1 RÊNGHAI 18:21 - PATHIAN LEKHABU IRTHIANG C.L. Bible (BSI)

²¹ Elija chu mipui lai ata a ngîra, an kuang, “Sirirkain i dôr ten mo nin iom hrang? Rengpa hi Pathian nin iti a ni’n chu biak unglân, Baal nin biakin chu biak sabak roi,” a tia. Mipuihai chu an ngûi chit tâka.

1 RÊNGHAI 18:21 ပူးပေါင်းရင်းမြစ်များ

MATHAIA 6:24

“Tûte’n hruaitu inhni sin irkop thei no nihai, inkhat hnôlin, inkhat indit an ta; aninole inkhat irngaiinnat an ta, inkhat hmusit an ti. Pathian sin le sum sin irkop thei no chin ni.

JOSUA 24:15

Rengpa sintho hi sa nin ti no’n chu nin irchibul pi le puhai ibiak, Mesopotamia ram pathianhai sin kha mo nin tho nuam, atûna nin omna rama mi, Amor pathianhai hi mo, a vuan hin nin nuam nuam inthang roi. Kei le ki insûng mihai rekin chu Rengpa sin hi a nih kin tho hrang chu,” a tia.

2 RÊNGHAI 17:41

Hi mihai hin Rengpa chu chubai ar hmingin an imûk a ni, an millim chubai mûk an la irhnik ual a ni, an irchihai khomin atûn ten an la itho mai a ni.

1 SAMUELA 7:3

Khante Samuela khan Israel mihai kuang khan, “Nin lungrîl taka Rengpa tiang nin irnghat tak takin chu, ram dang pathianhai le Asterothi pathiannuhai millim kha nin lai ata pai ving roi. Nin lungrîl kha Rengpa ta hrangin sinsiam unglân, ama sin vai tho roi; khanchu Filistia-hai kut ata hi nangni a isansuak hrang a ni,” a tia.

ZEFANIA 1:5

In chung sîpa irvân tiang thilhai kuanga kûn ngaihai, Rengpa kuang khomâksâma Malkama sâla insam saa kûn ngaihai,

INPÂKNA HLAHAI 100:3

Rengpa chu Pathian a nih ti inhre unglân, A ni siamtu chu ama a nia; Ama ta ei ni. A mihai le a sa vâina hmuna belrahai ei ni.

DÂN INHNINA 4:35

Rengpa hi Pathian a nia, ama no hi Pathian dang zel om mahai ti nin inhriat theina hrangin khahai kha nangni a inhmutir a ni.

1 RÊNGHAI 18:39

Mipuihaiin kha thil kha an hmu’n chu irnênga an khûksadela, “Rengpa hi Pathian chu a ni, Rengpa hi Pathian tak lele chu a ni hi te,” tiin an khêk suak tâka.

2 THURCHI SUINA 33:13

Manasea chongchaina chu a le’rngaitua pea, a izonghai chu sâmin Jerusalema an fetir nôk tâka. Manasea’n chu Rengpa chu Pathian a nih ti an hriat infel thei tâka.

IRPHUTNA 44:16

“Ka pu ni kuanga imo kin ihril ta hrang? I ang tak ngân mo kin ihril thei ta hrang? Pathianin ni siahlohai sualna chu a ihmu a ni ta. Ka pu kin rêngin ni suak kin ni ta,” an tia.

IRPHUTNA 24:50

Khan Labana le Bethuela’n hiang hin an sâma, “Hi thil hi Rengpa bâia suak a ni hi te: a sia le a sa ite ni kuanga ti thei no ni ung.

ROM KHUAA MIHAI KUANGA TÎRTÔN PAULA LEKHATHON 3:19

Dân thuhai chu Dân hnuaia omhai chunga hmang hrang a nih ti ei inhriat; tûte’n ite an insîr thei loina hrang le rammual hi Pathian roirêla a omna hrangin.

LUKA 6:13

Khua a hong vârin chu a irchutirhai kha a koihaia, an lai ata sômhleihni an thanga, an irhminga Tirtôn a phuahaia.

MATHAIA 22:36

“Irchutirtu, dâna hin i thupêk tak hi mo a roiinpui tak?” tiin a’rdona.

MATHAIA 22:34

Jisua’n Sadukaihai kha a sêl indonghai ti Farisaihaiin an inhriatin chu, an irhmukhôma,

MATHAIA 22:12

Reng khan a kuang, ‘Mala, irneina puan sil loiin itina mo hin ni ihong lût lam?’ tiin ar dona. Khannisianlân, kha mi kha a dâihreka.

1 THURCHI SUINA 17:26

Nangma chu o Rengpa, Pathian ni nia, hi thil roiinpui tak tho hrang ni nin kung pe tâka.

1 RÊNGHAI 18:20

Ahaba khan Israel ram murdia thang an theia, Baal deipuhai chu Karmel tânga a koihaia.

INPÂKNA HLAHAI 119:113

Lungrîl mumal neiloi mihai chu ki hnôla, Ni dân rêk chu ki’rngaiinhlu a ni.

HOSEA 10:2

A sûngril kha irsentirin a oma, atûn chu thiamloi changin om ta an ti. An maichâmhai kha Rengpa’n zêm insim a ta, an lung incher phunhai kha insiat a ti.