1 PETERA toc2 1 PETERA 4:11 - PATHIAN LEKHABU IRTHIANG C.L. Bible (BSI)

¹¹ Tukhomin thu an sîrin chu Pathian thu ngêt insîr ri se, sinthotu khomin Pathianin irzukna a ipêk angin sin ri se; khanchu Jisua Krista sikin Pathian chu itinrênga inpâka a om theina hrangin, roiinpuina le sinthotheina chu kumtuangin ama ta a ni. Amen.

1 PETERA toc2 1 PETERA 4:11 ပူးပေါင်းရင်းမြစ်များ

INPÂKNA HLAHAI 145:13

Ni ram chu kumtuang ram hrang a ni ta, Ni’rchamneina chu irlo tin tin dênin om mai a ti.

ISAIA 8:20

Irchutirna thu nangni ki ihrilhai kha irngaitua sabak roi, anni thuhril chu omzia nei mah.

JEREMIA 23:22

Ki ngaituana irthuphai an inhriat ni sianlân chu, ki mihai kuang ki chongbe inpuang suak an ta, an sual hringnunhai le an sual sinthohai an imâksan thei hrang a ni.

DANIELA 4:3

A thil inentirnahai chu a roiinpuiin, a thil irkhêl tho khom a irkhêl ok a ni. A ram chu ramhlu a nia, a roirêlna chu irlo tin tina rêl a ti.

DANIELA 4:34

Khan zoro hek tiang chu kei Nebukadnezara hin irvân tiang ki tanga, ki hor hriat suaka, anchungtakpu sat ki vura, a hring mai chu kin pâka, kin zaa. A roirêlna khom kumtuanga roirêl a nia: a ram khom rammuala irlo tamtaka om a ni sikin.

DANIELA 7:14

Roirêlna hai, roiinpuina hai, le ram hai a kuang pêk a nia, mi tin, nam tin le chong tinhaiin a sin an thôna hrangin; a roirêlna chu roirêlna det hek nî nei loia, a ram khom irhmang loi hrang a nia.

MATHAIA 6:13

Thêmnaa ni hruai inlût no’n lân, mi sualhai ata ni saninhring roh,’ tiin.

JOHANA 13:31

Khan, Juda kha a suak zoiin chu Jisua’n, “Atûn chu Mihriam Nâipa chôiindômin a om ta, Amaa Pathian khom chôiindômin a om ta.

TÎRTÔNHAI SINTHO 7:38

Ama kha a ni ramchâra pungkhôm laia, Sinai tânga ama chongpuitu vântîrtôn laia khom oma, eini ni pe hranga Pathian thu hring latu kha a ni.

ROM KHUAA MIHAI KUANGA TÎRTÔN PAULA LEKHATHON 11:36

Thil murdi hi ama ata zuang om, ama sika le ama hranga om a ni. A kuang kumtuang roiinpuina kha om ri se. Amen.

ROM KHUAA MIHAI KUANGA TÎRTÔN PAULA LEKHATHON 12:3

Pathian ni ipêk lungkhamna sika hin nin laia tukhom irngaiinhlu hrai loi hrangin nangni ki ingên a ni. Pathianin mi tin kuang iamna a ipêk ang takin, mâni irphu tôk lungrîl irput roi.

ROM KHUAA MIHAI KUANGA TÎRTÔN PAULA LEKHATHON 16:27

Pathian omsun, vâr tak, Jisua Krista sikin kumtuangin roiinpuina om ri se. Amen.

ROM KHUAA MIHAI KUANGA TÎRTÔN PAULA LEKHATHON 3:2

Lam tinrênga a sân an lâp; An lâpna tak chu Pathian thuhai inkoltir an inina hi a ni.

1 KORINTH 10:31

Khaang khan, nin isin murdi, nin ifâk le nin i-in murdi Pathian roiinpuina hrangin tho roi.

1 KORINTH 12:4

Khan, thilpêk chi dang dang a oma, Irtha inkhata om a ni.

1 KORINTH 3:10

Pathianin thilpêk a ni ipêk hmangin in sintu thiam tak angin keima’n lungphûm ki phûma, mi dangin in an isin a ni. Khannisianlân, mi tinin an sin hrang lam chita irdîn ri sehai.

1 KORINTH 6:20

mana irchôk kêng nin ini tâk, khasikin nin takpum kha Pathian roiinpuina hrangin hmang roi.

2 KORINTH 2:17

Mi tamtak chu Pathian thu hi irvaina hmang an iom ang khan, keini chu hmang ma ung. Pathianin a ni tîrna sikin Krista zuituhai ang khan Pathian mit hmua dik takin kin ichong a ni.

2 KORINTH 9:13

Hi nin sintho’n fiana a intung sika khan mi tam takin Pathian kuang roiinpuina pe an ti. Krista Thurchi Sa nin inpuang ngaia iam nin om sik le anni ta hrang le mi tin ta hranga nin tikhoi sika khan.

EFESI 1:19

Keini a iamhai laia sintho mai sinthotheina lianzia hai kha nin inhriat theina hrangin ki ingên a ni. Hi sinthotheina, einia sintho mai hi irtha lian,

EFESI 4:29

Chong saloi rêng rêng hmang no roi, mi siaminsat thei vai, nin bâia suak ri se, khanchu a’rngaituhai hrangin lômom a ti.

EFESI 5:20

Ei Rengpa Jisua Krista irhmingin itiklai khomin itinrênga Pa, Pathian kuang lômthu hril roi.

EFESI 6:10

A mong taka chu Rengpa le a hrâtna ata kha sinthotheina la mai ngai roi.

FILIPI 1:11

Pathian roiinpuina’n le inpâkna’n Krista zâra felna ra khan nin lei isip hrang a ni.

FILIPI 2:11

Pa Pathian roiinpuina hrangin mi tinrêngin, Jisua Krista kha Rengpa a ni tiin lan puang an ti.

KOLOSA 4:6

Itiklai khomin satak le chonghoi taka chong uar unglân, khanchu mi tin, i anga sâm hrang mo nin inhriat hrang a ni.

1 THESALONIKA 2:4

Thurchi Sa inkoltir inruka Pathianin a ni inkung ang dênin, mihriam inlôm hrang ni loiin ei lungrîl fiatu Pathian inlôm hrangin thu kin ihril ngai a ni.

1 TIMOTHEA toc2 1 TIMOTHEA 1:17

Inlaltak kumtuanga om, thi theiloi, mita hmu theiloi, Pathian tak vai kuanga khan chôiirsângna le roiinpuina kumtuangin om ri se. Amen.

1 TIMOTHEA toc2 1 TIMOTHEA 6:16

Ama vai hi thi theiloi, nâisâiloi zât, vâra om, tûte la ihmu loi le hmu thei ni sa loi kha a ni, a kuanga chôiindômna le sinthotheina kumtuangin om ri se. Amen.

TITA toc2 TITA 2:1

Nangma’n chu irchutirna hrisêl ni irchutir mai hrang a ni.

TITA toc2 TITA 2:15

Hi thuhai hi ni ihril hrang a ni, inthorin lân, irchamnei takin ngohai ro. Tûte’n nang ngainêp no ri sehai.

HEBRAI toc2 HEBRAI 13:7

Pathian thu nangni lei insîr pe nin hruaitu masahai kha inhre mai roi. An lei hong om dân le an thi ziahai kha ngaitua unglân, an iam dân irchu roi.

HEBRAI toc2 HEBRAI 5:12

A zoro ngaitua’n chu irchutirtu ni thei ta zit le nin irhoia, khannisianlân, Pathian thu bul rêt A, B, CH ata irchutir nin nang nôk tâk a ni. Bu’nhrum ni loiin irhnutui lan nang kêng nin ini.

JAKOBA toc2 JAKOBA 1:19

Ki urêng inditom takhaio, hi hi inhre roi. Mi tinin ar ngai tiang uar sianlân, insîrna lam tiang irchu loiin, an milung inchuk ri sehai.

JAKOBA toc2 JAKOBA 1:26

Tukhom sakho mi tak nia irbea, a milei vêng inhnê ual loi chu mâni a irhuang a nia, a sakhua chu chanlamboi a ni.

1 PETERA toc2 1 PETERA 2:12

Jentailhai lai ata satakin lêng unglân, thil sual thoa nangni an bê khomin nin sintho sahai anni ngêtin hmu an ta, Pathianin nangni a zuang hro tika ama chôiindôm thei an ti.

1 PETERA toc2 1 PETERA 2:5

Khanchu nangni khom lung hring ang hong niin irtha tianga in hrang angin bukkhôm roi. Kha khan Jisua Krista zâra Pathian pom inruk, irtha tiang irbôlna inhlan hrang, ochai irthiang hong ni nin ti.

1 PETERA toc2 1 PETERA 4:10

Pathian lungkhamna thilpêk tamtak enkoltu sahai angin Irtha tiang thilpêk nin idong murdi kha sin nin tho irhlômna hrangin hmang roi.

1 PETERA toc2 1 PETERA 4:16

Kristian nin ni sika tuang nin ni’n chu nin inzak hrang ni mah, Krista irhming nin irput sikin Pathian chôiindôm ual roi.

1 PETERA toc2 1 PETERA 5:11

Ama kuang khan sinthotheina kumkhua’n om ri se. Amen.

JUDA 1:25

Pathian omsun, a ni saninhringtu kuang khan, ei Rengpa Jisua Krista zâra, roiinpuina hai, inlalna hai, sinthotheina hai, irchamneina hai zoro theng tâk murdihai ata atûn le kumtuang dênin om mai ri se. Amen.