1 PETERA toc2 1 PETERA 5:12 - PATHIAN LEKHABU IRTHIANG C.L. Bible (BSI)

¹² Urêngpa, mi iamom a nih ti nang kin hriat, Silvana kuta hin hi lekha bongte hi nangni ki hong thon a ni, hi hi Pathian lungkhamna kha a nih ti inhriattir hrang le, kha khan ngîr indet khak hranga nangni kin thorna a ni.

1 PETERA toc2 1 PETERA 5:12 ပူးပေါင်းရင်းမြစ်များ

JOHANA 21:21

Ama kha Petera’n a hmu’n chu Jisua kuang, “Rengpa, hi pa hin imo a itho hrang?” a tia.

TÎRTÔNHAI SINTHO 11:23

A zu tungin chu Pathian lungkhamna sintho chu a hmua, a sân a lôma; Iamom taka Rengpa chel khak ta hrangin an rêngin an thorhaia.

TÎRTÔNHAI SINTHO 15:22

Khanchu tîrtônhai, upahai le koiindang pumpuiin, an laia mi inthanga, Paula le Barnaba pâla Antiokei-a infetir an inchuka. An ulian ual inhni Juda, Barsaba an iti le Sila an inthanga.

TÎRTÔNHAI SINTHO 20:24

Pathian lungkhamna Thurchi Sa insîr hrang sintum Rengpa Jisua Krista’n a ni ipêk zoina hrangin chu ki hringna khom hi ite’n bê ma ung.

ROM KHUAA MIHAI KUANGA TÎRTÔN PAULA LEKHATHON 5:2

Ama sika ngêt khan atûn hin ei iomna lungkhamna hnuaia hin, iamna’n ei lût tâka, Pathian roiinpuina sabeina sikin ei ilôm sa a ni.

1 KORINTH 15:1

Urênghaio, nin kuanga Thurchi Sa nangni ki lei inhril kha atûna hin nangni inhriattir nôk ki nuam; kha Thurchi Sa kha nin lei poma, kha chunga khan nin iamna a inding indet hrang a ni.

2 KORINTH 1:19

Pathian Nâipa, Jisua Krista, a thu Sila, Timothea le keima’n kin insîr kha, “A ni,” le “Ni mak,” a ni no sikin, Ama kha Pathian “A ni” ti a ni.

2 KORINTH 1:24

Nin iam ngêt hrang thu nangni insîr pe tum ma ung, iamnaa khan nin ngîr indet ti kin hriat sikin. Kha nêkin, nin raifânna hrangin nangni leh sin kin tho ual a ni.

EFESI 3:3

Ki insîr viat tâk ang khan, Krista thu’rthup kha inlârnaa inhriattir ki ni.

EFESI 6:21

Rengpaa urêng inditom tak le sinthotu iamom tak Tukika hin ki thurchi nin inhriat theina hrangin itinrêng nangni hril a ti.

KOLOSA 1:7

Kin ta hranga Krista sinthotu iamom Epafra; kin suak chanpui inditom tak, Thurchi Sa hriltu khan,

KOLOSA 4:7

Rengpaa ki chanpui sinthotu iamom tak, kin urêng inditom tak Tukika hin ki thurchi murdi nangni hril a ti.

KOLOSA 4:9

Ama pâla hin nangni mi, urêng inditom tak Onesima, iamtu det tak hi ki hong tîr sa a ni. Hi thurchi hi nangni hril zit a ti.

1 THESALONIKA 1:1

Paula, Silvana le Timothea khan, Pa Pathian le Rengpa Jisua Kristaa Thesalonika koiindanghai laia: Lungkhamna le irngeina nin chunga om ri se.

2 THESALONIKA toc2 2 THESALONIKA 1:1

Paula, Silvana le Timothea khan Thesalonika khuaa Pathian ei Pa le ei Rengpa Jisua Krista koiindanghai chubai ki mûk.

HEBRAI toc2 HEBRAI 13:22

Urênghai, nin kuanga ki lekha thon hi a sei ok no sikin hi inthorna chong bêhai hi ngûk taka irngai hrangin nangni ki ngên.

1 PETERA toc2 1 PETERA 1:13

Khasikin lungrîl irsiam diamin irtûng chian unglân, Jisua Krista a zuang inlang tika lungkhamna nangni a zuang chôi pe hrang kha tûng ngit roi.

1 PETERA toc2 1 PETERA 4:10

Pathian lungkhamna thilpêk tamtak enkoltu sahai angin Irtha tiang thilpêk nin idong murdi kha sin nin tho irhlômna hrangin hmang roi.

2 PETERA toc2 2 PETERA 1:12

Khasikin thutak nin inhriata khan det takin om ta khom unglân, hi thu hi nangni inhriat nontir mai ki inuam a ni.

2 PETERA toc2 2 PETERA 2:15

Lampui dik an pêtsana, an irhmang ta. Beora nâipa Balaama lampui an zui ta. Ama khan chu thilsual tho an lâp takin ar hriata.

3 JOHANA 1:12

Demetria hi mi tinin an inpâka, thutak inpâk khom a ihlo a ni; keini khomin kin inpâka, kin inpâkna chu a dik a nih ti nin hriat.

JUDA 1:3

Inditom takhaio, saninhringna ei idong chungchâng hi nin kuang irziak ki nuam tak tak ngaia; Pathianin a mi irthianghai laia iamna thu voikhat nang an kol indettir tâk hi thop ngit hranga nangni inthor hrangin nin kuang lekha irziak a nang ti kin hriata.