1 PETERA toc2 1 PETERA 3:13 - PATHIAN LEKHABU IRTHIANG C.L. Bible (BSI)

¹³ Thil sa thôna tiang irnak nin songin chu tu mo nin chunga thil saloi tho hrang?

1 PETERA toc2 1 PETERA 3:13 ပူးပေါင်းရင်းမြစ်များ

INPÂKNA HLAHAI 38:20

Thil sa thil suala thuan ngaihai hi thil sa ki’rzûl sikin ni doituhai an nia.

THUVÂRHAI 12:21

Mi felhai chunga chu chanlamboi siatna chum ngai maka, mi siahai chu buaina vaiin sip an ti.

THUVÂRHAI 15:9

Rengpa khan mi siahai lampui chu a hnôla, felna lampui zuituhai rêk chu lung a thung ngai.

THUVÂRHAI 16:7

Mi, a omlamin Rengpa an lômtirin chu a râlhai khom rual sa’n a siam thei ngai.

JEREMIA 39:12

“Fe’n lân, Jeremia zong suakin satakin enkol roh. Ama chu dengintheitir no’n lân, a inuam murdi tho pe ro,” a tia.

ROM KHUAA MIHAI KUANGA TÎRTÔN PAULA LEKHATHON 13:3

Roirêltu chu thil sa thopu hrangin chu ichiom ma, thil sual thotu hrangin chu ichi a iom a ni. Roirêltu chi loia om mo ni nuam? Thil sa tho’n lân, inpâk hlo ni ti.

ROM KHUAA MIHAI KUANGA TÎRTÔN PAULA LEKHATHON 8:28

Pathian lungthungtu, ama inkung anga a ikoihai hrangin chu, an satna hrangin itinrêngin a tho pe ngai tih ei inhriat;

1 KORINTH 14:1

Khan, nin irzûl hrang tak chu lungthungna hi a ni. Irtha thilpêkhai irzuk roi, a bîkin, Pathian thu insîr theina thilpêk kha irzuk roi.

EFESI 5:1

Khanchu, Pathian nâi inditom takhai nin ni sikin, a om dân latuhai ni roi.

1 THESALONIKA 5:15

Tukhomin tu sual khom suala thuan loi hrangin irdîn unglân, itiklai khomin thil sa tho’rhlômin mi murdi chunga thil sa tho mai roi.

TITA toc2 TITA 2:14

Ama ngei chu ei ta hrangin a’rpêka, tho’nsualna tinrêng ata a nir tan suaka, ama mi hrangin a ni’rthiangtira, thil sa tho nuamna a ni ipêk a ni.

3 JOHANA 1:11

Urêng inditom tak, a saloi chu irchu no’n lân, a sa chu irchu ual roh. Thil sa thotu chu Pathiana suak a nia, sin saloi thotu chu Pathian la hmu ngai mah.