1 RÊNGHAI 1:39 - PATHIAN LEKHABU IRTHIANG C.L. Bible (BSI)

³⁹ Ochai Zadoka’n hmun irthianga sahriak siana ûm a lâka, Solomona chu a pola. Bekul an tuma, mi murdi’n, “Reng Solomona dam sôt ri se,” an tia.

1 RÊNGHAI 1:39 ပူးပေါင်းရင်းမြစ်များ

1 RÊNGHAI 1:25

A vuan hin ar siamin sehrâtchal tamtak le belra mar saihai thatin, rêng nâihai le sipai ulianhai le ochai Abiathara hai a koi bûmhaia, atûn son an fâkin an inêk a ni so, rêng Adonija dam sôt ri se tiin an ikhêk a ni.

1 RÊNGHAI 1:34

Ama khan ochai Zadoka le deipu Nathana haiin Israelhai rêng hrangin sahriak pol ri sehai. Bekul tum unglân, ‘Reng Solomona chu dam sôt ri se,’ tiin khêk roi.

1 RÊNGHAI 1:40

Mipui murdi’n ama chu an zuia, theihlehai tumin a sate’n raiinfân takin an oma, an irhâi chu hnuai intor diaiin an om a ni.

1 RÊNGHAI 2:15

Ama khan, “Ram hi ki ta a lei ni bak tâka, Israelhai murdi’n an rêng enin an ni en ti khom nin hriata; khannisian thil a hong danglam tâka, ram chu ki urêngpa dongtum a hong ni tâka, Rengpa lei irfûktir chu a ni.

2 RÊNGHAI 11:12

Jehoiada’n Joasa chu a hruai suaka, rêng lukhum chu an khumtira, rêng om hrang dân hrang irziakna bu chu a pêka; Joasa chu sahriak a pola, rêng a chang tâka. Mipuihaiin an kut an inbên dur dura, “Reng chu dam sôt ri se,” an tia.

2 RÊNGHAI 11:14

Reng thar chu rênghai ngîrna hmun hranga inkungna tempil lûtna bang bula khan a lei ngîra. Sipai hruaitu le bekul tum theihaiin an le’rhuala, mipuihai chu raifân takin an len nui dur dura. Bekul an tuma. Athali chardongin, a puan an potthêra, “An ni ihuang kêng a ni hi te,” a tia.

2 RÊNGHAI 9:1

Kha zoroa khan deipu Elisa’n deipu ruatharte nâipang tak hi a koia, “Irsiamin lân, hi sahriak bûr hi chôiin lân, Ramot Gileada va fe roh.

2 RÊNGHAI 9:13

Sipai hruaitu danghaiin an puan an kheka, Jehua omna hrangin an dâpa, bekul an tuma, “Jehua hi rêng a ni ta,” an tia.

1 THURCHI SUINA 29:22

Kha ni khan chu Rengpa kuang raifân takin an fâkin an ina. Solomona chu rêng a nih ti an inpuang nôka, Rengpa irhmingin roirêltua sahriak an pol nôka, Zadoka khom ochai ni hrangin sahriak an pol tâka.

2 THURCHI SUINA 23:11

Jehoiada’n Joasa kha a hruaisuaka, rêng tho hrang dân bu kha a pêka, rêngin an siam tâka, ochai Jehoiada le a rualhaiin Joasa chu sahriak an pola, “Reng hi dam sôt ri se,” tiin an khêka.

2 THURCHI SUINA 23:13

Reng thar chu rêng ngîrna hranga an indang, tempil sûng lûtna kôl bang kôla ngîr kha a hong hmua, sipai hruaituhai le bekul irputhaiin an irhuala. Mipuihai chu raifân takin an khêk dur dura, bekul an tuma, tempila zaipôlhaiin an thil tum irhâi leh hla an hruaia. Annihai kha a hong hmuin chu ningmurin a puan an pot thêra, “Nin ni ihuang a ni,” tiin a khêka.

INPÂKNA HLAHAI 89:20

Ki siahlo Davida chu ki hrûta: Ki sahriak irthiang khan ama chu ki pol tâka:

FESUAKNA 30:35

mirimhoi sinpu sin dân angin mirimhoi takin siamin lân, fâi tak le irthiang taka a om theina hrangin michi pol roh.

1 SAMUELA 10:24

Khanchu Samuela’n mipuihai kuang, “Rengpa’n mi a inkung hi nin hmu mo? eini lai ata ama ang hi tûte om mak me,” a tia. Khanchu mipui an khêka, “Reng hi hring insôt ri se,” an tia.

1 SAMUELA 16:13

Khanchu Samuela khan sahriak thunna sial irki kha a lâka, a urênghai mithmua khan Davida chu sahriak a’rthutira. Voikhat zelin Rengpa irtha kha Davida chunga a zuang chuma, kha nî rengata kha a ompui mai tâka. Khan Samuela chu Ramah khua tiang a kîr nôk tâka.