lungthungna lama, irthiangna lama, iamtuhai entonrua ni roh.

2 TIMOTHEA toc2 2 TIMOTHEA 2:1

Ki nâipa, nang chu Krista Jisua lungkhamna hin nang inhrât ri se.

HEBRAI toc2 HEBRAI 9:27

Mi tin voikhat chu thi ngêt an ta, kha hnunga khan Pathian irêlin om an ti.

JOSUA 23:14

“Irngai roi, atûn chu, ki thi zoro anai ta. Tukhomin takirtâi takin a sûtin chu Rengpa nin Pathianin thil sa a inkung sai tâk murdi kha nangni a pêk ti inhre roi. A chonginkung ang takin a tho zêla, inkhat lua irhmâi nei mah.