1 RÊNGHAI 19:14 - PATHIAN LEKHABU IRTHIANG C.L. Bible (BSI)

¹⁴ Elija’n, “Itinrêng chunga Rengpa hrang sathnem ki’rngaia, khannisianlân, Israelhaiin ni thuthung zôm loiin, ni maichâmhai an insiata, ni deipuhai an thathaia, kei vai hi a dam sun ki ni tâka, keima khom hi ni that an ni tum a ni,” a tia.

1 RÊNGHAI 19:14 ပူးပေါင်းရင်းမြစ်များ

HEBRAI toc2 HEBRAI 8:9

An irchibulhai Aigupta ata hruai suak hranga an kuta kin tûk nia ki thuthung siam ang khan ni ta no ni. ki thuthung siama khan iamom maka, Khasikin anni kha ki uksak ta loi a ni, Rengpa’n a ti.

HOSEA 6:7

Khannisianlân, Adama angin thuthung kha an tho’nsuala, khataka khan vâr irlet takin ki chunga an itho a ni.

DANIELA 11:30

Kil tina irhualhaiin ama hong doi an ta; khanchu a milung chuk no nia, kîr nôk a ti, thuthung irthiang chunga khan ningmur irlâk a ta, khaanga tho’n kîr nôk a ti, thuthung irthiang hnung songsanhai chu lôm a ti.

JEREMIA 22:9

Khanchu nangni’n thuthung keima le nin inei nin mâk raka, pathian danghai chubai nin mûka, a sin nin tho tâk sika a ni,” ti hril an ti.

ISAIA 62:1

Zion sikin dâihrek thei ta no ninga, Jerusalem sikin omchian thei ta no ning. A dik lam chu an lang infela, saninhringna a nina meivâra a vâr inlang infel no’n chu.

ISAIA 1:4

O! nam tukullian, sualna sip, irchi saloihai, mi helâk loihaio! Rengpa nin mâksana. Israel mi irthianghai nin hnôlhaia, nin mâksanhai tâka.

INPÂKNA HLAHAI 78:37

An milung kha amaa khan dik maka, An milunga khan iamom sa mah.

DÂN INHNINA 31:20

An irchibulhai kuanga pêk ki inkung, khuaihlutui le dûttui luangna rama khan nangni hruai intung ngêt ki ti. Nuam dôr fâk hrang nei mai an ta, mar lu lul an ta, pathian danghai tiang irheiin chubai mûk ual ta an ta; ni hnuaisia’n ki thuthunghai kha tho’nchâi an ti.

DÂN INHNINA 29:25

Hiang hin sâm an ti: ‘An irchihai pathian khan Aigupta ram ata a zu hruai suak lai khan thuthung a siampuihaia, Rengpa mihai khan kha kha an tho’nchâia;

ROM KHUAA MIHAI KUANGA TÎRTÔN PAULA LEKHATHON 11:3

“Rengpa, ni deipuhai an thata, Ni maichâmhai an inchimtira, Keima vai ki la oma, Kei khom ni thatpai an itum a ni,” tiin.

1 RÊNGHAI 18:22

Elija’n mipuihai kuang, “Rengpa deipu la dam sun ki nia, Baal deipuhai chu irzaminli sômringa an la ni.

1 RÊNGHAI 18:30

Elija’n mipuihai kuang khan, “Hong nâi ual hi roi,” a tia. Mipuihaiin an va nâia, Rengpa maichâm chiam remrum chu a siam insa nôka.

DANIELA 3:18

Khan ni no khomsian, o inlaltak ni pathianhai sin chu tho no ni ung, ni rângachak irlim siam khom chubai mûk no ni ung, ti hi inhre ro,” an tia.