1 PETERA toc2 1 PETERA 3:11 - PATHIAN LEKHABU IRTHIANG C.L. Bible (BSI)

¹¹ Sual irheisanin thil sa tho ri se, Irngeina zongin lungrîl pêk takin irzûl mai ri se.

1 PETERA toc2 1 PETERA 3:11 ပူးပေါင်းရင်းမြစ်များ

JOBA 1:1

Uz rama mi inkhat a oma, a’rhming chu Joba a ni; hi mi hi sêlnaboi, Pathian chi mi, mi iamom, thil saloihai ata irdîn thei mi a ni.

JOBA 2:3

Rengpa’n Setan kuang khan, “Ki siahlo Joba hi ni ngaitua ngai mo?” a tia. Irnêng chunga hin ama anga sêlnaboi, mi dik, Pathian chi mi, thil saloi lai ata irdîn thei mi dang om mahai. A bi boia, ama insiat hrang ni nin thêm zoia khom hin, a la iamom mai a ni,” a tia.

JOBA 28:28

Mihriamhai laia, “Irngai ro, Rengpa chi hi vârna a ni, thil saloi mâksan hi inhriat theina chu a ni,” a tia.

INPÂKNA HLAHAI 125:4

O Rengpa, sataka omhai chunga khan satakin tho ro. An lungrîla dik taka omhai chunga khan.

INPÂKNA HLAHAI 34:14

Sual rotsanin lân, thil sa tho roh; Irngeina zongin lân, a’rzûlin irzûl roh.

INPÂKNA HLAHAI 37:27

Sual rotsanin lân, thil sa tho roh; Khanchu kumkhua’n om mai ni ti.

THUVÂRHAI 16:17

Mi sahai murdi’n sualna lampui hnung an songsan ngai; khasikin, a lampui fena vêng insa khan a hringna a inzôk a ni.

THUVÂRHAI 16:6

Dikna le iamomna nei chu Pathianin a ngaidam ngaia. Rengpa chitna’n mi’n sual a mâk ngai.

THUVÂRHAI 3:7

Nangma irngaiin ki vâr irti no’n lân, Rengpa thu vai zômin lân, sual hnung songsan ro.

MATHAIA 5:45

nin Pa irvâna mi nâihai nin ni theina hrangin; Ama’n chu mi sualhai le mi sahai chunga misa an suaktira, sin sa sinhai le sin saloi sinhai chunga khom rua an thotir ngai.

MATHAIA 5:9

“Irngeina siamtuhai chu an vân a sa e, Pathian nâihai ti an la ni hrang sikin.

MATHAIA 6:13

Thêmnaa ni hruai inlût no’n lân, mi sualhai ata ni saninhring roh,’ tiin.

MARKA 14:7

Inrianghai chu nin kuanga om mai an nia, nin nuam te tena nin san thei. Kei chu nin kuang om mai hrang ni ma ung.

LUKA 1:79

irvân ata vârin, inthim le thina dâihlim hnuaia omhai êl invâr a ta, Irtharngamna lama kal nin chôitir a ti,” a tia.

LUKA 6:35

Ni ma! Ni râlhai lungthungin lân, an satna hrang sin ro. Ite sabei loiin inpûktir roh. Khanchu, lômman tamtak hmu nin ta, Anchungtaka Pathian nâihai nin ini hrang a ni; Ama’n chu lômna châng inhre loihai le mi sualhai khom lung an kham zit ngai.

LUKA 6:9

Jisua’n an kuang, “Sabat nia insa mo a’rthiang, insiat mo, mi saninhring mo, a’rthiang thatpai mo? nangni ki’rdon,” a ti pehaia.

JOHANA 17:15

“Anni chu rammual ata la suak hrangin nang ngên ma ung, mi sual ata hrung hrangin nang ki ngên a ni.

ROM KHUAA MIHAI KUANGA TÎRTÔN PAULA LEKHATHON 12:18

Nangni chu mi murdi leh irngei tum roi.

ROM KHUAA MIHAI KUANGA TÎRTÔN PAULA LEKHATHON 14:17

Pathian Ram thu chu fâk le nêk lampang ni mah; Irtha Irthiang zâra thiam changna hai, irngeina hai lômna hai a ni ual.

ROM KHUAA MIHAI KUANGA TÎRTÔN PAULA LEKHATHON 14:19

Khanchu irngeina hrang le inlâptir irhlômna hrang thilhai kha ei irzûl ngêt hrang a ni.

ROM KHUAA MIHAI KUANGA TÎRTÔN PAULA LEKHATHON 5:1

Khasikin iamna sika thiam ei chang tâk sikin, ei Reng Jisua Krista zâra Pathian le irngeiin ei om ta.

ROM KHUAA MIHAI KUANGA TÎRTÔN PAULA LEKHATHON 7:19

Ki itho nuam thil sa kha tho loiin ki itho nuam loi thil sual chu ki tho ngaia.

ROM KHUAA MIHAI KUANGA TÎRTÔN PAULA LEKHATHON 7:21

Hiang hi thil om lam a nih ti kin hriat suak ta: Thil sa ki tho nuam nâkin, thil sual ki tho nôk ngai.

ROM KHUAA MIHAI KUANGA TÎRTÔN PAULA LEKHATHON 8:6

Taksa tianga thil nuamhai chu thina a nia, Irtha tianga thil nuam chu hringna le irtharngamna a ni.

GALATIA 5:22

Irtha ra chu: lungthungna hai, raiinfânna hai, irngeina hai, tuangdiarna hai, khonzâna hai, satna hai, iamomna hai,

GALATIA 6:10

Khanchu zoro inchum ei inei ang lam takin mi tin kuang sin sa tho inlân, iamnaa ei in sûnghai chunga lenvâng chu tho uar ual ei ti.

KOLOSA 3:15

Krista irngeina khan nin milunga roirêl ri se, takpum inkhata om hranga koi nin ni. Lômna châng inhre roi.

1 TIMOTHEA toc2 1 TIMOTHEA 6:18

Thil sa tho hrangin, thil sa thoa irchong hranghai phal taka mi danghai sem sa ngai hrangin inthor roh.

HEBRAI toc2 HEBRAI 12:14

Mi tin leh irngeia lêng tum unglân, irthiangna nei tum sa roi; kha irthiangna boiin tûte’n Rengpa hmu thei no ni.

HEBRAI toc2 HEBRAI 13:16

Thil sa sin le irsan irhlôm hi irnghil no roi, khahai kha irbôlna, Pathian inlôm ngai an ni.

JAKOBA toc2 JAKOBA 4:17

Khanchu, thil sa tho hrang inhriat chaka tholoi chu a ta hrangin sual a ni.

1 PETERA toc2 1 PETERA 3:12

Rengpa mit chu mi felhai chunga a chuma, An chongchaina khom ar ngaitua ngai. Khannisian thil saloi thotuhai chu a doihai ngai,” a iti angin.

3 JOHANA 1:11

Urêng inditom tak, a saloi chu irchu no’n lân, a sa chu irchu ual roh. Thil sa thotu chu Pathiana suak a nia, sin saloi thotu chu Pathian la hmu ngai mah.

ROIRÊLTUHAI 11:14

Jeftha’n palâihai chu Amon rêng kuanga a tîrhai nôka,