1 RÊNGHAI 10:25 - PATHIAN LEKHABU IRTHIANG C.L. Bible (BSI)

²⁵ A kuanga hong murdihaiin sumru le rângachaka siam, puan mani, râl doina neinun, mosola, sakor, le sakor puak pêl theihai an hong ipêk ngai a ni. Hiang hin a kum tin an ipêk ngai a ni.

1 RÊNGHAI 10:25 ပူးပေါင်းရင်းမြစ်များ

IRPHUTNA 36:24

Zibeona nâihai chu; Aia le Ana hai hi an ni: hi Ana hi a ni, a pa Zibeona sakuartunghai a enkol laia ramchârna hmuna tuilum khur hmupu kha a ni.

2 SAMUELA 8:10

Khanchu Hadadezera kha a doia, an hne sikin chubai mûk hrang le lômpui hrangin Toia khan a nâipa Jorama kha Davida kuang a tîra. Hadadezera khan Toia hi a lei idoi ngai a ni. Khante, Jorama khan sumru le rângachak hai, dâra siam thil a hong chôi pea.

2 SAMUELA 8:2

Kha zoiin Moab mihai a doi inhne nôka, a hringa a ichelhai kha irnênga an zâltirhaia, inthum laia inhni a thathaia. Khanchu Moab mihai kha a thuhnuaia an om tâka, khâzana an hong ichôi ngai a ni ta.

1 RÊNGHAI 1:33

Reng kôla khan an honga, rêng khan an kuang, “Mi lianhai hruai unglân, ki nâipa Solomona kha ki sakuartung chunga inchuangtir unglân, Gihon-a hruai sa roi.

1 RÊNGHAI 10:10

Thilpêk hranga a ichôi chu a pêka, rângachak her sângminli vêl, mosola tamtak, le lung mantam tamtak tak a pêk sa a ni. Mosola thil mirimhoi itiklai khom kha dôra tam a la iman ngai loi,

1 RÊNGHAI 18:5

Ahaba’n Obadia kuang khan, “Tho vadung murdi chaiin tui la va zong rei ba, sakor le saringseihai hi ei saninhringhai theina hrangin hloisûl sana va zong ei ti; khano’nchu, ei sialhai hi ei inchânhai zoi hrang kêng,” a tia.

1 RÊNGHAI 5:1

Tura rêng Hirama’n Solomona chu a pa Davida thûl hranga sahriak pol a ni tah ti thu an hriatin chu palai a tîra, a pa Davida leh rual an le’rchang sikin.

2 RÊNGHAI 17:4

Kum khat chu Hosea’n Aigupta rêng Soa kuang palai a tîra, a changpui hrangin a ngêna, a kum tin khâzana chôia Assuria kuanga a ipêk ngai kha pe nuam ta maka. Salmanesera’n kha thu kha an hriatin, Hosea a chela, zêl ina a khum tâka.

2 THURCHI SUINA 26:8

Amon-hai khomin, Uzia kuang, khâzana an chôia; roiinpuiin Aigupta ram dênin ar hming an thang tâka.

2 THURCHI SUINA 9:24

sumru le rângachaka thilsiamhai, puanhai, râltukfam hai, mosola hai, sakor hai, sakor puakpêl zâthai an hong pêk zut zuta, a kum tin hiang hin an tho ngaia.

EZRA 2:66

An sakor chu 736 a nia; an sakuartung chu 245 a nia;

ESTHERI 8:10

Reng Ahasuera irhmingin lekha chu Mordekaia’n a’rziaka, rêng kutsabiin irsinsiana an nama. Sakor intân hrât zât, rêngin thupêk thon darna hranga a ivâi chunga chuanghai kuta an pêka, an intânpui tâka.

ESTHERI 8:14

Reng thupêkin sakor chunga chuang mihai chu rêng sakor hrât chunga an chuanga, an intân zut zuta. Kha thupêk kha Susa khopuia khom an inpuanga.

JOBA 42:11

A urênghai le a farnuhai, le matona a hmêlhriat murdihai chu a kuang an honga a ina bu an nêkpuia. Rengpa’n a chunga thil saloi an tungtir sikin an milung hoiloina thu an hrila, irtharngam an saka. Mihaiin tangkarua le rângachak kutsabi an pêk chita.

INPÂKNA HLAHAI 68:29

Jerusalema ni biak in sikin rênghaiin lômmanhai nang la hong chôi pe an ti.

INPÂKNA HLAHAI 72:10

Tarsis ram le chômbung rênghaiin lômman hong inhlanhai sianlân, Arab rêng le Seba rênghai khomin thilpêkhai hong chôi ri sehai.

INPÂKNA HLAHAI 72:15

Khan, hring an ta; Seba ram rângachak chu ama pêk ni a ta; Mihaiin ama chu chongchai pe mai an ta; Sûn sôtin satvur an ti.

ISAIA 36:16

Hezekia thu hi irngai no roi. Assuria rêngin hiang hin a ti:

ISAIA 66:20

Rengpa hranga thil inhlan hrang an hong ichôi ang hin nam tinhai laia urênghai chu hong hruaihai an ti. Sakor chunghaia chuang an ta, tâli chunga toi an ta, a’rzônna fonga toi an ta, sakuartung le saringsei chunga chuangin. Israelhaiin khêng irthianga thil inhlan hrang an hong ichôi ang hin, ki tâng irthiang Jerusalema hong an ti, Rengpa’n a ti.

EZEKIELA 27:14

Sakor puak pêl ngaihai le irdoina sakorhai le sakuartung puihai chu Beth-Togarma rengata ni neinunhai zuarin ni lâk ngai.

MATHAIA 2:11

In sûng an va lûtin chu a nu Mari kôla nâite kha an hmua, khûksadelin chubai an mûka; an irchon kokhai an inhonga, thilpêk rângachak, bero, mura hai an pêka.

ROIRÊLTUHAI 3:15

Khannisianlân, Israelhaiin Rengpa chu an koia, santu hrang a pêka. Kha mi kha Benjamina irchi, Gera nâipa, Ehuda, vei tianga hmang mi a ni. Israel mihaiin Moab rêng Eglona pêk hrangin thilpêk an inchôitira.

1 SAMUELA 10:27

Khannisianlân, Beliala nâi senkhathaiin chu “Hi pa hin itin mo a ni isansuak thei hrang?” an tia. Khanchu an hmusita, lômman ite pe nuam mahaia, khannisian ama chu ite ti loiin a dâihreka.