1 PETERA toc2 1 PETERA 5:10 - PATHIAN LEKHABU IRTHIANG C.L. Bible (BSI)

¹⁰ Sôtnote nin tuang zoiin, Kristaa a kumtuang roiinpuina chang hranga nangni koitu, lunginkhamna sip Pathian khan nangni zuang inngîrtir a ta, siaminsa irkipin, inhrâtin nangni indet a ti.

1 PETERA toc2 1 PETERA 5:10 ပူးပေါင်းရင်းမြစ်များ

INPÂKNA HLAHAI 119:28

Ki hringna hi beidongin a sip tâka; Ni thu ang takin nin hrâttir ro.

INPÂKNA HLAHAI 138:7

Lungzîng laia om khom inlân, Nangma’n ki hringna ni hrunga. Ki râl ningmurhai doi hrangin ni bân ni phara, Ni kut chang tiang ni saninzôk ni ti.

INPÂKNA HLAHAI 86:15

Khannisianlân, O Rengpa, nang chu Pathian, inrennaa sip, lung nin kham theitak, milung ir-ial, lungkhamna le thutaka sip ni ni.

INPÂKNA HLAHAI 86:5

Rengpa, nang chu ni saa, ngaidam ni nuama, Nang a koitu murdi chunga lungkhamna ni sip ngai a ni.

ZAKARIA 10:12

Ki mihai chu hrât takin siamhai ki ta, ni biak an ta, Kei chu ni zôm an ti,” tiin Rengpa’n a hrila.

ZAKARIA 10:6

Juda mihai chu inhrâttirhai ki ta, Israel mihai chu saninzôkhai ki ti. An chunga lungkhamna nei ki ta, an rama hong hruai kîrhai nôk ving ki ti. Anni chu ki lei ihnôl tâkhai angin om no nihaia, Kei Rengpa an Pathian hin an chongchainahai chu zuang sâm ki ti.

LUKA 22:32

Khannisianlân, ni iamna a boi nona hrangin nang ki chongchai pe. Khan, ni hong irhei nôk tika chu ni urênghai indet ro,” a tia.

ROM KHUAA MIHAI KUANGA TÎRTÔN PAULA LEKHATHON 15:13

Irtha Irthiang sinthotheina zâra sabeinaa nin sip theina hrangin sabeina hnâr Pathiana khan nin iam sikin lômna le irtharngamna tinrêngin nangni vur ri se.

ROM KHUAA MIHAI KUANGA TÎRTÔN PAULA LEKHATHON 15:5

Dorôina le irtharngamna Pathian kha Krista Jisua nuamlam angin lungrîl inkhat nang innei sianlân,

ROM KHUAA MIHAI KUANGA TÎRTÔN PAULA LEKHATHON 16:25

Pathian chu chôiindôm ei ti; Ama’n chu Jisua Krista thu, Thurchi Sa ei ihril le tiana thurîl irthup lei inpuang tâk ang khan nin iamnaa det takin nangni an dettir thei a ni.

ROM KHUAA MIHAI KUANGA TÎRTÔN PAULA LEKHATHON 9:11

nâite suak mân a sia mo a sa mo an ti thei mân khan Pathianin a nuamlam angin inkhat kha a inthang a nih ti an lang:

ROM KHUAA MIHAI KUANGA TÎRTÔN PAULA LEKHATHON 9:24

Judahai lai ata vai ni loiin Jentailhai lai ata a ikoi suakhai hi, khaang bêlhai kha ei ni.

1 KORINTH 1:10

Urênghaio, ei Rengpa Jisua Krista irhmingin nangni ki ngên, nin laia irsenna om loiin thukhatin om unglân, lungrîl hmunkhat le ngaidân hmunkhat le tumna hmunkhata, fel taka irzom ngotin om roi.

1 KORINTH 1:9

Pathian, a Nâipa Jisua Krista, ei Rengpa leh irpôlna nei hranga nangni koitu kha iiam a iom a ni:

2 KORINTH 13:11

Atûn chu, ki urênghai, lôm takin om roi. Sat irkipna hrangin irnak song unglân; ki ngênna irngai unglân; lung inrualin om unglân, irtha irngam takin om roi. Khanchu, lungthungna le irngeina Pathian kha nin kuang om a ti.

2 KORINTH 4:17

Sôtnote sûnga kin intakna tuang nêp taka hin kumtuang roiinpuina, tetûk inruk loi dôra irkhêl, a ni siam pe a ni.

FILIPI 4:13

A nin hrâttu sikin i khom tong hrangin hrâtna ki nei tâk a ni.

KOLOSA 2:7

Amaa khan irzung kaiin irzom unglân, irchuin nin om ang khan iamnaa khan ngîr indet unglân, lômthu insîr uar roi.

1 THESALONIKA 2:12

A ram le a roiinpuina chang sa hranga nangni koitu Pathian mi irphuaa om hranga ngênin, inthorin, nangni kin inhriatir ngai a ni.

2 THESALONIKA toc2 2 THESALONIKA 2:14

Kha hranga khan ei Rengpa Jisua Krista roiinpuina changna hrangin ei Thurchi Sa hril hmangin nangni a ikoi a ni.

2 THESALONIKA toc2 2 THESALONIKA 2:17

nin lungrîl irtharngamtir sianlân, thil sa tinrêng nin itho le nin insîra khan nangni inhrât mai ri se.

2 THESALONIKA toc2 2 THESALONIKA 3:3

Rengpa chu iam a oma, ama khan nangni an hrâtin mi sualhaia irthokin nangni inzôk a ti.

1 TIMOTHEA toc2 1 TIMOTHEA 6:12

Iamna hlu hi songin thei dôr insua roh; kumtuang hringna chu chel khakin lân, kha kha chang hranga koi ni ni, inhretu tamtak makunga iamna ni ipom thu ni inpuang kha.

2 TIMOTHEA toc2 2 TIMOTHEA 1:9

Ei sintho sika ni loiin ama tum dân a ni ual sikin lungkhamna’n a ni saninhringa, irthiang taka hring hrangin a ni ikoi a ni. Krista Jisuaa khan irnêng irsiang mân daiha a lungkhamna kha a ni pêk tâka.

2 TIMOTHEA toc2 2 TIMOTHEA 2:10

Krista Jisuaa om, saninhringna kha, kumtuang roiinpuina le an dong theina hrangin irtanhai sikin, hihai murdi hi ki ituang a ni.

HEBRAI toc2 HEBRAI 9:15

Hi sika hin Krista hi thuthung thar irfûktirtu a ni, Pathianin a ikoihai khan kumtuang satvurna a inkung kha an hmu theina hrangin. Kha a ni theina chu thuthung masa a la om sûnga mihriamhai inchâina irthoka kêlsuaka, thina a lei om tâk sikin a ni.

1 PETERA toc2 1 PETERA 1:15

Nangni a koitu a irthiang angin nangni khom nin om lam murdia lei irthiang roi.

1 PETERA toc2 1 PETERA 4:10

Pathian lungkhamna thilpêk tamtak enkoltu sahai angin Irtha tiang thilpêk nin idong murdi kha sin nin tho irhlômna hrangin hmang roi.

1 PETERA toc2 1 PETERA 4:11

Tukhomin thu an sîrin chu Pathian thu ngêt insîr ri se, sinthotu khomin Pathianin irzukna a ipêk angin sin ri se; khanchu Jisua Krista sikin Pathian chu itinrênga inpâka a om theina hrangin, roiinpuina le sinthotheina chu kumtuangin ama ta a ni. Amen.

2 PETERA toc2 2 PETERA 1:3

A roiinpuina le a satna dong hranga ni koipu ei inhriatna sika, sakhua diktak hringnuna ei om theina hrangin, thil ei innang murdi Pathian sinthotheina lianin a ni pêk ta.

1 JOHANA 2:25

Hi hi a ni a thu’nkung, Krista ngêtin ei kuang a inkung kumtuang hringna hi.

JUDA 1:24

Tûkloi hranga nang enkol thei chu, a roiinpuina makunga sêlna boi le raiinfân tak taka nangni inngîrtir theipu,