1 RÊNGHAI 1:48 - PATHIAN LEKHABU IRTHIANG C.L. Bible (BSI)

⁴⁸ Reng khom khan a zâlhmun rengata lômpuina chubai a mûka, ‘Rengpa Israelhai Pathian, a vuana ki rêngtoihmun ki’rthûla nir hmutirtu chu inpâkin om ri se,’ tiin lômthu a ihril a ni,” a tia.

1 RÊNGHAI 1:48 ပူးပေါင်းရင်းမြစ်များ

IRPHUTNA 14:20

ni râlhai ni kuta nang pêktu, Pathian inchungtak chu inpâkin om ri se,” a tia. Khan Abrama’n ama kha itinrênga sôma inkhat a pêka.

2 SAMUELA 24:3

Khannisian Joaba khan rêng kuang, “O rêngpa, Rengpa ni Pathian khan Israel mipuihai kha atûna nêkin a lêt irzain punghai sianlân, kha kha rêngpa ka pu hin hmu ri se. Khannisian o Rengpa i lo hrang mo thil hi an hriat ni inuam kher hi?,” a tia.

2 SAMUELA 7:12

Ni zoro a heka ni puhai kuang ni zâl tika khan, nir chi, ni rîla ra nâipasal inkhat rêng inchangtir ki ta, a ram kha indet ni a ti.

1 RÊNGHAI 1:49

Kha tena chu Adonija le a mi fialhai khan an chia, an intânsan zoi ta.

1 RÊNGHAI 2:4

Rengpa khan, nir chihai khom irdîn takin om an ta, lungrîl le thu takin ki thupêkhai an zômin chu Israel rêngtoihmun hi lua thei mai an ti, tia a lei inkung kha a tak chang a ti.

1 RÊNGHAI 3:6

Solomona’n, “Ni siahlo Davida, ka pa chu nangma hrangin iamom takin a oma, dik tak le lungrîl fel le irthiang takin a om sikin, ni’rngaiinnata, a chunga ni khonzâna irsâng tak pêkin atûn hin rêngtoihmuna toi hrangin a nâipa ni pêka.

1 RÊNGHAI 8:20

“Rengpa’n a chonginkung chu an hriat maia, ka pa Davida irthûlin ki hong inlala, atûn hin Israelhai rêng ki ni tâka, Rengpa’n a lei inkung tâk angin, Israelhai Pathian chubai mûkna hrangin tempil chu ki hong isin thei a ni ta.

1 THURCHI SUINA 17:17

Kha ten khom khan a ruk ti loiin ki’rchia mihai khom siam insahai mai hrang nin kunga, a ni, o Rengpa Pathian, mi roiinpui tak angin ni ni’rvôtira.

1 THURCHI SUINA 29:10

Khasikin, Davida’n Israel irbukhai laia Rengpa an pâka, “O Rengpa kin pu Israelhai Pathian, kumtuanga inpâk inruk ni ni.

1 THURCHI SUINA 29:20

Davida’n mipuihai chu, “Nin Pathian Rengpa hi inpâk roi,” a tia. Irbukkhômhaiin an irchi Pathian Rengpa an inpâka, an kûna, Rengpa chôiindômin, rêng khom an chôiindôm sa.

NEHEMIA 9:5

Khasikin Pathian biak hranga koihai chu; Levi mi, Jesua le Kadmiela hai, Bania hai, Hasabneia hai, Serebia hai, Hodia hai, Sebania hai, le Pethahia haiin, “Ngîr unglân, Rengpa nin Pathian chu kumtuanga hrangin inpâk roi. Chôiindômna le inpâkna murdiin a iphâk loi irhming roiinpui chu inpâkin om ri se,” an tia.

INPÂKNA HLAHAI 145:2

A nitin nang inpâk ki ta, Ni’rhming hi kumkhontuangin inpâk ki ti.

INPÂKNA HLAHAI 34:1

Itiklai khomin Rengpa chu inpâk ki ta: Ama inpâkna chu ki bâia suak mai a ti.

INPÂKNA HLAHAI 41:13

Rengpa, Israel Pathian chu kumtuang ata kumtuang dênin inpâkin om ri se. Amen, Amen.

THUVÂRHAI 17:6

Nâipanghai roiinpuina chu pahai hi an nia, putarhai rênglukhum chu an tu le tehai an ni.

DANIELA 4:34

Khan zoro hek tiang chu kei Nebukadnezara hin irvân tiang ki tanga, ki hor hriat suaka, anchungtakpu sat ki vura, a hring mai chu kin pâka, kin zaa. A roirêlna khom kumtuanga roirêl a nia: a ram khom rammuala irlo tamtaka om a ni sikin.

EFESI 1:3

Ei Rengpa Jisua Krista Pa Pathian chu inpâk ei ti. Ama khan Krista zâra irvân hmunhaia khin irtha tiang satvurna tinrêngin sat a ni vura.

1 PETERA toc2 1 PETERA 1:3

Ei Rengpa Jisua Krista Pathian le Pa chu inpâkin om ri se. Jisua Krista kha mithi lai ata kaithoiin sabeina hring nei hrangin a za’rngaina roiinpui tak khan a nin hring nôk tâka.

1 SAMUELA 25:32

Davida khan Abigaili kuang khan, “A vuana ni lei don hranga nang a tîrtu Rengpa Israelhai Pathian chu inpâkin om ri se.