1 RÊNGHAI 16:31 - PATHIAN LEKHABU IRTHIANG C.L. Bible (BSI)

³¹ Nebata nâipa Jeroboama angin sual mai a nuam sikin, Sidon rêng Ethbaala nâinu Jezebeli chu dôngma’n a neia, Baal pathianhai a biakpui tâka.

1 RÊNGHAI 16:31 ပူးပေါင်းရင်းမြစ်များ

2 RÊNGHAI 17:16

Rengpa an Pathian thupêk murdi chu an hnôla, dâr thîrin sehrâtte irlim inhni an irkula, chubai an mûka. pathiannu Aseri irlim an siama, ârsi chubai an mûka, Baal sin an thoa.

2 RÊNGHAI 10:18

Jehua’n Samari mihai a koi bukhaia, an kuang, “Reng Ahaba khan intôm takin Baal tah hrangin sin a thoa, Jehua rêkin chu a sân uar ok a ti.

ROIRÊLTUHAI 18:7

Khanchu, mi pasal ringahai chu an fea, Lais khua an va tunga. Sidon mihai ang takin kha khuaa mihai chu hoi takin an om ti an hmua. Mi nunirnêm om mai mai, tûte’n inbuaihai loi, itinrênga irfakhop an ni. Sidon khua ata chu hlatak a nia, mi dang tu leh khom irkopna rêng rêng nei mahai.

ROIRÊLTUHAI 2:11

Khanchu, Israelhaiin Rengpa nuamloi lam thilsual an thoa. Baalhai kha an biak zêl tâka.

THUPHUANG 2:20

Khannisianlân, nang demna ki nei a ni, nupang Jezebeli deipu irtinu kha nir ngai thei sikin. Ama khan ki suakhai kha irdit le millim biakna thil fâk irchutirin a hruai irhmang ngai.

EZEKIELA 34:18

Khan nin laia senkhathai chu durba satakhai nin fâk khomin, nin milung chuk hliak maka, nin ifâk loihai ten khom kha nin chîl insiatpai ngai, tui irthianghai nin in ngaia, nin iin loi ten khom kha nin innimtir ngai.

EZEKIELA 16:47

Khannisian, an omdânhai chu zui mak chea, an porinchenahaia khan ni milung chu chuk maka, aniachu zoro sôtloite sûngin ni omdân tinrênga anni nêkin ni siat uala.

EZEKIELA 16:20

Khakhêla khom, ni nâinu ni nâipa, ni inei pehai chu an kuanga irbôl hranga hmang zit hrangin ni pêka; ni hurna hi thil irnêp a ini ma ni?

EZEKIELA 8:17

Ama’n ki kuang, “O mihriam nâipa, hi hi ni hmu mo? thil porinche an tho tâk hi? Juda in sûngkua ta hrangin thil intirom mo ni ma? ram chu thilsual porinchena’n a sipa, ki ninginmurtir hrangin an itho nôk a ni, en ro, an hnâra sûlhna an siaa.

ISAIA 7:13

Isaia’n, “Davida irchihaio, irngai roi, mi danghai insôltir a ruk la ti loiin, kin Pathian a le tianga nin insôltir nuam ma ni?

1 RÊNGHAI 18:19

Khasikin, Israel mi murdi ni hmupui hrangin Karmel tânga koihai ro; Baal deipu irzaminli sômringa le Asera deipu irzaminli Jezebeli infâhai kha hong hruaihai ro,” a tia.

1 RÊNGHAI 18:4

Jezebeli’n Rengpa deipu a that lai khan, Obadia hin deipu irzakhat a hruaia, pâl hnia zêkin sômringa ngain rôla a thuphaia, bu le tui a pêkhaia.

ROIRÊLTUHAI 10:12

Zidon mihai, Amelek mihai le Maon mihaiin deng nangni an intheitira, nin ni koia, nangni ki saninzôk a ni kha.

ROIRÊLTUHAI 10:6

Israel mihaiin Rengpa nuam loi lam thilsual an tho nôka; Baalhai, Asterothi-hai, Amona pathianhai, Zidon mi pathianhai, Moab mi pathianhai, Amor mi pathianhai, Filistia mi pathianhai an biak saa.

ROIRÊLTUHAI 3:7

Khanchu, Israelhaiin Rengpa nuam loi lam thilsual an thoa, an Pathian Rengpa chu an mâksana, Baalhai le Aseri-hai chu an biak tâka.

NAMBAR 16:9

Israelhai Pathianin ama nin nâia, Rengpa Biakbuka sintho, mipuihai makunga ngîra an sin nin tho pehai theina hrangin Israel mipuihai ata a binga nangni a lei isia hi a dik mo nin isôn?

IRPHUTNA 30:15

Khan a kuang khan, “Ki pasal ni ni irchupui lua hi a tôm mo ni insit? ki nâipa Zolaidi khom hi mo nir chupui ni la itum?” a tia. Khan Rakili khan, “khano’nchu, ni nâipa Zolaidi irthûl hin a vuan zân nang zâlpui nôk a ti,” a tia.

IRPHUTNA 6:2

Pathian nâihai khan, mihriam nâihai kha an hmêl a sa ti’n an hmuhaia, khanchu an indit murdihai chu dôngma’n an luahaia.

DÂN INHNINA 7:1

Rengpa nin Pathianin nin lua hrang rama khan nangni hruai inlût a ta, khataka om nam sari, nangni nêka tam ual le hrât ual, Hit mi, Girgas mi, Amor mi, Kanaan mi, Periz mi Hiv mi le Jebus mihai kha nin matona inhnotsuak a ti.

1 RÊNGHAI 18:18

Elija’n, “Israelhai inbuai ngai ma ung, nangma le ni pa kêng an buaihai ngai nin ni. Rengpa thupêk zôm loiin, Baal kêng nin ibiak.

2 RÊNGHAI 3:2

Rengpa mithmua thilsual a thoa, a nu Jezebeli le a pa ang dôra sual chu ni maka. A pa millim, Baal biakna hmun a isiahai chu an siatpai pea.

2 RÊNGHAI 21:3

A pa Hezekia insiat, nam dang pathian biakna hmun irsânghai chu a siam insata, Baal ta hrangin maichâm a siama, Israel rêng Ahaba ang khan Aseri irlim a phuna, irvâna ârsihai khom a biak ngaia.

2 THURCHI SUINA 21:13

Israel rênghai omdân angin ni om tâk sikin, Ahaba’n Israel mihai pathian danghai kuang a uirepui ang khan nang khomin Judai rama mi le Jerusalema mihai chu ni uirepuia. Nangma nêka sa, ni sanghai lak ni thatpaihaia.

ROIRÊLTUHAI 1:31

Asera mihaiin Ako khuaa omhai, Sidon khuaa omhai, Ahlab khuaa omhai, Akzib khuaa omhai, Helba khuaa omhai, Afek khuaa omhai, Rehob khuaa omhai chu inhnotsuak mahai.

2 THURCHI SUINA 17:4

A pahai Pathian sin a zonga, Pathian thupêkhai a zôma, Israel rênghai angin om maka.

HOSEA 2:15

Khan, kha tena khan chu, a grep irhuanhai kha a kuang pe ki ti, Akor irhôr khom sabeina mikot hrangin: khataka khan a thoibop lai nikhuahai le Aigupta ram ata a zuang suak nikhua ang khan, sâm a ti.