1 RÊNGHAI 13:9 - PATHIAN LEKHABU IRTHIANG C.L. Bible (BSI)

⁹ Rengpa khan ite fâka in loi hrang le ki hongna khom kîr loi hrangin a ni ti a ni,” a tia.

1 RÊNGHAI 13:9 ပူးပေါင်းရင်းမြစ်များ

1 RÊNGHAI 13:1

Jeroboama chu maichâm bula thilinhlan hranga a ngîr laiin, Rengpa itîr deipu, Judai ram ata Bethel hmuna a hong tunga.

1 RÊNGHAI 13:10

Khanchu Bethel panna a hongna lampui tiang fe loiin a dang tiang a fe ta.

1 RÊNGHAI 13:16

Judai rama deipu khan, “Nangma leh hmunkhata fe zât ni ma unga, ni kôla bu anh fâk zât khom ni ma ung.

1 RÊNGHAI 13:19

Judai rama deipu khan deipu tarpa chu a zuia, a kuang bu a nêkpui ta.

1 RÊNGHAI 13:8

Deipu khan rêng kuang, “Ni sum a chimrip ni ni pêk hrang khomin, ni ina chu hong no ning, ite fâk nêk khom fa no ning.

JOBA 23:12

A chongbâi suak thupêk chu masan loiin, a thu suakhai chu bu nêkin ki’rngai poimoa.

INPÂKNA HLAHAI 141:4

Pualoina thilhai thil tho’nsual mihai thopui hranga khan, Ki lungrîl hi thil saloi tiang rêng rêng inpêttir no’n lân; An fâk tui takhai kha nin fatir no roh.

NAMBAR 16:26

Khanchu mipuihai kuang, “Hi mi sualhai puan in rengata hi suak unglân, a bingin om roi, an thil neihai khom hi tôn no roi, khano’nchu an sualnahai sikin nangni khom irhmang sa nin ti,” tiin a hrila.

JOHANA 13:17

Kha kha nin inhriata, nin zômin chu lôm nin ti.

JOHANA 15:14

Thu nangni ki ipêk hi nin zômin chu ki rualhai nih nin ti.

ROM KHUAA MIHAI KUANGA TÎRTÔN PAULA LEKHATHON 16:17

Urênghaio, irchutirna thu nin idongna lama nin laia irsenna le tûkna insuaktuhai ata irdîn unglân, anni kha irheisan hrangin nangni ki nuam a ni.

1 KORINTH 5:11

Ki iti tak chu tukhom urêng irhming irputa irdit song mani, huatirham mani, millim biak mani, irngo song mani, zû’nrui mani, inru mani pôl no roi ti hi a ni. Khaanga mi leh khan chu fâk nêk khom hmunkhatin zong no roi.

EFESI 5:11

Khan, inthim hnuaia omhai sintho inlâp loia khan kop viat no roi, a dikloizia inlangtir ual ngai roi.

THUPHUANG 18:4

Khanchu, irvâna irthokin hnukirhai dangin, “Hong suak roi, ki mihai! Kha nu kuang ata kha hong suak roi! A sualnahaia nin ikop viat hrang ni mah! A hremnahai hi nin tuang sa loina hrangin.

1 SAMUELA 15:22

Samuela’n, “Rengpa khan thuzôm a inuam ang khan hâlirvôm thilinhlanhai le irbôlnahai hi a ilôm ngai ma ni? Irngai ro, irbôlna nêkin thuzôm hi a sa uala, kêlbelrachal satak nêkin, a thuzôm hi a sa ual a ni.