1 RÊNGHAI 16:24 - PATHIAN LEKHABU IRTHIANG C.L. Bible (BSI)

²⁴ Semera kuang ata Samari tânga sumru sângruk leh a’rchôka, kha hmuna khan khopui an dinga, kul a siama, kha tâng neitu irhming Semera chôiin a khua irhming khom Samari a tia.

1 RÊNGHAI 16:24 ပူးပေါင်းရင်းမြစ်များ

1 RÊNGHAI 13:32

Rengpa thupêk Bethel maichâm thu le Samari irbôlna hmun thurchi a lei insîrhai chu a hong itung indik ngêt hrang a ni,” a tia.

2 RÊNGHAI 17:24

Assuria rêngin Babulon hai, Kuth hai, Iva hai, Hamath le Sefarvaim khuaa omhai chu a hruaia; Israel suaka hruaia omhai irthûlin Samaria rama an omtira; kha khuahai kha an luaa an iom a ni ta.

2 RÊNGHAI 17:6

Hosea kum kuak an lal kumin, Samari khua chu Assuria rêngin a lâk tâka; Israelhai chu suakin a hmanghai ta. Assuria rama a hruaihaia, senkhat chu Hela khuaa an omtirhaia, senkhat chu Gozan bial Habor tui kôla le Media ram khuaa an omtirhaia.

2 RÊNGHAI 17:1

Ahaza chu Judahai rêng kum sômhleihni a ni kumin, Ela nâipa Hosea chu Israel rêng a nia, Samari khuaa kum kuak an lala.

1 RÊNGHAI 22:37

Reng Ahaba chu a thi tâka, a ruak chu Samari khuaa an fepuia, an phûm ta.

1 RÊNGHAI 20:1

Suria rêng Benhadada’n a sipaihai a bukkhôma, rêng sômthum inhnihaiin an sakor le tâlihai inhmangtirin tâ an sâna. Samari khua panin an idoihai phut a ni.

1 RÊNGHAI 18:2

Elija chu Ahaba kuang a va fea, Samari rama a sate’n châm a tâka,

1 RÊNGHAI 16:32

Samari khuaa Baal pathian maichâm an dinga, Baal biakna hrang in a sina,

2 RÊNGHAI 10:1

Samari khuaa khan Ahaba nâipasal sômsari an oma. Samari khuaa a pahai leh hruaitu Ahaba nâi enkoltuhai kuanga Jehua’n lekha a thona hiang hin a’rziak.

2 RÊNGHAI 15:13

Uzia chu Juda rêng, kum sômthum kuak a ni kumin Jabesa nâipa Saluma chu Israel rêng a nia. Samari khuaa tha khat an lala.

JEREMIA 41:5

mi sômriat Sekem, Silo le Samaria irthokin an honga. An hnerkamulhai an voi vinga, an puanhai inpotthêrin an taksahai an ât inphopa. Tempila inhlan hrangin bai le mirimhoi an hong chôia.

AMOSA 6:1

Zion tânga hoi ta hraia omhai le Samari tânga raifân taka omhai le nam lian tak mi roiinpuihai, an kuanga Israela sûngkuahai an fenahai chung kha a zîng e!

MIKA 1:5

Hihai murdi hi Jakoba-hai tho’nsualna sika le Israel in sûng mihai sualna sika a ni. Jakoba-hai tho’nsualna kha imo a ini? Samari a ini loi ma ni? Juda hmun irsânghai kha i ma ni? Jerusalem a ini loi ma ni?