1 PETERA toc2 1 PETERA 3:20 - PATHIAN LEKHABU IRTHIANG C.L. Bible (BSI)

²⁰ Khahai kha Nova irkuang tuk sûnga Pathianin tuangdiar taka a nghâk laia, zôm nuamloihai irtha kha an ni. Irkuanga khan, mi tômte, kiriat vai, tuia saninhring an ni.

1 PETERA toc2 1 PETERA 3:20 ပူးပေါင်းရင်းမြစ်များ

IRPHUTNA 6:13

Khanchu Pathianin Nova kuang khan, “Taksa murdi hek hrang nikhua chu ki kuang a om ta, annihai sikin irnêng chung hi hnarsana’n a sipa, khasikin irnêng chung hi ki insiatpai hrang tâk kêng, a tia.

IRPHUTNA 6:3

Khanchu Rengpa’n “Ki’rthain chu mihriamhai hi kumtuangin chu doihai no ning, anni khom taksa nei an ni sikin, khannisianlân kum irzakhat sômhni chu la dam an ti,” a tia.

IRPHUTNA 6:5

Khan Rengpa’n irnênga a mihriam siamhai sual dân chu a’rkhêl hrai a nih ti le, an lungrîl ngaituana murdi hi sual ringot a nih ti a’rhriat suaka.

IRPHUTNA 6:8

Nikhomsianlân, Nova kha chu Rengpa mit a tung maia.

IRPHUTNA 7:13

Hi laia hin Nova nâihai Sema, Hama le Jafeta, Nova dôngma irkuanga an lûta, an moinuhai inthum an lût saa.

IRPHUTNA 8:1

Khanchu Pathianin Nova le irkuanga thilhringhai ramsa le sahai, bokvâka irvâk murdihai kha irnghilhai maka, Pathianin irnêng chunga phâivua an zâptira, tui lianpa kha a’rkai thiai tâka,

IRPHUTNA 8:18

Khanchu Nova kha a dôngma le a nâihai le a moinuhai an rêngin an suaka,

ISAIA 30:18

Rengpa inrenna’n nangni a la nghâka, a khonzâna’n nangni a la hrung lai hin, Rengpa’n diktakin roirêl a ti. Ama nghâktuhai chu hoi pehai a ti.

MATHAIA 7:14

Hringna mikot chu a chîna, a lampui khom ar chêpa, a hmutuhai khom tômte an ni.

LUKA 12:32

Pôl tômtehaio, chi no roi, Ram nangni pêk hi nin pa nuamlam tak a ni.

TÎRTÔNHAI SINTHO 2:41

A thu zômhai murdi’n baptisma an changa; kha nî khan mi sângthum vêlin an thop sahai tâka.

ROM KHUAA MIHAI KUANGA TÎRTÔN PAULA LEKHATHON 9:22

Khaang khan Pathianin a tho ngai, a ninginmurna le a sinthotheina inlang nuam khomsian, a ninginmurna dongtu bêl irhmang zôi zâthai chu a tuang zâm zâma,

EFESI 5:26

Koiindang chu thu le tuia irsûkinfâia irthianginfai hrangin Krista chu ama a irpêka,

HEBRAI toc2 HEBRAI 11:7

Iamna’n Nova khan, sûn matona thil a la ihmu theiloi Pathianin a hril laia khan, Pathian thu zômin irkuang a sina, kha irkuanga khan ama le a in sûng mihai saninhringin an om. Khasika khan, rammual kha thiamno an changa, iamna sika felna Pathian kuanga om kha a idong a ni.

1 PETERA toc2 1 PETERA 1:22

Atûn chu thutak nin zôm sikin nin lungrîl nin irthiangtira, urênghai lungirthung ta takin lung nin irthung tâka, nin lungrîl takin lung irthungirhlôm roi.

1 PETERA toc2 1 PETERA 1:9

nin iamna ra, nin irtha saninhringna kha, nin hmu thiai sikin.

1 PETERA toc2 1 PETERA 2:25

Belra angin lamchan nin invâi tâka, atûn chu nin irtha Enkoltu le Hruaitu kuanga khan nin hong ikîr nôk tâk a ni.

1 PETERA toc2 1 PETERA 3:19

Ama khan intângna ina om, irthahai kuang thu a zu hrila.

1 PETERA toc2 1 PETERA 4:19

Khanchu Pathian lungdo anga tuanghai khan thil sa tho maiin an irtha kha Siamtu iamom tak kuang inkoltir ri sehai.

2 PETERA toc2 2 PETERA 2:5

Tianlai rammual khom hôi ma, rammual sual tak chunga tui an lêttira khom khan, Nova, felna thu’npuangtu le mi dang sari vai an izôk a ni.

2 PETERA toc2 2 PETERA 3:15

Rengpa tuangdiarna hi saninhring nin ni theina zoro inchuma bê unglân, Pathianin vârna nangni a ipêk angin ei urêngpa inditom tak Paula khomin hi thu hi a irziak ngai a ni.