1 RÊNGHAI 1:29 - PATHIAN LEKHABU IRTHIANG C.L. Bible (BSI)

²⁹ Reng khan hiang hin a hrila, “Chardongna tinrêng ata nin zôk ngaitu Rengpa irhming sâmin ni kuanga ki inkung tâk chu thangsua ngêt ngêt ki ti.

1 RÊNGHAI 1:29 ပူးပေါင်းရင်းမြစ်များ

IRPHUTNA 48:16

siatna tinrênga nin zôktu vântirtônin nâipanghai hi satvur ri se, khan ki’rhming le kir chibul Abrahama le Isaka irhming pêlin om ri sehai, rammual pumpui hi lua sipa pungin om ri sehai,” a tia.

2 SAMUELA 12:5

Davida kha mi irchongpa chunga khan a ning an mur pe tâka; Nathana kuang khan, “Rengpa irhming sâmin ki iti a ni, kha thil thotu kha chu that inruk a ni.

2 SAMUELA 4:9

Davida khan Rekaba le Baana kha a sâmhaia, an kuang, “Rengpa ki lungzîngna murdi ata ni saninzôktu hringna irhmingin ki iti a ni.

1 RÊNGHAI 1:28

Reng Davida’n, “Batsebi kha hong koi roi,” a tia. Reng kôla khan a va lûta, a kôla a ngîra.

1 RÊNGHAI 17:1

Gilead rama Tisbe mi Elija’n Ahaba kuang khan, “Rengpa Israelhai Pathian a sin ki itho pe ngai irhmingin nangni kin hril, kum hni kum thum sûng chu keima ircham ni loiin irnêng chunga hin irdo le rua ite tho viat no ni,” a tia.

1 RÊNGHAI 18:10

Rengpa ni Pathian hring sâmin nang ki hril, ka pu’n ramhai hi mi murdi’n an zong lai tak a ni. Hi hin om mah titu chu rêng in hmu ngai mahai a nih ti felna hrangin khomâk a irsâmtirhai ngai a ni.

1 RÊNGHAI 2:24

Atûn hin Rengpa’n a chonginkung anga ka pa rêngtoihmuna nin toitirtu le nin dettu, kin sûngkua inlalna nin dingtu hringna zârin ki hril, a vuana Adonija hi chu thatpai hrang a ni,” a tia.

2 RÊNGHAI 4:30

Nâipangte nu khan, “Rengpa mithi le mihring irhming sâmin ki hril, ni hong no’n chu kei khom fe viat no ning,” a tia. Khanchu, a thoia nupangnu chu a zuia.

2 RÊNGHAI 5:16

Ama khan, “Matona ki omna ngai mihringhai Rengpa irhming sâmin la thei no ning,” a tia. La ngêt hrangin a ngêna, khannisianlân, nuam pe thei viat maka.

2 RÊNGHAI 5:20

Hlataka a fe mân zel khan, Pathian mi Elisa hnungzui Gehazia’n, “Ka pu hin Naamana chu ite la loiin an fetira, kha Suria mipa’n pêk a itum kha la sianlân a isa hrang, Rengpa irhming sâmin la va’rzûl hi rong, i zât mo khôk la va sut ngêt hrang,” a tia.

INPÂKNA HLAHAI 136:24

Ama khan ni doituhai ata a ni saninzôka; A lungkham lianna chu kumkhua’n om a ti.

INPÂKNA HLAHAI 138:7

Lungzîng laia om khom inlân, Nangma’n ki hringna ni hrunga. Ki râl ningmurhai doi hrangin ni bân ni phara, Ni kut chang tiang ni saninzôk ni ti.

INPÂKNA HLAHAI 72:14

An hringna chu nêpsiana le nunrôngna ata irtan a ta, An thisen chu ama irngaia chu hlutak a ini hrang a ni.

ROIRÊLTUHAI 8:19

Gideonan, “Ka uhai, ka nu tak nâihai ngêt an ni. Rengpa irhming sâmin ki hril hi, thathai no unglân nangni khom nangni that no ning,” a tia.

1 SAMUELA 14:39

Israelhai saninzôk ngaitu Rengpa hringna hmangin khomâk ki’rsâm, thil sual thotu chu a ithi ngêt hrang a ni, ki nâi Jonathana khom ni sianlân,” a tia. Khannisianlân tûte’n ite hril viat mahaia.

1 SAMUELA 14:45

Khannisian mipuihaiin Saula kuang khan, “Israelhai laia hin saninzôkna roiinpui tak thosuaktu Jonathana chu a ithi hrang ma ni? Ni thei no ni. Rengpa irhming sâmin kin ihril a ni, a sam irmal khat khom irnênga hin chil viat no ni; a vuan hin Pathianin a ichangpui a ni,” an tia. Khaang khan mipuihaiin Jonathana chu thi loiin an inzôk a ni.

1 SAMUELA 19:6

Khaang khan Saula khan Jonathana thu insîr kha a poma, Saula khan chong ar khâma, “Rengpa irhmingin ki insîr a ni, Davida chu that hrang ni viat ma,” a tia.

1 SAMUELA 20:21

kha hnung chu ki hnungzuihai laia, fe’n lân, thalhai kha va zong ro, tiin tîr ki ta. A ni zuitu kuang khan, ‘En ro, thalhai kha ni sîr tiang khan a oma, lan lân, hong ro,’ ki ti’n chu Rengpa hringna sâmin ki iti a ni, ni ta hrangin lungthia omin chi hrang ite a iom loi ni a ti.