1 RÊNGHAI 18:36 - PATHIAN LEKHABU IRTHIANG C.L. Bible (BSI)

³⁶ Khohloi irbôlna zoroa chu deipu Elija’n maichâm chu a hong nâia, a chongchaia, “O Rengpa Abrahama, Isaka le Jakoba Pathian, Israelhai Pathian ni ni le ni thupêkin hi thil ki ini le ni loi atûn hin târinlang roh.

1 RÊNGHAI 18:36 ပူးပေါင်းရင်းမြစ်များ

IRPHUTNA 26:24

kha ni zân khan Rengpa’n a kuang an lâr pea, “Kei hi ni pa Abrahama Pathian kha ki ni; chi no ro, ni kuang ki om, sat nang vur ki ta, ki sinthotu Abrahama sikin, nir chi la pung an ti,” a tia.

IRPHUTNA 28:13

Irngai ro, a sîp taka Rengpa an dinga, “Kei hi Rengpa, ni pu Abrahama Pathian le Isaka Pathian ki ni: ni zâlna hmun kha nang le nir chihai nangni pe ki ti;

IRPHUTNA 31:53

Abrahama Pathian, Nahora Pathian, an pa Pathianin ei kâra thu chu ngaitua ri se,” a ti nôka. Khan Jakoba’n a pa Isaka Pathian irhmingin khomâk a’rsâma.

IRPHUTNA 32:9

Khan Jakoba ngêtin, “Ka pu Abrahama Pathian, ka pa Isaka Pathian, o Rengpa ni omna rama le ni sûngsuakhai tianga fe hranga ni tîrtu le nin thâ loi hranga ni hriltu,

IRPHUTNA 46:3

Khanchu Pathianin, “Keima hi ni pa Pathian chu ki ni. Aigupta rama fe chu chi viat no’n lân fe ro; khu hmuna khun irchi tam takin nang siam ki ti:

2 SAMUELA 7:26

Itinrêng sinthei Pathian chu Israelhai Pathian a nia tiin nir hming chu kumtuangin chôiindômin om ri se. Khanchu ni suak Davida in sûngkua khom ni makunga indetin om ri se.

1 RÊNGHAI 18:21

Elija chu mipui lai ata a ngîra, an kuang, “Sirirkain i dôr ten mo nin iom hrang? Rengpa hi Pathian nin iti a ni’n chu biak unglân, Baal nin biakin chu biak sabak roi,” a tia. Mipuihai chu an ngûi chit tâka.

1 RÊNGHAI 18:29

Misa kôlkai dênin irbôlna hmuna khêkin, tûte a sâmtu om loiin, ite irhâi inhriat hrang om loiin an oma.

1 RÊNGHAI 18:35

maichâm kôla tui siana a ichoi khom kha an buak irzo vinga.

1 RÊNGHAI 18:37

O Rengpa ki chongchaina irngaiin lân, ni sâm ro! khanchu hi mihai hin Rengpa Pathian chu ni nih ti an inhriat theina hrang le irletin nangma tiang an hong kîr theina hrangin,” a tia.

1 RÊNGHAI 20:13

Kha laitaka khan, deipu inkhat hi rêng Ahaba kuang a honga, “Rengpa’n hiang hin a ti; hi sipai tamtakhai hi chihai viat no ro, a vuan ni kuta nang pe ki ti; khanchu, Rengpa ki nih ti inhria ni ti,” a hong tia.

1 RÊNGHAI 20:28

Khan deipu inkhat hi Israel rêng Ahaba kuang a honga, “Rengpa’n hiang hin a ti; Suriahaiin Rengpa chu tâng ram Pathian a nia, phâizôl Pathian chu ni mah an ti sikin hi sipai tamtak hi ni kuta nang ki pêk, nang le ni mihai hin Rengpa ki nih ti nin inhriatna hrangin,” a tia.

1 RÊNGHAI 22:28

Mikaia’n, “A hring a dama ni hongin chu Rengpa inhre ri sehai,” a tia.

1 RÊNGHAI 8:43

An izong chu sâmhaiin lân, khanchu, rammuala mi murdi’n ni mi Israelhai ang dênin nang an inhriat theina hrangin. Hi tempil ki isin hi nangma chubai mûkna a nih ti an inhriat theina hrangin.

2 RÊNGHAI 1:10

Elija’n, “Pathian mi ki niin chu irvân ata mei zuang ta sianlân, nang le ni mi sômringahai kha nangni kâng that ri se,” a tia. Irvân ata mei a zuang tâka, sipaihai chu an hruaitupa leh a kâng thathaia.

2 RÊNGHAI 1:3

Rengpa vântîrtônin Tisbe mi Elija kuang, “Thoiin lân, Samari rêngin mi a itîrhai irtongpui hrangin fe roh. Israel rama Pathian a iom loi ma ni, itho sika Ekron pathian Baalzebuba irdon ni ife?.

2 RÊNGHAI 1:6

Anni’n, “Mi inkhat leh kin irtoka, a tîrtu rêng kuang khan kîr nôk unglân, Rengpa’n hiang hin a ti, Israel rama Pathian a iom loi ma ni Ekron pathian Baalzebuba irdon hranga mi ni itîr? ni zâlna hmun ata chum thei ta no chi ni, ni ithi hrang tâk a ti, tiin hril roi,” a ni ti, an tia.

2 RÊNGHAI 19:19

O Rengpa, hi a kut ata hi ni sansuakin lân; khanchu, rammual hmun tina mihaiin nang vai hi Pathian Rengpa ni nih ti nan hrethei an ti,” a tia.

2 RÊNGHAI 20:11

Isaia chu a chongchaia, rêng Ahaza irhlîm siam chu Rengpa’n kal sôm an kîrtira.

2 RÊNGHAI 5:15

A neinun hmang murdihai leh khan Pathian mi kuanga a hong kîr nôka, a hmâikunga a ngîra, “Israel rama ti no hin chu ram danga Pathian om mah ti kin hriat ta, en ro, ni siahlo hin thil nang ki ipêk hi lungkham takin ni la pe ro,” a tia.

2 RÊNGHAI 5:8

Reng chardong hraiin a puan an potthêr tah ti Pathian mi Elisa’n a len hriatin chu rêng kuanga mi a tîra. “Itho mo ni puan teh nin potthêra? ki kuang zuang sianlân, Israel rama deipu a om ti inhria a ti,” a tia.

1 THURCHI SUINA 29:18

O Pathian kin irchibul Abrahama hai, Isaka hai, Jakoba hai Pathian, hianga lungrîl hi ni nâihai irputtirhai maiin lân, nangma hranga iamoma an om mai theina hrangin hrunghai ro.

2 THURCHI SUINA 30:6

Reng le a rualhaiin palaihai chu Judai ram le Israel rama mihai va fialhai hrangin an tîrhaia, ngênna lekha hiang hin an thonhaia, “Israel mihaio, Abrahama hai, Isaka hai, Jakoba hai Pathian Rengpa tiang hong irhei roi; keini, Assuria kuttum tuang loi, a hring a dama la omhai tiang hong unglân.

INPÂKNA HLAHAI 141:2

Ki chongchaina hi mirimhoi angin lei pomin lân, Ki kut phar hi khohloi tiang irbôlna angin om ri se.

INPÂKNA HLAHAI 83:18

Nangma vai hi JEHOVA irhming irput, Irnêng murdi chunga Anchungtak ni nih ti an inhriat theina hrangin.

FESUAKNA 3:6

Khan kei hi ni pa Pathian, Abrahama Pathian, Isaka Pathian le Jakoba Pathian kha ki ni, a ti pe nôka. Kha tena chu Mosia kha a hmâi a thupa; Pathian a en ngam loi sikin.

FESUAKNA 4:5

Rengpa’n nin irchibulhai Abrahama Pathian, Isaka Pathian le Jakoba Pathian chu nangma kuanga khom nang a ompui ti an inhriat theina hrangin, a tia.

ISAIA 37:20

Rengpa atûn hin a kut ata ni sansuakin lân, khanchu rammual murdia mihaiin nang vai hih Rengpa chu ni nih ti nan hre ving an ti,” a tia.

EZEKIELA 36:23

Khan ki’rhming roiinpui tak irthiangzia nam tinhai laia nin lei porinchetir tâk kha ki târinlang tena chu Rengpa ki nih ti inhre ta an ti, kei Rengpa Pathianin ki iti a ni. Nangma chu nam tinhai laia ki’rthiangzia inlangtirtu ni hrangin nang hmang ki ti.

EZEKIELA 39:7

Khanchu ki’rhming irthiang kha ki mi Israelhai laia inlârtir ki ta, ki’rhming irthiang porinchetira om hrang chu irngai thei no ning. Khanchu nam tinhaiin, Rengpa, Israel mi irthiang chu ki nih ti inhre ta an ti,” a tia.

DANIELA 12:11

“Khan hâlirvôm thilinhlan omhai lâkpai a nia, chitna intirom inding nôk a nia irthokin, sûn sângkhat irzahni le sômkuak nih a ti.

DANIELA 8:13

Khanchu, vântirtôn inkhat hin vântirtôn dang kuang hianga ar don hi kin hriata, “I dôr ten mo hi inlârnaa thil hmua omhai hi a iom hrang? I dôr ten mo sualna hin a ni tina thilinhlanhai hmun hi a ilâk mai hrang? I dôr ten mo irvân sipaihai leh hi tempil hi sirbea a iom hrang?” tiin.

DANIELA 9:21

a ni, chongchaia ki zong lai takin, mi Gabriela, a phuta ki ihmu inlârna khan, khohloia thil inhlan zoro lai angin hrât takin a ni hong pana.

MATHAIA 22:32

‘Keima Abrahama Pathian, Isaka Pathian Jakoba Pathian,’ ki ni a tia, Pathian chu ihringhai Pathian kêng a ini; mithihai Pathian ni ma,” tiin a sâma.

JOHANA 11:42

Ki thu nir ngaitua ngai ti khom kin hriat; khannisianlân, hitaka mi pungkhômhai sika hin hi thu hi ki insîr a ni, nangin keima ni ni tîr ti an iam theina hrangin,” a tia.

TÎRTÔNHAI SINTHO 10:30

Kornelia khan, a vuan hin a sûn minlina a ni ta, atûn ang zoro hi chohnung dâr thuma ki chongchai laiin; irngai ta, mi inkhat puan chek sil ki kuang a hong ngîra,

TÎRTÔNHAI SINTHO 3:1

Chohnung dâr thum chongchai zoro anga khan Petera le Johana kha tempila an hong fea.

EFESI 1:17

Ei Rengpa Jisua Krista Pathianin roiinpuina Pa khan inhriatna lama vârna le inhriat infelna nin nei theina hrangin, Irtha kha nangni a pêkna hranga ngên maiin.

EFESI 3:14

Hi sika hin Pa makunga khûksadelin ki kûn ngai.