1 RÊNGHAI 11:7 - PATHIAN LEKHABU IRTHIANG C.L. Bible (BSI)

⁷ Jerusalem nisua tianga Moab mihai pathian intirom tak Khemosa biakna hmun a siama, Amon mihai pathian intirom tak Milkoma biakna khom a siam saa.

1 RÊNGHAI 11:7 ပူးပေါင်းရင်းမြစ်များ

IRPHUTNA 33:2

Khan a siahlonuhai kha a maton tiang a siahaia; Leaii le a nâihaiin an zuia; Rakili le Josefa chu an hnungtaka an oma.

2 SAMUELA 15:30

Davida chu chap pumin oliv tâng kha a luia, a beidong inlangtirna hrangin a lu a’rkhûa, ke leh ngot a fea. A kôla mihai khan an lu an khum chita, chap pumin an lui sa tâka.

1 RÊNGHAI 11:5

Sidon mihai pathiannu Asterothi le Amon mihai pathian intirom tak Milkoma chu a izui a ni ta.

1 RÊNGHAI 11:6

Solomona’n Rengpa mithmuin thil saloi a thoa, a pa Davida ang khan iamom loiin a oma.

1 RÊNGHAI 11:8

Nam dang mi a inei, a dôngmahai pathian kuang mirimhoi hâlna le irbôlna hmunhai a siam pehaia.

1 RÊNGHAI 15:12

Millim pathian biakna hmuna nupang le pasal irzuar mihai chu an hnotsuakhaia, a puhaiin millim pathian an isiam murdi an siatpai pehaia.

2 RÊNGHAI 23:10

Molekhai, an nâipasalhai an that thei ta loi hranga Hinom irhôra Tofet kha a soisak ngheka.

2 THURCHI SUINA 21:11

Judai ram tâng rama pathian dang biakna hmun irsâng a sinhai hluka. Judai ram le Jerusalem mihai chu Rengpa ata tehel zonga, thilsual tho hrangin a kaihruaihaia.

INPÂKNA HLAHAI 78:58

An hmun irsânghaiin ama kha an ninginmurtira, An millim siamhaiin an inhnarsatira.

ISAIA 44:19

Senkhat chu thingtuain ki hmanga, bu ki phoinaa, sa ki roa, ki fâka, senkhat chu millim ki siamnaa, thingtum bong kôla kûnin chubai ki imûk a ni hi, ti inhriat zel om mahaia, a hmu thei khom om mahai.

JEREMIA 32:31

Hi khopuia mihai hin, an ding nî a ta ki ning an inmurtir a ni. Hi khopui hi insiat chit hrangin ki rêl tâka,

JEREMIA 32:35

Hinom phâia an nâipasalhai le nâinupanghai Moleka pathian kuang irbôlnaa inhlan hrangin Baal maichâmhai an siama, hianga tho hrangin thu khom pehai ma unga, khaanga thil tho an ta, Juda mipuihai sualin siam an tih ti khom ki irngaitua loi a ni,” a tia.

JEREMIA 48:13

Kha tena chu Moab mihaiin an pathian Khemosa chu iamzoi ta no nihai, an irnghatna pathian chu, Israelhaiin Bethel chunga an irnghat zoi loi ang khan.

JEREMIA 48:46

Moab mihai chu lunginkhamhai roi! Khemosa chubai mûkhai ngai chu mi intânga hruaiin an om ta.

EZEKIELA 18:12

inriang le mi irsamna neihai deng an theihaia, a huanghaia, mi’n neinun bândaa an isia khom pe kîr loiin, millim biakin, thil porinchehai a thoa,

DANIELA 11:31

Sipaihai khan doipui an ta, hmun irthianghai porinchetir an ta; a kulhai khom khan hâlirvôm thilinhlan omhai chu pai an ta, irsîna intirom chu inding nôk an ti.

DANIELA 12:11

“Khan hâlirvôm thilinhlan omhai lâkpai a nia, chitna intirom inding nôk a nia irthokin, sûn sângkhat irzahni le sômkuak nih a ti.

LEVI DÂN 26:30

Nin millim pathian biakna hmun irsânghai kha insiatpai ki ta, nin mirimhoi hâlna maichâmhai kha insiat ki ta, nin ruakhai chu nin millim biakhai chunga pai ki ta, ki hringna khan nangni khôkmâk a ti.

MIKA 1:5

Hihai murdi hi Jakoba-hai tho’nsualna sika le Israel in sûng mihai sualna sika a ni. Jakoba-hai tho’nsualna kha imo a ini? Samari a ini loi ma ni? Juda hmun irsânghai kha i ma ni? Jerusalem a ini loi ma ni?

ZAKARIA 14:4

Kha tena chu ama chu oliv tânga ngîr a ti, Jerusalem nisua tiang khan. Khanchu oliv tâng chu a laitaka nisua tiang ata nitâk tiang irhôr lian tak changin irsenphat a ta, a chimrip kha hmâr tiang irson a ta, a chimrip dang kha sim tiang irson a ti.

NAMBAR 21:29

Moab mipuihai, nin chung a sân a rik, nangni Kemos chubai mûktuhai siat zoi hrang nin ni ta, nin pathianin pasalhai chu laizâm tho hrangin le nupanghai chu Amor rêng suaka om hrangin a pêka.

NAMBAR 33:52

Kanaan ram nin lût tika chu kha rama om murdihai chu inhnotsuakhai ving an ti, lung leh thîra millim an isiamhai le an irbôlnahai insiatpai pehai hrang a ni.

MATHAIA 26:30

Kha zoiin chu hla inkhat an saka, an sak zoiin chu Oliv tâng tiang an fe ta.

TÎRTÔNHAI SINTHO 1:12

Khanchu, tîrtônhai kha oliv tânga irthokin Jerusalema an kîr nôk tâka, kha tâng kha Jerusalem ata kilometar khat vêl a ni.

TÎRTÔNHAI SINTHO 1:9

Khan, kha thu kha an sîr zoiin chu an en chian laiin irvâna hruai a nia, sûmin an ihmu phâk loia a lâk irhmang tâka.

TÎRTÔNHAI SINTHO 7:43

Moleka puan in le nin pathian Refana ârsi millimhai kha chubai nin mûka, khasikin Babulon khêl tiang nangni intângtir ki ti,’ ti irziak ang khan.

DÂN INHNINA 13:14

sui nin ta, ngûk takin irdon vêl nin ta, nin laia khaang thil porinche kha a tho an om ngêt ti nin inhriatin chu,

DÂN INHNINA 27:15

‘Kut theithiam suak Rengpa ikhôkmâk lung, thing, thîr inrûka biak mani chu khosâl tongin om ri se,’ ti an ti. Mipui murdi’n, ‘Amen’ tiin hong sâm an ti.

ROIRÊLTUHAI 11:24

Ni pathian Khemosa’n ram nang a ipêk kha neiin lân, kin Pathian Rengpa ni ipêk tâk ram chu keini’n nei kin ti.