1 RÊNGHAI 14:23 - PATHIAN LEKHABU IRTHIANG C.L. Bible (BSI)

²³ Millim pathian biakna hmun tamtak an siama, tâng sîphai le thing hnuai haia, lung saloi le pathiannu Aseri irlimhai an phuna.

1 RÊNGHAI 14:23 ပူးပေါင်းရင်းမြစ်များ

DÂN INHNINA 12:2

Nin va iluapai pehai hrang namhai an pathian an ibiak, hmun tâng irsângtak taka mihai, muala mihai, thing buk tinrêng buk irhlîma omhai kha, nin insiatpai zit hrang a ni.

ISAIA 57:5

Sesua thing hnuaia Pathian irhmingin nin inhoia, thing dâihlîm hnuai nin pana, nin nâitesuihai irbôlna’n nin thathaia, tui kôla rôl panghai laia nin inhlanhaia.

MIKA 5:14

Nangma ata mi Asera-hai kha inpot suak ki ta: ni khopuihai kha insiat ki ti.

JEREMIA 17:2

Nin mihaiin maichâmhaia le tâng sîphaia thinghring kung tin hnuaia pathiannu Aseri millim chubai an mûka,

JEREMIA 3:13

Ni itho insual a nih ti le Rengpa ni Pathian chunga ni tehel a nih ti inlang roh. Thingkung hringhai hnuaia nam dang pathianhai lung ni la thung maia, ki thupêk ni izôm loi dânhai irphuang suak ta ro, Keima Rengpa’n ki iti a ni.

JEREMIA 2:20

Rengpa Pathianin a ti, “Tiana khan Israel, ki thuneina ni hnôla, ki thu zôma chubai ni mûk hrang khom nuam mak chea; Tâng irsâng chunga hai, thingkung dâihlîm hnuaia chîmu insatir ngai pathian ni chongpuia.

2 THURCHI SUINA 28:4

Tânga nam dang pathian biakna hmun irsânghai, thing dâihlim satak hnuaia hai, Ahaza chu ar bôl ngaia, mirimhoihai a hâl ngaia.

1 RÊNGHAI 14:15

Rengpa’n Israelhai chu soisakhai a ta, tuipui kôla phâiruang kung angin inhnîng sup sup an ti. Israel mihaiin pathiannu Aseri irlimhai an siama, Rengpa ning an inmurtir pe sikin, an puhai ata ram satak a ipêkhai ata chu inhnotsuakhai a ta, Eufrates tui râla semindarh ving an ti.

1 RÊNGHAI 3:2

Mihai chu hmun irsânghaia an irbôl ngaia, Rengpa tempil sin a la ni no sikin.

DÂN INHNINA 16:22

Rengpa nin Pathian ikhôkmâk lam lung khom nin phun hrang ni ma.

LEVI DÂN 26:1

“Ite ni ual loi, millim sinhai, lung millimhai, chubai mûk hrangin nin isiam hrang ni ma, kei hi Rengpa nin Pathian ki ni.

FESUAKNA 34:13

An maichâmhai setpai unglân, an lungphunhai insiat unglân, pathiannu Aseri irsinsianahai insiat zit roi.

1 RÊNGHAI 15:12

Millim pathian biakna hmuna nupang le pasal irzuar mihai chu an hnotsuakhaia, a puhaiin millim pathian an isiam murdi an siatpai pehaia.

1 RÊNGHAI 20:23

Khan Suria rêng kuanga a hnung zuihaiin, “Israel Pathian chu tâng ram Pathian a nia, khasika ei inhnê loi a ni, phâizôla doi inlân chu inhnêhai ei ti,” an tia.

2 RÊNGHAI 10:26

Kha hmun khan Baal illim thinga an isin, phun indet kha an lâka, an hâlpaia.

2 RÊNGHAI 17:16

Rengpa an Pathian thupêk murdi chu an hnôla, dâr thîrin sehrâtte irlim inhni an irkula, chubai an mûka. pathiannu Aseri irlim an siama, ârsi chubai an mûka, Baal sin an thoa.

2 RÊNGHAI 17:19

Judahai khomin an Pathian Rengpa thupêkhai zôm ual loiin, Israelhai tho dân angin an oma.

EZEKIELA 6:13

Khan, tâng irsânghai, tâng sîp murdia hai le thing hring tin hnuaia le seso thing buk tin hnuaia an millimhai kuanga mirimhoi an inhlanna hmuna, an maichâm vêla an millimhai bula an mithi ruakhai a om tika chu kei hi Rengpa ki nih ti inhriat an ti.

HOSEA 10:1

Israel chu grep hrui hong indôn satak, ra nuam tak ang a nia; a ra a itam ang dênin a maichâmhai an pungtira; a ram satzia ang dênin lung incher (millim) phun satak tak a siama.

1 RÊNGHAI 3:3

Solomona chu Rengpa lung a thunga, a pa Davida irchutirnahai zômin; khannisian, hmun irsânga thil inhlanin mirimhoihai hâlin a oma.

1 RÊNGHAI 12:31

Jeroboama’n chu, tâng sîphaia Pathian biakna hmun a siama, Levi irchi khom ni loi, a inunuam ochai hrangin an thanghai tâka.

2 RÊNGHAI 16:4

Tâng tianghaia, thing inhripom tak takhai omna rikipa thilinhlanin, rimhoihai a hâla.

2 THURCHI SUINA 24:18

Mipuihaiin an irchibulhai Pathian Rengpa chu tempila biak nuam ta mahaia, millim hai, pathiannu Aseri irlimhai an biak tâka. An sualna sikin Judai rama mihai le Jerusalema mihai chunga Rengpa ning an mur pea.

EZEKIELA 6:3

Israel rama tânghai, Rengpa pathian thu hi irngai roi. Rengpa pathianin tânghai le mualhai kuanga le irhôrhai le phâi irhôrhai kuang hiang hin a ti. Irngai roi, kei, keima ngei hin nin chunga khandai zuang inlek ki ta, millim biak irbôlna hmunhai chu insiat zit ki ti.

EZEKIELA 6:6

Nin omna hmun murdia khan khopuihai chu insiat ni a ta, millim irbôlna hmunhai chu ramchit a ta; nin maichâmhai insiat le inram a ni theina hrang le nin millimhai inkhoia, a boi theina’n le nin pathian illimhai chu irkitpaia a om theia, nin sinthohai chu a hek theina hrangin.