1 RÊNGHAI 17:12 - PATHIAN LEKHABU IRTHIANG C.L. Bible (BSI)

¹² Meithâinu khan, “Rengpa ni Pathian hring irhmingin nang kin hril, bai chu nei ma ung, bêla baidi kut kângkhat le sahriak a chînte vai ki nei. ki nâipa leh kin fâk hrang sin siamna hrangin thingchâr ki’rfuanga, kha kin ineite kha kin fâk zoiin chu phîngchâmin la thi ta ro ung,” a tia.

1 RÊNGHAI 17:12 ပူးပေါင်းရင်းမြစ်များ

IRPHUTNA 21:15

Khanchu tui bêla tui chu om ta maka, nâite chu chînribuk hnuaia a sia raka.

IRPHUTNA 21:16

Khan “Nâipang thi hrang kha en ngam ma ung,” a tia. A chi sikin hla rak loi, thal kâp tung thei hrang tena ang khan a mân tiang a va toi ngota; inring takin a chap tâka.

2 SAMUELA 15:21

Khannisianlân, Itaia khan rêng kuang khan, “Rengpa hringna le rêng, ka pu hringna irhming sâmin ki ti, thi le thi, dam le dam, ni fena hmun tina ki ife sa hrang a ni,” a tia.

1 RÊNGHAI 17:1

Gilead rama Tisbe mi Elija’n Ahaba kuang khan, “Rengpa Israelhai Pathian a sin ki itho pe ngai irhmingin nangni kin hril, kum hni kum thum sûng chu keima ircham ni loiin irnêng chunga hin irdo le rua ite tho viat no ni,” a tia.

1 RÊNGHAI 17:11

Pe hrangin a hei fein chu, “Lungkham takin bai chînte ni hong chôi pe sa ro,” a ti nôka.

1 RÊNGHAI 17:13

Elija’n, “Ni charindong no ro, inhongin lân, nin fâk hrang chu va siam roh. Khannisianlân, bai a chînte a ni khomin ni siam pe bakin lân, ni hong pe ro, a dang chu ni nâipa leh la fa ta roi,” a tia.

JEREMIA 14:18

Dâi pên tiang ki fe lakin, irdoina hmuna thi miruak tamtak ki hmua; Kho sûnga ki lûtin, phîngchâma thi mipui ki hmuhaia. Deipuhai le ochaihai chu an inhriat loina ram an pan tâka,” tiin.

JEREMIA 4:2

ki’rhming chonginkungna nin inei hrang kha, thil dik ni a ti. Khaang khan a ni’n chu nam tinrênghaiin satvur hrangin ni ngên an ta, ni chôiirsâng an ti,” a tia.

JEREMIA 5:2

Rengpa chubai mûkin irbê ngai khom unglân, Nin iti kai kha a nia, nin itum tatak chu ni mah.

CHAP HLA 4:9

Fâk hrang hmu zoi loi, irzuk ngôi ngôiin phîngchâma thi nêkin chu, khandaia that hoi ual a ti.

MATHAIA 26:7

Jisua bu a nêk laiin, nupang inkhat alabastar bûrin sahriak mirimhoi man tamtak hong chôiin, a luah a buak pea.

1 SAMUELA 14:39

Israelhai saninzôk ngaitu Rengpa hringna hmangin khomâk ki’rsâm, thil sual thotu chu a ithi ngêt hrang a ni, ki nâi Jonathana khom ni sianlân,” a tia. Khannisianlân tûte’n ite hril viat mahaia.

1 SAMUELA 14:45

Khannisian mipuihaiin Saula kuang khan, “Israelhai laia hin saninzôkna roiinpui tak thosuaktu Jonathana chu a ithi hrang ma ni? Ni thei no ni. Rengpa irhming sâmin kin ihril a ni, a sam irmal khat khom irnênga hin chil viat no ni; a vuan hin Pathianin a ichangpui a ni,” an tia. Khaang khan mipuihaiin Jonathana chu thi loiin an inzôk a ni.

1 SAMUELA 20:21

kha hnung chu ki hnungzuihai laia, fe’n lân, thalhai kha va zong ro, tiin tîr ki ta. A ni zuitu kuang khan, ‘En ro, thalhai kha ni sîr tiang khan a oma, lan lân, hong ro,’ ki ti’n chu Rengpa hringna sâmin ki iti a ni, ni ta hrangin lungthia omin chi hrang ite a iom loi ni a ti.

1 SAMUELA 20:3

Khannisian Davida khan, “Ni pa khan lung ni ni inkham dân hi an hriat infel vinga, khasikin Jonathana khan hi thu hi chu inhre ual no ri se. khano’nchu, a lungrîl a na pe hrai itinin, a iti khom a ni thei. Khasikin Rengpa irhming chôiin ni kuang chong kin kung a ni, thina le kin kâr chu kalkhat vai a ni,” a tia.

1 SAMUELA 25:26

Khasikin atûn hin ka pu, Rengpa hringna le ni hring irhmingin ki iti a ni, Rengpa’n thisen insua loi hrang le ni kuta phuba la loi hrangin nang a siama, atûn hin ni râlhai le ni chunga thil saloi tho tum murdihai chu Nabala angin kuttum tuang ri sehai.

1 SAMUELA 26:10

Davida ngêt khan, “Rengpa hringna sâmin ki iti a ni, Rengpa khan Saula chunga kut tha a ti, thi pangaia thi nî mani, a ni no le irdoina fe a ta, thi a ti, ti kin hriat.