1 RÊNGHAI 11:11 - PATHIAN LEKHABU IRTHIANG C.L. Bible (BSI)

¹¹ Rengpa chu Solomona chunga a sate’n a ning an mura, a kuang, “Nangma leh ei thuthung chu êsêl takin nin siata, ki thupêkhai zôm ta mak chea, khasikin ram chu nang sutpai nôk ki ta, ni mihai laia mi inkhat kuang pe ni ta a tih ti nang ki hril.

1 RÊNGHAI 11:11 ပူးပေါင်းရင်းမြစ်များ

1 RÊNGHAI 11:12

Khannisianlân, ni pa Davida zârin ni dam sûng chu ni no nia, ni nâipa roirêl sûngin kha thil kha chu inlangtir ki ti.

1 RÊNGHAI 11:26

Solomona doitu mi dang inkhat chu a hnungzui laia mi Jeroboama, Nahata nâipa, Efraima ram Israel khua mi, a nu chu Zeruii, meithâi a ni.

1 RÊNGHAI 11:29

Sûn khat chu Jerusalem ata Jeroboama chu a honga, Silo khua ata hong deipu Ahija le ram hnuaia an irtoka.

1 RÊNGHAI 11:31

Jeroboama kuang, “Thêr sôm hi nangin la ro; Rengpa Israelhai Pathianin hiang hin a ti. Irngai ro, Solomona ram hi sutpai ki ta, nam sômhai hi, nangma nang pe ki ti.

1 RÊNGHAI 12:20

Israel mihaiin, Jeroboama chu Aigupta ram ata a hong ti an inhriatin chu, an irbukkhômna ngaia an koia ama chu Israelhai rêng hrangin an siam ta. Juda namhai vai kêng Davida tianga om an ni ta.

2 RÊNGHAI 17:15

A thupêkhai kha zôm nuam loiin an oma, an pahai le thuthung chu an mâksana, an irchutirna inkhat khom zôm nuam loiin an oma. Chanlamboi thu, millimhai biakin an oma, Rengpa’n an omdân la no roi” a ti an kôla nam danghai omdân an lâka.

2 RÊNGHAI 17:21

Rengpa’n Israelhai kha Judahai leh a’rsentirhai zoiin, Nebata nâipa Jeroboama chu rêngin an siama, Rengpa mâksan hrangin Israelhai chu a hrilhaia, sual saloi tak a inthotirhai a ni kha.

INPÂKNA HLAHAI 78:10

Pathian thuthung chu zôm mahaia, A dâna om nuam sa mahaia,

NAMBAR 14:23

an irchibulhai kuang khomâkirsâma ram ki inkung kha hmu thei no nihai.

NAMBAR 14:35

Kei Rengpa hin mi pualoi, keima ni doia irbukkhômhai chunga hin hihai hi tho ngêt ki ti. Hi ramchâra hin thi an ti, Rengpa’n a ti’ ti roi,” a tia.